غموض عاشق 🔥 " قيد التعديل "

🌹 الفصل التاسع عشر 🌹 ⁦

غموض عاشق"
بقلم سما احمد ✨

في احد الكافيهات

جودي وهي تجلس : معلش اتاخرت عليك
مراد بجمود : لا ولا يهمك
جودي : انت طلبت اننا نتقابل
مراد : ايوا طلبت يا جودي انا سبتك شويه كدا عشان تهدي وتستوعبي اللي عملتيه
جودي : ايه اللي انا عملتوا يا مراد قولي عملت ايه انا عرفتوا الحقيقه
مراد : لا يا جودي انتي ماشوفتيش نفسك وانتي بتتكلمي ماشوفتيش كنتي مغلوله ازاي انا نفسي ماصدقتش أن انتي اللي بتتكلمي ولحد دلوقتي مش قادر افهم اي السبب وعشان كدا جبتك انهارده يا جودي عشان افهم كل حاجه
جودي بارتباك : تفهم اي
مراد : السبب اللي خلاكي تعملي كدا وياريت تقوليلي الحقيقه
جودي بتوتر : مفيش سبب انا كنت متخانقه مع همس ولما شوفت امجد كدا اتعصبت وكنت عايزه افوقوا من اللي هوا فيه
مراد : مش هوا دا السبب يا جودي وانتي عارفه كدا كويس انا روحت اتكلمت مع همس وعرفت اللي حصل بينك وبينها كان نفسي تقوليلي الحقيقه بس بردو ماتكلمتيش انتي بتحبي امجد يا جودي انا بس نفسي اعرف انتي ليه ماقولتليش من الاول ليه سبتيني اتعلق بيكي كل دا ليه يا جودي
جودي : انا
قاطعها مراد بغضب : كفايه انا مش عايزه اسمع اي حاجه انا ماشي يا جودي وماتخافيش مش هديقك ولا هاجي جنبك تاني سلام

🌹''''''''''''''''''''''''''''''''''''''''''''''🌹

في فيلا جاسم

همس مبتسمه : معلش يا هبه ممكن تعمليلي قهوه
هبه تقابلها بابتسامه : حاضر يا انسه همس انا نفسي اعرف ازاي حضرتك اخت الانسه ليلي حضرتك عكسها خالص
همس وهي تضحك : متشكره يا هبه

وبعد عده لحظات يرن جرس الباب

هبه وهي تفتح الباب : شهاب باشا
شهاب مبتسم : ازيك يا هبه
هبه : الحمد لله يا باشا
شهاب : همس موجوده
هبه : ايوه جوا اتفضل يا باشا

في الداخل

شهاب : ازيك يا همس وحشتيني اوي
همس بذهول : ايه
شهاب وهو يضحك : ايه مالك بقولك وحشتيني
همس بخجل : طب اقعد
شهاب ضاحكا : لا مفيش وقت خدي دا واطلعي البسيه بسرعه وتعالي
همس : اي دا
شهاب وهوا يدفعها للامام : لما تطلعي هتعرفي يلا بس عشان مانتاخرش
همس : طيب طيب هطلع اهو

غموض عاشق"
بقلم سما احمد ✨

🌹''''''''''''''''''''''''''''''''''''''''''''''🌹

في الشركه

ليلي : بابا هوا شهاب فين
جاسم : سالت عليه قالولي جيه ومشي
ليلي بعصبية : ازاي يعني يجي ويمشي من غير مايشوفني ولا يطمن عليا
جاسم : هتلاقيه كان عندو مشوار ولا حاجه
ليلي : لا يا بابا شهاب بقالو فتره مش بيهتم بيا ولا بيتكلم معايا زي الاول
جاسم : طب ما تتكلمي معاه يا بنتي وافهمي في ايه
ليلي بغضب : لا انا ولا هتكلم معاه ولا عايزه افهم حاجه انا هخليه يجيلي راكع
جاسم : طريقتك دي مش هتنفع مع شهاب يا ليلي
ليلي تبتسم بتهكم : والله نبقي نشوف ماتشغلش بالك انت كفايه عليك بنتك التانيه
وخرجت من المكتب
جاسم وهو يتنهد : ربنا يهديكي يا ليلي

🌹''''''''''''''''''''''''''''''''''''''''''''''🌹

في فيلا جاسم

تنزل من علي السلالم ترتدي فستان وردي قصير مفتوح من الظهر وترفع شعرها مع حذاء عالي اسود وحلي سوداء

شهاب بذهول : انا كنت واثق انو هيبقي حلو عليكي بس ماكنتش اتخيل انو هيبقي تحفه كدا
همس بخجل : انت هتوعود كل شويه تكسفتني كدا
شهاب بتوهان : اكسفك ايه بس ماهو انتي مش حاسه بيا يلا امشي قدامي لسه قدامنا يوم طويل مع اني مش عايز حد يشوفك وانتي حلوه كدا
همس مبتسمه بخجل : طب احنا هنروح فين
شهاب هتعرفي اما نوصل

🌹''''''''''''''''''''''''''''''''''''''''''''''🌹

عند مخزن حامد

حامد : رجعتولي تاني يا عمر
عمر : عارف لولا أن البضاعه اتوقفت لكنت قتلتك بعد اللي انت عملتوا يا حامد بس ماتخاش هخلص عليك اول ما المصلحه تخلص
حامد : خد بالك من كلامك يا عمر واعرف انت بتتكلم مع مين وماتنساش انكو عمركوا ماهتصرفوا البضاعه من غيري يعني رحمتكوا تحت ايدي
عمر : اخلص يا حامد هتسلم البضاعه امتي
حامد : يومين و تكون متسلمه بس عندي شرط
عمر بضيق : شرط اي
حامد : هاخد عشرين في الميه من تمن البضاعه
عمر : انت هتستعبط يا حامد
حامد : والله دا شرطي يا اما روح لحد تاني يصرفهالك
عمر ناظرا له باستحقار : اتفقنا وسع من وشي

وذهب عمر ورن هاتف حامد بعد ذهابه

حامد : الو يا باشا عمر لسه ماشي وكل حاجه تمت زي ماطلبت

🌹''''''''''''''''''''''''''''''''''''''''''''''🌹

غموض عاشق"
بقلم سما احمد ✨

انتهي الفصل إذا أعجبكم اخبروني بالتعليقات 🌹

تفتكرو اي المفاجاه اللي محضرها شهاب لهمس ؟🤷