غموض عاشق 🔥 " قيد التعديل "

"الفصل السادس والعشرين🔥⚰️

غموض عاشق"
بقلم سما احمد ✨

وخرج هاني من المنزل بعد أن فعل ما طلبه منه ذلك الجاسم اللعين

داخل غرفه رافت وأمينه

رافت بنوم : امينه انتي سايبه حاجه علي البتجاز
امينه بنعاس : لا يا رافت احنا ما عملناش اكل النهارده اصلا
رافت : امال ايه ريحه الشياط دي
امينه : مش عارفه
رافت بقلق : انا هقوم اشوف في ايه واجي
امينه وهي تتثأب : ماشي وانا هكمل نوم

وخرج رافت ليري ماذا يحدث بالخارج

رافت بصوت عالي ويركض مسرعا : امينه امينه قومي بسرعه
امينه بقلق شديد : في ايه
رافت : قومي بسرعه البيت بيولع
امينه بصدمه : بيولع ازاي يا رافت
رافت : مش عارف قومي بسرعه اخرجي بره البيت مفيش وقت وانا هروح اشوف شهاب
امينه : لا انا مستحيل أخرج واسيبكوا
رافت بحزم : اسمعي الكلام يا امينه انا مش هعرف اخد بالي منكو انتوا الاتنين
امينه : حاضر خد بالك من نفسك
رافت يقبل جبينها : وانتي كمان يلا قبل النار ماتشتد

وذهب رافت ليحضر شهاب وكانت النيران تعلوا وتشتدت وتسقط كل ما حولها

رافت من خارج غرفه شهاب بصوت عالي : شهاب انت سامعني أخرج من الاوضه وتعالي بسرعه
شهاب بفزع : ايوا سامعك يا بابا بس انا مش عارف ايه اللي بيحصل
رافت : تعالي يا حبيبي وماتخفش

وكان شهاب يقترب من والده الي أن كادت أن تسقط عليه قطعه خشب كبيره لم تستطع الصمود أكثر امام تلك النيران

رافت وهو يدفع شهاب بعيدا : حااسب
شهاب بفزع شديد : بابا انت كويس
رافت : اه الحمد لله يا حبيبي انت كويس
شهاب كاد أن يبكي : الحمد لله
رافت : انت راجل ما تعيطش ويلا قوم عشان نخرج من هنا

واخذ رافت شهاب إلي الخارج بصعوبه شديده يتفادون النيران وكل ما يسقط فوق رؤوسهم أنهم حقا نجوا من الموت بأعجوبة

خارج المنزل وقد كان جميع من يسكن بالحي مجتمعين حوله

رافت يأخذ نفسا عميقا : الحمد لله خرجنا حد اتصل بالمطافي يا جماعه
احد سكان الحي : اه اتصلنا وزمانهم علي وصول
شهاب : امال فين ماما يا بابا
رافت : هي خارجه بقالها كتير بس مش عارف هي راحت فين أنا كنت متوقع انها تكون مستنيانا هنا
احد سكان الحي : مادام امينه ما خرجتش
رافت بصدمه : ايه انت بتقول ايه ماخرجتش ازاي
الرجل : مش عارف
شهاب بخوف شديد : مستحيل ماما لسه جوا
رافت : ما تخافش يا شهاب انا مش هخرج من غير امك
الرجل محاولا منعه : انت بتقول ايه انت ماينفعش تدخل انت مش شايف البيت بقا عامل ازاي دا بقا عباره عن نار
رافت بعصبيه : انت عايزني اسيب مراتي جوا انت اتجننت

وقام بدفعه وركض مسرعا للداخل ركض لينقذ حبيبته وزوجته ركض لينقذها ولا يري شئ اخر سواها