غموض عاشق"
بقلم سما احمد ✨
احمدوا الله علي نعمه واشكروا الله علي ما اتاكم ليزيدكم من فضله وكرمه
الحمد لله حمدا كثيرا طيبا مباركا فيه 🤲✨💗
🌸🌸🌸🌸🌸🌸🌸🌸🌸
همس وهي تضحك : اصل افتكرت أن انا وانت بنحب بعض
امجد : وافرضي أننا بنحب بعض فيها ايه
همس بتوتر : اصل بصراحه انا حاسه اني معجبه بشهاب
وهنا الدنيا كانت تدور بامجد هل ماسمعه صحيح هل خسر حب حياته حقا بتلك السهولة بعد أن بدأ يشعر بأنها بدأت تعجب به والدنيا بدأت تضئ بوجهه يتحول ذلك بلحظه الي كابوس مظلم لا يعلم كيف يستيقظ منه
همس : روحت فين
امجد بصدمه : انتي حبتيه امتي
همس بخجل : من ساعت اما شوفتوا لما صحيت
امجد بنكسار : انتي بتحبيه بجد يا همس
همس تضحك بخجل : انا مش عارفه بس لما كنا بنتكلم قلبي فضل يدق جامد وعيني ماكنتش عايزه تتشال من عليه وماكنتش عايزاه يمشي ولما مشي حسيت أن قلبي مشي معاه
امجد لم يعلم بماذا يجيب فهو في حاله انكسار وجرح كبير أنها تحادثه عن حبها لشاب اخر وهوا يحبها بل يعشقها
همس : روحت فين
★٭٭٭٭★٭٭٭٭★٭٭٭٭★٭٭٭٭★
عند جودي ومراد
في مطعم فارغ لا يوجد بيه سواهما
جودي : احنا المفروض رايحين نجيب اكل لهمس مش كدا
مراد : ايوه في ايه
جودي بغيظ : وانت جبتنا هنا ليه بقا واي الشموع دي
مراد وهو يضحك : كنت عايز اقعد معاكي شويه في حاجه
جودي : لا ابدا يا اخويا عايزه تقعد معايا ليه بقا
مراد : اخويا انا حاسس اني قاعد مع واحد صحبي والله يبنتي خليكي رقيقه شويه كدا
جودي : هي دي طريقتي اذا كان عاجبك
مراد وهو يغمز لجودي : عاجبني كلك عجباني
جودي بتوتر : وبعدين بقا قول انت عايز ايه
مراد : انا بحبك يا جودي بحبك اوي وقولتلك كدا قبل كدا بس ماردتيش عليا
جودي بتوتر شديد : بس انا
قاطعها مراد : مش عايزك تجاوبي دلوقتي خليكي علي راحتك وادي الاغنيه اشتغلت كمان اهي هاتي ايديك
جودي بذهول : ايه
مراد وهو يجذبها ناحيته : هنرقص
وأخذها وصاروا يرقصون سويا وهو ينظر بعينيها بكل حب و دفء وحنان
جميله حقا تلك الأجواء الرومنسيه جميل أن يعبر لك الشخص عن حبه بكل ما يستطيع ويبذل قصارى جهده ليسعدك ويبقي معك لينال حبك ورضاك فقط كان كل شئ مخطط له المطعم الشموع الاغنيه والرقصه
★٭٭٭٭★٭٭٭٭★٭٭٭٭★٭٭٭٭★
في شركه جاسم
وتحديدا مكتب شهاب
ليلي بدلال : تعالي نخرج انهارده يا شهاب
شهاب : لا انا عندي مشوار انهارده
ليلي بضيق : يعني هوا المشوار أهم مني
شهاب : المشوار مهم يا ليلي ومينفعش يتأجل لكن الخروجه ممكن تتاجل
ليلي : ماشي انا مش عايزه اخرج معاك اصلا
وهي تخرج من المكتب اصطدمت بجاسم
جاسم : في ايه يا ليلي
ليلي بعصبيه : مفيش
وذهبت
جاسم : هي ليلي مالها انت زعلتها ولا ايه
شهاب : والله ابدا كل دا عشان قولتلها اني مش فاضي أخرج انهارده
جاسم بشك : وراك ايه يعني
شهاب : ورايا مشوار يا باشا
جاسم : ماشي خلينا في الشغل البضاعه هتيجي انهارده اول اما تيجي تتحط في المخازن
شهاب : بضاعه ايه يا باشا
جاسم بارتباك : بضاعه بدل اللي اسمو خالد دا حرقها في السوق
ويرن هاتف جاسم
جاسم : الو
المتصل : الحقني يا جاسم باشا
جاسم : في ايه
غموض عاشق"
بقلم سما احمد ✨
★٭٭٭٭★٭٭٭٭★٭٭٭٭★٭٭٭٭★
في المستشفي
همس : روحت فين
امجد بتوهان : معلش سرحت شويه هوا مراد وجودي اتاخرو ليه
همس : مش عارفه اوعي تقولهم حاجه
امجد وهو يبتسم بالم : ماتقلقيش
وهنا لم يعلم هل يخبرها بمشاعره ام يبقي صامتا وبالنهايه اختار أن يصمت كي لا يجرح أكثر من ذلك أنها مشكله الوقت تأخر هو وأتي غيره وأخذها منه دون أن يشعر
مراد وهو يفتح الباب : اتاخرنا عليكوا
همس : ايه كل دا انتو بقالكوا اكتر من ساعتين كنتو فين
جودي بتوتر : اصل ماكنش في محلات فاتحه هنا فاروحنا جبنا من مكان بعيد
مراد وهو يكتم ضحكته : اتفضلي يا همس
همس : متشكره
مراد بفخر : وطبعا عمري مانسي صحبي حبيبي جبتلك اكل انت كمان اي خدمه
امجد لم يكن يسمع اي شئ مما يقولون كان في وادي اخر وادي من الالام
مراد وهو يلوح أمام وجهه : امجد انت معايا
امجد بخنقه : عايز ايه يا مراد
مراد : مالك يا عم انت مش معانا خالص
امجد : انا تعبان وعايز اروح انا همشي سلام
مراد : استني يا بني خدني معاك طيب انتي هتفضلي يا جودي ولا هتمشي
جودي : لا هفضل مع همس اكيد
همس : روحي معاهم يا جودي انا مش هحتاجك هنا وكمان تغيري هدومك بتاعت الحفله دي
جودي : بس
قاطعها مراد : همس معاها حق يا جودي وابقي تعالي الصبح
جودي : ماشي عايزه حاجه يا حبيبتي
همس : سلامتكو
★٭٭٭٭★٭٭٭٭★٭٭٭٭★٭٭٭٭★
في شركه جاسم
ويرن هاتف جاسم
جاسم : الو
المتصل : الحقني يا جاسم باشا
جاسم : في ايه
المتصل : العربيه عملت حادثه
جاسم بعصبية : والبضاعه اوعي يكون حصلها حاجه
المتصل بصوت متقطع : البض..اعه ولعت يا.. باشا
جاسم بغضب شديد : ولعت ازاي اقفل غور
شهاب : في ايه يا باشا
جاسم وجهه شديد الاحمرار من الغضب : العربيه ولعت بالبضاعه
شهاب : طب والعمل
جاسم بصوت عالي ويدفع المكتب بقوه : مش عارف يا شهاب ايه اللي بيحصلي دا
شهاب : اهدي يا باشا كل حاجه هتتحل أن شاء الله اهدي بس
جاسم بتوعد : اكيد حد ورا الموضوع دا وانا هعرفوا وساعتها يا ويلوا مني
★٭٭٭٭★٭٭٭٭★٭٭٭٭★٭٭٭٭★
غموض عاشق"
بقلم سما احمد ✨
انتهي الفصل إذا أعجبكم اخبروني بالتعليقات 😉
تفتكرو شهاب ورا اللي حصل دا ؟
أنت تقرأ
غموض عاشق 🔥 " قيد التعديل "
Misterio / Suspensoيتركنا الحب مصلوبين أمام دهشتنا لا نحن قادرين على الفرار ولا نحن قادرين على المسير. #غموض عاشق" بقلم سما احمد ✨
