غموض عاشق 🔥 " قيد التعديل "

💘 الفصل التاسع 💘

غموض عاشق"
بقلم سما احمد ✨

سبحان الله وبحمده سبحان الله العظيم ✨💗

النسيان أمر صعب جدا كيف للشخص أن ينسي من يحب وينسي جميع تفاصيل حياته وكيف لمحبيه تقبل الأمر وهل سيتذكرهم مره اخري....

همس : انتوا مين ؟
جودي ببكاء : انا جودي يا حبيبتي
همس : جودي مين انتي تعرفيني ؟
امجد بصدمه : انتي مش فكرانا يا همس انا امجد انتي نستيني
همس باستغراب : انا اسفه والله مش فاكره حضرتك
شهاب بحزن مخفي : كفايه يا جماعه ماتضغطوش عليها
مراد : شهاب معاه حق يلا يا امجد يلا يا جودي
جودي : بس
قاطعها مراد : اسمعي الكلام يا جودي وانت يا امجد اتحرك
وخرج الجميع من الغرفه وهم مصدومين كيف لم تتعرف عليهم هل ستتذكرهم مره اخري والكثير من الاسئله تدور في ذهنهم

امام الغرفه

شهاب : يعني هي كدا فقدت الذاكره يا دكتور
الطبيب : للاسف الارتجاج اللي حصلها أثر علي المخ ودا عملها فقدان مؤقت في الذاكره
جودي : يعني هي كدا مش هتفتكرنا تاني
مراد : ماهو لسه قايلك انو مؤقت يا جودي
امجد : هي تقدر تخرج امتي يا دكتور
الطبيب : يومين كدا نطمن عليها وبعد كدا نحدد
شهاب : شكرا يا دكتور تعبناك معانا
الطبيب : دا واجبي عن اذنكوا
امجد : تعبناك معانا يا شهاب باشا تقدر تروح شغلك
جودي : ايه قله الزوق دي يا امجد ماتزعلش يا شهاب باشا حضرتك منورنا
شهاب : ولا يهمك يا انسه انا كدا كدا كنت هدخل اطمن علي همس وهمشي عن اذنكم

في غرفه همس

شهاب يطرق باب الغرفه
همس : اتفضل
شهاب : انا جيت اطمن عليكي قبل ماروح الشركه
همس : انا الحمد لله كويسه بس ممكن اسالك سؤال
شهاب وهو مبتسم : بس كدا اتفضلي يا ستي
همس مبتسمه بإحراج : هوا انا اعرفك منين
شهاب وهو يضحك : دا موضوع كبير اوي يا همس بس علي العموم يا ستي انا هحكيلك
وحكي شهاب لهمس كل ماحدث مع القليل من الاضافات من عنده
شهاب : ومن ساعتها وانتي مابتفارقيش خيالي يا همس لحد ماشوفتك في الحفله
همس باحراج : تقصد ايه
شهاب وهو يضحك : لا ابدا ولا حاجه انا هضطر امشي دلوقتي وهعدي عليكي لما اخلص ماشي
همس وهي تضحك : ماشي
شهاب وهو يقبل جبينها : سلام يا همستي

★★★★★★★★★★

في فيلا جاسم

ليلي : هوا بابا لسه ماجاش
هبه : لا والله يا انسه
ليلي بضيق : هوا كل دا مع الست هانم في المستشفي
ويدق أحدهم جرس الباب
ليلي : ماتفتحي الباب امشي انتي مش سامعه الجرس
هبه : حاضر
وتفتح هبه الباب
هبه : دا عمر باشا يا انسه ليلي
ليلي : خليه يتفضل
عمر : ازيك يا انسه ليلي
ليلي : الحمد لله يا عمر في حاجه ولا ايه
عمر : لا ابدا انا كنت بطمن عليكي وقولت اعدي اخدك الشركه
ليلي : ميرسي يا عمر انا كنت عايزه اسالك سؤال كدا
عمر : يا سلام اؤمري
ليلي : ايه البضاعه اللي الراجل دا قال عليها ؟

ارتبك عمر ولم يعلم بماذا يجيب
ليلي : روحت فين
عمر بارتباك : ها لا ابدا اصل جاسم بيه كان عايز يدخل معاه في صفقه كبيره بس عرف انو نصاب وهددوا انو هيبلغ عنوا وكدا
ليلي : طب والراجل دا مش خايف أننا نبلغ عنوا
عمر : مش عارف اي الجنان دا
ليلي : طب مين البنت اللي اتصابت دي
عمر : مش عارف هتلاقيها واحده من المعازيم
ليلي : واحده من المعازيم يقوم شهاب عامل كل دا عشانها
عمر بضيق : مش عارف اجهزي يلا عشان اتاخرنا

غموض عاشق"
بقلم سما احمد ✨

★★★★★★★★★★

عند أحد المخازن

ادهم : قولت ايه يا معلم
حامد : والله هوا عرض مايتفوتش بس انا اضمن منين أن دا مش ملعوب عاملينوا انتوا وجاسم
ادهم : ملعوب ازاي يعني يا معلم بقولك هنوقعوا تقولي ملعوب
حامد : بردو الاحتياط واجب
ادهم : عندك حق يا معلم وانا هديك الامان قولت ايه
حامد : اذا كان كدا قولي بقا اول خطوه ايه
ادهم : هقولك

★★★★★★★★★★★

في الشركه

جاسم بعصبيه : شهاب جيه
السكرتيره : لسه يا فندم زمانو علي وصول
جاسم : كل دا لي أنا سايبوا من ساعه في المستشفي
ويأتي شهاب من الخلف
شهاب : في حاجه يا جاسم باشا
جاسم : مصيبه
شهاب : في ايه تعالي نتكلم في المكتب

داخل المكتب

جاسم بغضب : شوفت اللي اسموا خالد دا عمل ايه
شهاب : خالد مين
جاسم : خالد النبوي
شهاب : اه ودا عملك ايه
جاسم : هيضربنا في السوق البيه نزل البضاعه بنص سعر بتاعتنا ونفس الجوده
شهاب : طب وهو عرف السعر بتاعنا ازاي
جاسم : مش عارف انا هتجنن
شهاب : اهدي يا باشا عشان نعرف نتصرف
جاسم : انا هروح اشوف مدير الحسابات واجيلك اه صحيح هي همس عامله ايه
شهاب بشك : كويسه بس هوا حضرتك مهتم ليه
جاسم بارتباك : مش اتصابت بسببي
شهاب : سبحان الله يا باشا البنت دي محظوظه اوي انكوا تطلعوا نفس الفصيله
جاسم بتوتر حاول إخفائه بالضحك : عندك حق

★★★★★★★★★★★

عند همس

امجد : عامله ايه دلوقتي يا همس
همس : الحمد لله بقيت احسن
جودي : انتي ماكالتيش حاجه من الصبح يا حبيبتي
مراد : تعالي ننزل نجبلها اكل يا جودي
جودي : يلا بينا
امجد وهو يضحك : اخيرا نزلوا
همس ضاحكه : لي يعني ؟
امجد : اصلهم كانوا كابسين علي نفسي
همس : مش فاهمه
امجد بحب : بقالنا كتير ماتكلمناش سوا
همس : هوا انت كنت بالنسبالي ايه يا امجد
امجد بارتباك : يعني انا وانتي كنا قريبين من بعض اوي
همس : كنا قريبين ازاي
امجد بتوتر : يعني كنا اصدقاء مقربين مش مجرد زمايل فاهمه
همس وهي تتنهد : اه الحمد لله وقعت قلبي
امجد باستغراب : اشمعنا ؟
همس وهي تضحك : اصل افتكرت أن انا وانت بنحب بعض
امجد : وافرضي أننا بنحب بعض فيها ايه
همس بتوتر : اصل بصراحه انا حاسه اني معجبه بشهاب

★★★★★★★★★★★

غموض عاشق"
بقلم سما احمد ✨

تفتكرو رد فعل امجد هيكون ايه وايه اللي هيحصل مع جاسم 🤔

انتهي الفصل إذا أعجبكم اخبروني بالتعليقات ✨