غموض عاشق 🔥 " قيد التعديل "

🦋 الفصل الثاني عشر 🦋

غموض عاشق"
بقلم سما احمد ✨

الله اكبر كبيرا عدد الشفع و الوتر وكلمات الله التامات الطيبات المباركات

لا اله إلا الله، لا اله إلا الله، لا اله إلا الله ☝️

🌺✨✨✨✨🌺✨✨✨🌺

باااااااك

ليلي : انت بتقول ايه البتاعه دي تبقي اختي ازاي
جاسم بحزم : عيب يا ليلي اقعدي عشان افهمك
ليلي بعصبيه : اقعد ! لا مش هقعد غير لما البنت دي تطلع بره بيتي
جاسم بغضب : دا بيتها زي ماهو بيتك
شهاب : اقعدي يا ليلي واهدي عشان نفهم
همس : انا مش فاهمه حاجه يعني لو دي اختي ازاي هي ماتعرفش اني اختها وكمان حضرتك في المستشفي قولت انك اكتشفت اني بنتك
جاسم : اقعدي يا حبيبتي وانا هفهمك كل حاجه

و جلس الجميع ليخبرهم جاسم بالقصه

ليلي : انا عايزه افهم دلوقتي دي اختي ازاي
جاسم : همس مش اختك بس يا ليلي دي اختك التؤام كمان رقيه لما حملت اللي هي والدتك انتي وهمس حصل بينا شويه مشاكل وقررنا نطلق بعد اما ولدت وساعتها هي كانت عايزه تاخدكوا معاها بس انا ماوفقتش فاتفقنا أن كل واحد فينا ياخد بنت يربيها بس رقيه رفضت اني اشوفك يا همس أو نقولكو الحقيقه عشان كدا انتي وليلي عمركوا ماشوفتوا بعض

لم يخبرهم جاسم في تلك اللحظه بالحقيقه كامله واحتفظ بالكثير من الاشياء لنفسه

ليلي : انت كداب استحاله دي تكون اختي وكمان تؤمي انت بتهزر
جاسم بغضب شديد : انتي اتجننتي يا ليلي امشي اطلعي اوضتك
شهاب : اهدي يا باشا الصدمه كبيره عليها بردو
همس بحزن : انا شكلي عملتلكو مشاكل ولغبطت حياتكو
جاسم : انتي ماعملتيش حاجه يا حبيبتي انا اللي غلطان كان المفروض اجمعكوا من زمان عايزك تاخد همس يا شهاب وتشتريلها هدوم واي حاجه تحتاجها وخلي بالك منها
شهاب : في عيني يا باشا ماتخافش

🦋××××٭٭٭٭٭××××٭٭٭٭٭××××🦋

في المستشفي

امجد : خرجت يعني ايه ومع مين
الدكتور : مع والدها يا فندم
جودي : والدها مين همس بباها ميت هي قالتلي كدا
مراد : انتو ازاي تخلوها تمشي مع اي حد كدا
الدكتور : انا مليش علاقه بالحجات دي يا فندم والمريضه خرجت بإرادتها
جودي : طب واللي خرجت معاها دا كان شكلو ايه
الدكتور : كانو اتنين يا فندم واحد اسمو شهاب و واحد اسم جاسم
امجد بغضب : تاني شهاب دا مش هيبعد عننا بقا
مراد : اتصلي بيها كدا يا جودي
جودي : همس مش معاها موبيل
مراد طب هنعمل
امجد : يلا بينا هنروحلهم الشركه

غموض عاشق"
بقلم سما احمد ✨

🦋××××٭٭٭٭٭××××٭٭٭٭٭××××🦋

في شركه شهاب

حازم : شهاب باشا موجود
السكرتيره : شهاب باشا مابقاش يتواجد في الشركه دي يا فندم
حازم : مابيتوجدش هنا ازاي يعني مش دي شركتو
السكرتيره : لا يا فندم حاليا هوا في شراكه مع شركه تانيه
حازم : شركه ايه دي
السكرتيره : شركه جاسم باشا
حازم في نفسه : يا وقعتك السوده يا شهاب بتشتغل مع اللي اتسببو في موت ابوك

ويرن هاتف حازم

حازم : الو عملتو ايه
المتصل : ايوه يا باشا المصنع بقا فحمه زي ماقولت
حازم : اوعي يكون حد شافكم
المتصل : ولا نفر
حازم : عفارم عليك

🦋××××٭٭٭٭٭××××٭٭٭٭٭××××🦋

عند شهاب وهمس

همس بتوتر : احنا هنروح فين
شهاب بجمود : هنروح نشتري الحاجه اللي جاسم بيه قال عليها
همس بضيق : انت بتتكلم كدا لي يا شهاب وكمان كنت ساكت طول الطريق
شهاب : انا اسف يا انسه لو طريقتي كانت دايقتك
همس : انسه يا شهاب من امتي وانت بتقولي كدا
شهاب : من دلوقتي انتي بقيتي الانسه همس بنت جاسم باشا
قاطعته همس وهي تكاد أن تبكي : لا يا شهاب انا همس وبس همس اللي انت انقذتها همس اللي فقدت الذاكره وانت فضلت جنبها همس اللي انت حبيتها يا شهاب
شهاب كان قلبه يتقطع من كلامها ولكنه لا يعلم ماذا يفعل فهو في موقف صعب للغايه يوجد صراع بداخله صراع بين قلبه وعقله

همس وهي تبكي : انا مش عايزه اعيش معاهم انا مش عايزه اقعد هناك انا مش عارفه اي اللي بيحصل اصلا ومش فاكره حاجه وكنت فاكره انك هتقف معايا يا شهاب وانا مش عارفه اعمل ايه بجد

شهاب قلبه رق لم يستطع أن يقسو عليها أكثر من ذلك فهو يعلم أنها تعاني بالفعل من الكثير بالاضافه أن قلبه لن يتحمل ذلك

شهاب بحنيه : بطلي عياط بقا خلاص انا اسف حقك عليا انا اسف وادي راسك أبوسها يا ستي
وقام بتقبيل رأسها ومسح دموعها
همس وهي تمسح دموعها : خلاص مش زعلانه
شهاب وهو يضحك : هوا انتي تقدري تقولي غير كدا
همس وهي تضحك : لا طبعا يلا نروح نشتري الحاجات بقا

غموض عاشق"
بقلم سما احمد ✨

🦋××××٭٭٭٭٭××××٭٭٭٭٭××××🦋

في شركه شهاب و جاسم

السكرتيره : في واحد اسمو حازم عايز يقابل حضرتك يا ادهم باشا
ادهم : حازم ! بيعمل ايه هنا دا خليه يدخل
السكرتيره : حاضر يا باشا
خارج المكتب
السكرتيره : اتفضل يا فندم
ادهم بابتسامه : حازم ايه المفاجاه الحلوه دي
حازم : المفجاه عندكو انتو
ادهم : تقصد ايه
حازم : اقصد بتعملوا ايه هنا في شركه جاسم الكلب ده انتو نسيتو اللي عملوا ولا ايه
ادهم : لا طبعا
حازم : امال بتعملوا ايه هنا
ادهم : انا وشهاب بنعمل كدا عشان نوقعو
حازم وهو يضحك باستهزاء : توقعو تقومو عاملين شراكه معاه شايفني اهبل ولا ايه يا ادهم
ادهم بضيق : ماتبقاش مستفز يا حازم
ويقاطع كلامهم صوت عالي يأتي من الخارج
امجد وهو يدفع مكتب السكرتيره بقوه : يعني اي مش موجودين خليهم يظهرو حالا
وقام بدق باب المكتب بقوه
امجد بصوت عالي : اطلع يا شهاب

🦋××××٭٭٭٭٭××××٭٭٭٭٭××××🦋

غموض عاشق"
بقلم سما احمد ✨

انتهي الفصل إذا أعجبك اخبروني بالتعليقات 💘

تفتكرو شهاب هيعمل ايه ومصنع مين اللي ولع؟ 🌺