غموض عاشق 🔥 " قيد التعديل "

الفصل السابع والعشرين 🥀

غموض عاشق"
بقلم سما احمد ✨

في منزل جاسم

جاسم : امينه عامله ايه يا دكتور
الطبيب : هي بخير الحمد لله ودا اغماء طبيعي نتيجه اللي حصل
جاسم : طب الحمد لله اتفضل يا دكتور

وذهب جاسم مع الطبيب لايصاله

ومن ناحيه أخري داخل غرفه امينه

شهاب مستلقيا الي جانب والدته يبكي بحرقه : انا اسف ماكنش المفروض اضغط عليكي ماكنش المفروض اسالك سامحيني وقومي عشان خاطري
رقيه ببكاء : اهدي يا حبيبي ماما هتبقي كويسه وهتفوق دلوقتي ماتخافش
شهاب : يرب بجد انا خايف عليها اوي يرب قومها بالسلامه يرب
رقيه بفرح : مش قولتلك هتفوق اهي بتفتح عينيها اهي 
امينه تفتح عينيها بصعوبه لتستفيق : انا فين ايه اللي حصل
شهاب بفرح : ماما اخيرا صحيتي انا كنت هموت من القلق عليكي
رقيه ببكاء : حمد لله على سلامتك يا حبيبتي
امينه غير مستوعبه لاي شئ ولا تري أمامها
سوي رافت : رافت فين رافت راح فين
شهاب بخوف شديد : اهدي يا ماما اهدي 
امينه هائجه بشده تصرخ وتدفع كل من حولها : سيبوني ادخل لرافت رافت جوا لوحدوا سيبوني يا رافت ماتخلهمش ياخدوني يا رافت سيبني اموت معاك سيبووووووني
رقيه ببكاء شديد : اهدي يا حبيبتي اهدي يا امينه عشان خاطري
امينه تصرخ وتقوم بدفع رقيه : انتي مين ابعدي عني سيبوني في حالي ابعدي
شهاب بفزع : هوا ايه اللي حصلك يا ماما لي بتعملي كدا
امينه ناظره له وتبكي بحرقه وتضرب نفسها : انا السبب انا اللي قتلت رافت انا السبب انا اللي موتوا انا السبب
شهاب ببكاء : مش انتي السبب يا ماما دي اراده ربنا ماتعمليش في نفسك كدا

لم تستمع امينه له وظلت تصرخ وتبكي تنادي باسم رافت وتقول أنا من قتله انا السبب في موته انا من قتله الي أن طلبوا لها الطبيب مره اخري واعطاها الكثير من المهدئات الي أن نامت

رقيه بقلق شديد : طمني يا دكتور
الطبيب : ماخبيش عليكي هي بصراحه حالتها صعبه اوي ولازم تنقلوها علي المستشفي في أسرع وقت لأنها لو استمرت علي الحال دا ممكن تعمل في نفسها حاجه فالازم تفضل تحت المراقبه طول الوقت
رقيه بخوف شديد : أن شاء الله هتبقي كويسه وانا هفضل جنبها انهارده مش هسيبها والصبح هنوديها المستشفي باذن الله

غموض عاشق"
بقلم سما احمد ✨

                 _________________★----------------------

في غرفه المعيشه

رقيه : اهدي يا شهاب اهدي يا حبيبي ماتخافش ماما هتبقي كويسه والله الدكتور طمني عليها وقالي هتفوق وهتبقي كويسه يا بني عيونك ورمت من كتر العياط يا حبيبي
جاسم بجفاف : خلاص بقا كفايه عياط الرجاله مابتعيطش لو ناوي تفضل تعيط زي البنات روح الاوضه وعيط هناك مع نفسك

لم يلتفت شهاب لجاسم ولم يعره اي اهتمام

جاسم بعصبيه : انت ما بتردش عليا يا ابن رافت
رقيه بغضب شديد : كفايه بقا يا جاسم حرام عليك  كفايه اللي هوا فيه انت للدرجادي مش عندك إحساس
جاسم : انتي اتجننتي يا رقيه انتي ازاي تكلميني كدا
رقيه ضاحكه باستهزاء : تعالي ورايا علي الاوضه وانا هفهمك ازاي

وصعدوا الي الاعلي

داخل الغرفه

جاسم بعصبيه : انتي اتجننتي يا رقيه ايه اللي انتي عملتيه قدام الواد دا
رقيه بغضب شديد : انت ايه يا اخي انت جاحد مابتحسش ما عندكش احساس انت ازاي كدا ازاي جالك قلب تعمل في صاحب عمرك كدا
جاسم : انت بتقولي ايه انا مش فاهم حاجه
رقيه باستهزاء : ماتستعبطش يا جاسم انا عارفه كل حاجه عارفه قد ايه انت واطي وندل وجبان وسمعتك وانت بتتفق علي صاحب عمرك ومراتوا وابنهم كنت عايز تولع فيهم يا جاسم عايز تقتلهم طب لي عملولك اي طب الواد الصغير دا عملك ايه عشان تعمل فيهم كدا
جاسم يتحدث بحرقه : دا كان يستاهل اكتر من اللي حصلوا دا يستاهل اكتر من كدا بكتير طول عمروا شايف نفسوا احسن مني طول عمروا باصص للحاجه اللي في أيدي من واحنا عيال من ساعت اما امي وابويا جابوه من الشارع بعد ما امه وأبوه ماتوا عطفوا عليه وجابوه ومن ساعتها وهوا خادهم لصفوا أكن هوا اللي ابنهم وانا اللي جاي من الشارع حتي الكليه اللي كان نفسي فيها هوا دخلها وانا لا
والبنت اللي حبتها وعشقتها وعمري ماحبيت قدها هي اللي كانت اكتر حاجه بتمناها من الدنيا خادها مني وخلاها تحبوا وهي رغم اني كنت قايدلها صوابعي العشره شمع اختارتوا هوا وسابتني انا بكرهوا ولو طولت اولع فيه تاني فانا مش هتردد لاحظه واحده

رقيه كانت متفاجاه حقا من كميه الحقد التي بداخل جاسم

رقيه : ياااا ايه كل دا ! ازاي شايل كميه الحقد والغل دي في قلبك وانا كل دا عايش معايا وانت قلبك مع واحده تانيه كل دا معيشني في كدبه انك بتحبني وانت بتبص لصحبتي اللي هي مرات صاحبك
رافت ماكنش بياخد الحاجه اللي في ايدك رافت كانت الحاجه بتجيلوا عشان هوا يستاهلها بس عقده النقص اللي عندك هي اللي كانت بتخليك تحس بكدا عشان انت كنت دايما حاسس نفسك اقل منوا في كل حاجه
مش هوا اللي كان بيبقي عايز يبقي احسن منك
انا مستحيل اقعد معاك يوم واحد بعد اللي حصل دا انا هاخد بناتي وهمشي من هنا ومش هتشوف وشي تاني
جاسم بعصبيه ويمسك ذراعها بقوه : بنات مين اللي هتاخديهم انت عايزه تمشي مع السلام الباب يفوت جمل بس اعملي حسابك انك ماشيه لوحدك عيالي هيفضلوا معايا هنا فاهمه ولا لا
رقيه ببكاء : سيب ايدي انت اتجنن...

وهنا قاطعهم صراخ همس

رقيه بفزع : ايه اللي حصل ابعد عني

وذهبوا جميعا راكضين ناحيه الصوت

رقيه صارخه بفزع : امييييييييييييييينه

غموض عاشق"
بقلم سما احمد ✨

_________________★----------------------

انتهي الفصل إذا أعجبكم أخبروني بالتعليقات☺️💗

           تفتكروا ايه اللي حصل لامينه ؟🤔