غموض عاشق"
بقلم سما احمد ✨
عند شهاب وهمس
همس بتعب : انا رجلي وجعتني من اللف
شهاب : مش بنجيب حاجه سيادتك
همس : اه يا رجلي يانا حرام عليك خلينا نقعد شويه طيب
شهاب وهو يضحك : حاضر يلا
و بالفعل جلسو بأحد الكافيهات
شهاب وهو ينظر بعين همس : انا مش عارف انا حبيتك بسرعه كدا ازاي
همس بخجل : طب مانا كمان حبيتك بسرعه
شهاب بذهوول : بتقولي ايه
همس بتوتر شديد : مابقولش حاجه
شهاب : لا قولتي يا همستي
همس : همستك انا مش همسه حد
شهاب : لا همستي غصب عنك يا حبيبتي انتي بتحبيني يا همس
همس بارتباك : انا عايزه اشرب عصير
شهاب : بتهربي ماشي انا وانتي والزمن طويل
همس وهي تضحك : طب اطلب يلا
شهاب وهو يضحك : ماشي يا همس بقولك صحيح
همس : نعم
شهاب : هوا انتي قبل كدا كنت عايشه لوحدك
همس : مش عارفه بس جاسم باشا قال أن انا كنت عايشه مع ماما
شهاب باستغراب : جاسم باشا ! مش المفروض تقولي بابا
همس : ماشيها كدا بقا مؤقتا
شهاب وهو يضحك : حاضر بس ازاي مامتك ماسالتش عليكي لحد دلوقتي يا همس
همس : مش عارفه يمكن تكون مش عارفه توصلي بس اكيد جودي قالتلها مش كدا
ويرن هاتف شهاب
شهاب : الو
ادهم : تعالي بسرعه يا شهاب الشركه مقلوبه هنا
شهاب : ماشي جايلك
ادهم : وياريت تجيب همس معاك
شهاب باستغراب : همس ! اجيبها ليه
ادهم : هاتها يا شهاب ولما تيجي هتعرف اخلص
شهاب : ماشي سلام
🏵️//////////////////★//////////////////🏵️
في بيت منير
امام البيت
رجل : بقولك دخلني عايز اشوفو ضروري
الحارس : منير بيه قالي مدخلش حد
الرجل : قولو سالم عايز يشوفك الموضوع مهم
الحارس : هديله خبر ماتتحركيش من هنا
داخل البيت
الحارس : منير باشا في راجل بره عايزك
منير : انا قولتلك ماتدخلش حد
الحارس : دا بيقول عايزك في موضوع مهم يا باشا
منير : موضوع ! موضوع ايه دا ؟ خليه يدخل
وبالفعل جلب الحارس الرجل لمنير
منير : سالم بتعمل ايه هنا مش جولتلك متجيش عشان محدش يشك فينا
سالم : مانا جيتلك عشان كده يا باشا
منير : ايه اللي حصل
سالم : الرجاله اتقفشت يا باشا
منير بصدمه : ازاي دا حصل انت مش قولت محدش شافكم
سالم : معرفش انا روحت اجيب اكل الرجاله رجعت مالقتهمش ولقيت الجواب ده
منير : وريني
غموض عاشق"
بقلم سما احمد ✨
🏵️//////////////////★//////////////////🏵️
في الشركه
شهاب : ايه اللي بيحصل يا ادهم
همس : جودي انتو بتعملوا ايه هنا
جودي وهي تحتضن همس : همس انتي كويسه
همس : ايوا كويسه ماتقلقيش
امجد : جينا ناخدك من الحرامي دا
شهاب : حرامي ايه انت اتجننت
امجد : لا انت اللي اتجننت انت واللي شغال معاه
وكاد امجد أن يضرب شهاب لولا همس دافعت عنه
همس : ايه اللي انت بتعملوا دا يا امجد
امجد : جاي اخدك من الحراميه دول اللي ضحكوا عليكي وفهموكي أن جاسم ابوكي
همس : مين قالك أنهم ضحكو عليا جاسم يبقي والدي بجد يا امجد
جودي : ازاي يا همس وانتي قولتيلي أن بباكي ميت
همس : هقولك
وحكت لهم همس ما حدث في المستشفي
مراد : احنا اسفين يا شهاب باشا ماكناش نعرف كل دا
شهاب : والله يا مراد بيه المفروض قبل ماتتهجموا عالناس تعرفوا ايه اللي بيحصل الاول
مراد بالقرب من أذن امجد : اعتذر
لم يستمع له امجد له وذهب من الشركه
مراد : استني
وركض وراءه
جودي : انا همشي انا كمان يا همس تحبي تيجي معايا ولا هتفضلي
همس : لا هاجي معاكي انا هروح مع جودي يا شهاب
شهاب بابتسامه : ماشي بس خدي السواق معاكي
ادهم وهو ينظر لشهاب : شهاب تعالي عايزك
داخل المكتب
شهاب باستغراب : حازم بتعمل ايه هنا
حازم بسخريه : والله انا اللي المفروض أسألك السؤال دا يا شهاب بتعمل ايه في شركه جاسم
شهاب ببرود : حاجه ماتخصكش يا حازم
حازم : إذا كانت ماتخصنيش يبقي تخص الكبير ولا انت رايك ايه
شهاب : تقصد ايه
حازم : ماقصدش انا كنت جاي ابلغك انو عايزك ضروري وباعتلك الجواب دا
شهاب : وريني
🏵️//////////////////★//////////////////🏵️
عند امجد ومراد
مراد : ايه اللي انت عملتو في الشركه دا يا امجد انا عمري ماشوفتك كدا
امجد : سيبني في حالي يا مراد
مراد : انت صاحبي الوحيد يا امجد ولازم اعرف مالك
امجد بحرقه : بحبها يا مراد ارتحت
مراد : بتحب مين همس
امجد : ايوا بحب همس بس هي مش بتحبني
مراد بذهول : وانت عرفت منين
امجد بألم وحرقه : هي اللي قالتلي وقالتلي أنها بتحب واحد تاني
مراد : اوعي يكون قصدك شهاب
نظر له امجد بالم وصمت
مراد وهو يحاول تهداته لا يعلم ماذا يقول له : اهدي يا صاحبي دا مش هيبقي اخر حب في حياتك واكيد هتلاقي اللي تحبك
امجد بصوت عالي : كفايه الكلام دا بقا مش عايز اسمعو
مراد بحزن : خلاص حقك عليا قوم نمشي يلا
🏵️//////////////////★//////////////////🏵️
عند همس وجودي
همس : وحشتيني اوي يا جودي تعرفي اني من ساعت اما شوفتك في المستشفي وانا حاسه فعلا أن انا وانتي كنا قريبين من بعض اوي
جودي ببرود : وانتي كمان وحشتيني يا همس
همس : انا وانتي كنا نعرف بعض من امتي يا جودي
جودي : من حضانه واحنا سوا
همس وهي تضحك : يا بقالنا كتير اوي تعالي نروح نشرب حاجه ونتكلم شويه هاتي ايدك
جودي وهي تدفع يد همس وبصوت عالي : ابعدي عني
🏵️//////////////////★//////////////////🏵️
غموض عاشق"
بقلم سما احمد ✨
انتهي الفصل إذا أعجبك اخبروني بالتعليقات 💘
تفتكرو جودي عملت كدا لي وايه اللي كان مكتوب في الجواب ؟ 🤷
أنت تقرأ
غموض عاشق 🔥 " قيد التعديل "
Mistério / Suspenseيتركنا الحب مصلوبين أمام دهشتنا لا نحن قادرين على الفرار ولا نحن قادرين على المسير. #غموض عاشق" بقلم سما احمد ✨
