غموض عاشق 🔥 " قيد التعديل "

🕸️ الفصل الخامس والعشرين 🕸️

غموض عاشق"
بقلم سما احمد ✨

في منزل جاسم

رقيه بضيق : انزل بسرعه يا جاسم زمانهم علي وصول
جاسم : ثواني يا رقيه هعمل التليفون دا وهنزل

في غرفه جاسم

جاسم بصوت منخفض : الو يا هاني جهزت نفسك انت والرجاله
هاني : كلو جاهز يا باشا احنا مستنين أنهم يخرجوا وهنبدا ننفذ
جاسم مبتسم بشر : كويس اوي هما هيجوا عندي دلوقتي واول مايوصلوا هديك رنه
هاني : تمام يا باشا

ويفتح الباب ليخرج من الغرفه فا يجد رقيه أمام الباب

جاسم واضعا يده علي قلبه : خضتيني انتي بتعملي ايه هنا
رقيه : كنت جايه اناديك رافت وأمينه وصلوا
جاسم بشك : انتي بقالك قد ايه واقفه هنا
رقيه مبتسمه : لسه جايه يا حبيبي يلا ننزل بقا

في الاسفل

امينه : اخيرا جاسم باشا نزل دانا قولت هتبات فوق
جاسم ضاحكا : ولا هبات ولا حاجه يا ستي اديني نزلت اهو
رافت مبتسما : عامل ايه يا صاحبي
جاسم مبادله الابتسامه : الحمد لله يا رافت امال شهاب فين
رافت : جوا مع البنات
امينه ضاحكه : بقول لمراتك ناخد واحده من البنات لشهاب بس مش راضيه الفقريه
جاسم ضاحكا : انتي تاخدي الاتنين لو حابه والله
امينه ضاحكه : انا قولت مفيش غير جاسم اللي هينصفني روح يا اخويا الاهي ينصرك
رافت بغيره متصنعه : تقصدي ايه يعني أن شاء الله انا مش بنصفك يعني ولا مش بنصفك
امينه بدلال : لا يا روحي هوا أنا أقدر أقول كدا هوا انا ليا غيرك انت يا حبيبي
رافت ضاحكا : ايوا اظبطي كدا
امينه : انت كنت بتضحك عليا
رقيه ضاحكه : والله انت عسل يا رافت
رافت : اهو شوفتي اديني طلعت عسل
جاسم بضيق : انت بصل
رافت : بتقول حاجه يا جاسم
جاسم بسخريه : لا ولا حاجه يا روحي
روحي حضري السفره يا رقيه قبل ما اتشل
رقيه ضاحكه : حالا يا حبيبي
امينه : استني يا حبيبتي هاجي اساعدك

و وضع كلا من رقيه وأمينه الطعام وتناول الجميع الغداء ومر الوقت مملوء بالكثير من الكلمات والضحكات والفرح وحل المساء بما يخبأه من مفاجآت

رقيه : ماتوعودوا شويه يا جماعه
امينه : كفايه كدا بقا عشان الولاد عندهم مدرسه الصبح
رافت : يلا يا شهاب عشان ماشيين

شهاب من غرفه ليلي وهمس : حاضر
همس : انت هتمشي دلوقتي
شهاب مبتسما : اه خلاص هنمشي انتي عايزاني اقعد
همس بخجل : لا قصدي يعني كنت عايزاك تقعد شويه كمان
ليلي بضيق : انت اشمعنا بتسال همس بس
شهاب : عشان هي اللي سالتني
ليلي بغيره : بس انت عالطول بتتكلم معاها هي اكتر مني وبتتعامل معاها احسن كمان
همس بتوتر : هوا بيعاملنا احنا الاتنين زي بعض يا ليلي
شهاب : لا هي معاها حق انا بحبك يا همس
همس محمره وجنتيها من الخجل : ا..يه
شهاب مقبلا جبينها : سلام عشان بابا مايعملش مني شاورما

غموض عاشق"
بقلم سما احمد ✨

   ✨٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪✨

       
في منزل رافت

امينه مبتسمه بفرح : كان يوم جميل اوي يا رافت كان بقالنا كتير مش قعدنا سوا القعده دي
رافت : اهم رجعوا اهو يستي وهنقعد سوا كتير بعد كدا
شهاب بتوتر : بابا كنت عايزك انت وماما في كلمتين كدا
امينه :  اتفضل يا حبيبي
شهاب بارتباك : بصوا انا عارفه اني لسه صغير وكدا بس انا بقلكوا عشان تبقوا عاملين حسابكوا من دلوقتي
رافت : ما تتكلم يا ابني في ايه
شهاب سريعا وباندفاع : انا بحب همس

وهنا نظر امينه ورافت لبعضها لوهله مصدومين

امينه مبتسمه بفرح : انت قولت ايه
رافت بنظره حازمه وبغضب : ايه اللي انت بتقوله دا يا واد انت وبتضحكي علي ايه انتي كمان حب ايه وكلام فاضي ايه اللي انت بتحبوا لا وجاي تقولها كدا عادي ولا هامك حاجه يا بجحتك يا اخي
شهاب بحزم : انا بحب همس يا بابا انا ماقولتش حاجه غلط انا بحبها وباذن الله اول ما اكبر هتجوزها
رافت بغضب : انت بتتحداني يا شهاب
شهاب : انا مش بتحدي حضرتك بس انا مصمم علي رأي ومش هغيرو ابدا مهما حصل
رافت بغضب : ولو قولتلك اني مش موافق علي همس بالذات
شهاب : هحاول اقنع حضرتك بس انا مش هاخد غير همس ومش عايز غيرها
امينه : اهدوا بقا مش كدا في ايه يا رافت
رافت مبتسما بفخر : برافو عليك انا فخور بيك
شهاب بدهشه : هوا حضرتك كنت بتمثل كل دا
رافت ضاحكا : كنت عايز اشوف انت بتحبها ولا لا وهتبقي راجل معاها وتفضل جنبها وتخلي بالك منها وتراعيها وتبقي راجل وقد المسؤوليه ولا لا بس طلعت راجل زي ابوك يا شهاب برافو عليك
امينه : ابني طول عمرو راجل يا حبيبي وانا هوريك ازاي تضحك علينا كدا
رافت ضاحكا : بس دخلت عليكي ها
امينه بغضب : انا هوريك
رافت بنعاس : طب يلا ننام عشان مش قادر أصلب طولي وبكرا ابقي وريني برحتك

وذهبوا جميعا في الفراش ليغطوا في نوم عميق

   ✨٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪✨

امام منزل رافت

هاني : الو يا باشا هما طفوا النور بقالهم نص ساعه كدا شكلهم راحوا في النوم أنفذ ولا اي
جاسم : نفذ بس اوعي حد يحس بيك ولو حد صحي أخرج بره بسرعه وماتخليش حد يشوفك
هاني : ماتقلقش يا باشا كلو هيبقي تمام

واغلق الهاتف ودخل الي المنزل

هاني بينه وبين نفسه : اما نشوف اخرتها

واشعل عود كبريت ورماه علي الارض وهنا اشتعلت النيران تاكل كل ما حولها هنا وهناك وهؤلاء المساكين نائمون بالداخل لا يعلمون ماذا يحدث أو ماذا سيواجهون

وخرج هاني من المنزل بعد أن فعل ما طلبه منه ذلك الجاسم اللعين

# غموض عاشق"
بقلم سما احمد ✨

   ✨٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪✨

انتهي الفصل إذا أعجبكم أخبروني بالتعليقات☺️💕

تفتكروا ايه اللي هيحصل مع رافت وأمينه وشهاب ؟🤷