غموض عاشق 🔥 " قيد التعديل "

الفصل الثالث وعشرين 🔐

حقائق مخفيه وأمور غامضه لا نعلم معناها ولكن لاشئ يظل مخبأ طوال الوقت في النهاية سوف يأتي وقت وينكشف كل شيء #غموض عاشق" بقلم سما احمد ✨

الشرطي : سلم نفسك يا جاسم المكان كلوا محاصر
جاسم : أسلم نفسي يعني أي انتوا عايزين ايه وازاي تدخلوا كدا
الشرطي : هتعرف كل حاجه لما تيجي معانا ماتخافش واخلص اتحرك وما تحاولش تعمل اي حاجه أحسنلك
ليلي بعصبيه : هوا في ايه انتوا اتجننتوا ! انتوا عارفين انتوا بتكلموا مين ؟
الشرطي بغضب : اه عارفين يا استاذه ليلي وياريت تتكلمي باحترام بدل اما اعملك محضر واخدك معاه
ليلي بنبره تحدي : وانا مش هسيبكوا تاخدوا قبل اما اعرف انتو واخدينوا لي
الشرطي بنبره حاده : والد حضرتك متهم في قضيه قتل ومخدرات يا هانم ومش انتي اللي هتحددي احنا هناخدوا ولا لا وكلمه زياده كمان انا هاخدك عالبوكس

وهنا تاكد جاسم أن عمر قد تم القبض عليه وأنه لا يجب عليه تسليم نفسه مهما حصل فلم يجد أمامه حل سوي تهديد أحد الأشخاص بالسلاح ليطلقوا سراحه
ولكنه ولم يكن أمامه سوى ابنته ليلي فماذا سوف يفعل هل سيهددهم بابنته حقا
حسنا أنه لم يجد أمامه حل اخر اما ذلك أو حياته ستنتهي بالسجن المؤبد كلا أنه سوف يتم عدمه علي الاقل فجرائمه ليست صغيره ابدا

وبالفعل قام بامساك ليلي مشيرا لها بالسلاح

جاسم : ابعدوا عني احسنلكوا يأما هقتلها انتو فاهمين
الشرطي ضاحكا باستهزاء : انت اكيد اتجننت انت بتهددنا ببنتك
جاسم : انا فعلا اتجننت ولو ما خرجتش من هنا هتجنن اكتر
ليلي مصدومه : ايه اللي انت بتعملوا دا يا بابا انت واعي انت بتعمل ايه انت ماسك بنتك انت بتهددهم ببنتك وحاطط المسدس عليها انت اكيد مش في واعيك صح
جاسم بنبره صوت مرتفعه : بقولكوا ايه انا اتجننت بقا مش في وعي زي مابتقولوا بس انا هخرج من هنا بأي طريقه فاهمين
الشرطي : علي فكره يا جاسم انت مش هقدر تهرب مننا حتي لو سيبناك فاسلم نفسك أحسنلك
شهاب : سيبك منو يا حضره الظابط دي بنتوا وهوا اكيد مش هيعملها حاجه هوا فاكرنا هناخد بالشويتين دول بس للاسف مايعرفوش انهم مش هيدخلوا دماغي
الشرطي رافعا يده يحي شهاب : شهاب باشا انا اسف يا باشا ماخدتش بالي أن حضرتك موجود
جاسم : شهاب باشا ايه هوا ايه اللي بيحصل هنا انت مين بالظبط
شهاب ناظرا بغضب وغل شديد : هتفهم كل حاجه يا جاسم الحساب هيتصفي دلوقتي ماتخافش
همس بارتباك وخوف شديد وهي تبكي: انا مش فاهمه حاجه انا مش فاهمه اي حاجه يا شهاب
شهاب بنظره حب وندم شديد : انا اسف علي اللي بيحصل دا يا همس انتي هتفهمي كل حاجه دلوقتي فاأرجوكي ماتعيطيش يا همس انا اسف بجد علي اللي انتي فيه دا
ليلي بعصبيه ؛ هوا انت هتقعد تحب فيها اخلص فهمنا ايه اللي بيحصل
شهاب بغضب : هفهمكوا

فلااش بااااااااااك

امينه : يلا يا رافت هنتاخر
رافت : خلاص خلصت اهو انتي لبستي شهاب
امينه بضجر : ايوه كلوا جاهز احنا قاعدين مستنينك اخلص بقا
رافت مقبلا جبينها : معلش يا حبيبتي اديني خلصت اهو يستي وبعدين مش لازم جوزك يبقي متشيك كدا عشان توعدي تتفشخري بيه قدام زمايلك
امينه ضاحكه : ماشي يا عم الحلو انت اخلص بقا خلينا نمشي
رافت غامزا : يلا بينا يا عسل
امينه بخجل : اه منك انت انت مش هتكبر يا راجل انت ابنك قرب يبقي طولك
رافت : مش اوي كدا احنا لسه شباب بردو بقا بزمتك حد يبقي قدامه القمر دا ويقول أن احنا كبرنا

وكان شهاب وقتها بالمرحله الاعداديه

شهاب : انت هتقعد تعاكس في امي كتير
رافت : اه عندك مانع ولا حاجه
شهاب : ايوه الست دي تخصني
امينه : لا بقولك ايه انت وهوا مش وقت اللي انتوا بتعملوه دا
شهاب ورافت ضاحكين : طب يلا بينا

وذهبوا الي الحفله...

غموض عاشق"
بقلم سما احمد ✨

••••••••••••★★★★••••••••••••

في الحفله

جاسم بترحيب : اهلا وسهلا اهلا بيكم
رافت مسلما بحراره شديده : جاسم باشا الف مبروك علي شركتك الجديده يا باشا
جاسم : الله يبارك فيك يا رافت
امينه متقدمه ناحيتهم : الف مبروك يا جاسم
جاسم مقبلا يدها : الله يبارك فيكي
وهنا شعر رافت بالضيق ولكنه تمالك نفسه
امينه وهي تشد يدها بارتباك : تعالي سلم علي عمو جاسم يا شهاب
جاسم : ازيك يا شهاب
شهاب مبتسما : الحمد لله الف مبروك علي الشركه يا عمي
جاسم : الله يبارك فيك
جاسم ناظرا لامينه باعجاب : الواد دا كل ما بيكبر بيبقا حلو شبهك يا امينه
امينه ضاحكه وناظره لرافت بحب : بالعكس أنا كل مابيكبر كل ماشوف رافت فيه
رافت غامزا لها : ماهو انا حلو عشان طالعاك
امينه بخجل شديد : انت بردو مش هتبطل حركات العيال دي جاسم واقف علي فكره
رافت : طب بزمتك حركات العيال دي مش بتعجبك وبعدين ايه يعني جاسم واقف ماهو كان شاهد علي القصه من اولها
جاسم بضيق : طب انا هسيبكوا انا وهروح اشوف بقيه المعازيم
امينه بضيق : شوفت هتلاقيه زعل
رافت : ايه اللي هيزعلوا يبنتي هوا مفيش غيرنا في الحفله مش المفروض يشوف بقيه الناس
امينه : مانت واقف بتحب فيا وسايبوا يلا روح وراه انت جاي انهارده علشانوا اصلا مش كدا
رافت : ماشي يستي خلي بالك من نفسك وانت يا شهاب خلي بالك من امك واوعي حد يعاكسها انا مش عارف هي عماله تحلو كدا لي
شهاب ضاحكا : ماتخافش في ايد امينه
امينه : اه منك

غموض عاشق"
بقلم سما احمد ✨

••••••••••••★★★★••••••••••••

انتهي الفصل إذا أعجبكم أخبروني بالتعليقات☺️💗

طبعا كلوا دلوقتي قاعد يخمن ايه اللي هيحصل مش كدا وانا عايزه اسمع توقعاتكم للفصل الجاي😉💖