غموض عاشق 🔥 " قيد التعديل "

الفصل الرابع والعشرين 🔏❓

غموض عاشق"
بقلم سما احمد ✨

في الحفله

كان رافت يبحث عن جاسم في كل مكان ليكون بجواره ويسانده في تلك الحفله فهو صديقه الوحيد بعد كل شئ

رافت يحادث نفسه : هوا راح فين دا ولا اكنو اتبخر هوا زعل فاطفش ولا اي انا تعبت من اللف عليه انا هرجع مكان ماكنت وهوا اكيد هيظهر دلوقتي

وبينما كان يرجع لمكان تواجد امينه وجد أمامه باب مغلق فحاول الدخول إليه ليري إن كان جاسم متواجدا أو لا

رافت محادثا نفسه : يا ساتر يا رب ايه المكان دا هما بيدفنوا الميتين هنا ولا ايه انا هخرج من هنا لاتلبس وانا مش ناقص

فقد كان المكان مظلما ويشبه القبو وبينما كان يحاول رافت الخروج سمع صوت أحدهم يتحدث

رافت يحادث نفسه بينما كان مفزوعا : يا نهار ابيض هوا واحد من الميتين اللي هنا صحيوا ولا اي

وهنا حاول التقدم ليعرف مصدر الصوت إلي أن راي ضوء فاقترب أكثر فوجد رجلا يمسك المصباح ويتحدث مع رجل آخر

احد الرجلان : حط البضاعه هنا وسيبها لحد ما يجوا يستلموها
الرجل الاخر : بس احنا لازم نسلم البضاعه دي في أسرع وقت المكان هنا مش امان بردو افرض حد من الموظفين جيه شافها
الرجل : لا ماتخافش انا منبه عليهم محدش يجي هنا

وعندما سمع رافت هذا الكلام أصابته الدهشه حول ما يفعلوه وحاول الاقتراب أكثر ليري وجوههم وبينما كان يحاول الاقتراب اصطدم بشئ ما علي الارض

احد الرجال : ايه الصوت دا
الرجل الاخر : مش عارف تعالي نشوف ليكون في حد

وكان رافت متسمر هناك لا يعلم ماذا يفعل بينما كان الرجلان يقتربان ولكنه خطر له ان يحاول النداء باسم جاسم ليوهمهم أنه لم يسمع شئ وأنه جاء للبحث عن صديقه

رأفت بصوت عالي : جاسم جاسم انت هنا

٭::::::::::::::::::::::::::::::::::::::::::::::::::::::::::::٭

من ناحيه أخري بالحفله عند امينه وشهاب

امينه : هوا رافت فين كل دا اتاخر اوي وجاسم كمان مش ظاهر
شهاب : يمكن يكونوا بيعملوا حاجه يا ماما هيروحوا فين يعني شويه كدا وهيجوا
امينه : ورقيه فين بردو من ساعت ما جيت ماشوفتهاش
شهاب : انا كنت شايفها هناك كدا من شويه
امينه مبتسمه بلهفه : ايوه هناك اهي رقيه

رقيه ناظره حولها لتري من ينادي وبالنهايه رأت امينه

رقيه بلهفه : امينه انا كنت بدور عليكي كنتي فين وحشتيني اوي وانت يا شهاب عامل ايه يا حبيبي
شهاب مبتسما : الحمد لله حضرتك عامله ايه
رقيه : الحمد لله يا حبيبي
امينه : وانتي كمان والله يا رقيه وحشتيني اوي كدا يا رقيه كدا تخلينا نقعد كل دا مش نشوفك
رقيه : سامحيني يا حبيبتي مانتي عارفه اللي فيها يا امينه والله كنت مشغوله مع جاسم والبنات وماكنتش بعرف اعمل حاجه ولا اروح عند حد وبعد كدا سافرنا احنا وجاسم وعلي يدك لسه راجعين عشان الشركه
امينه : ربنا يكون في عونك يا حبيبتي امال فين البنات ناديهم دول وحشوني اوي
رقيه : هناك اهم تعالو يا بنات تعالو سلمو علي خالتو امينه
امينه مرحبه بحراره : اهلا عاملين ايه يا بنات وحشتوني عامله ايه يا ليلي وانتي يا همس
ليلي وهمس : الحمد لله يا طنط حضرتك عامله ايه
امينه : الحمد لله يا حبايبي وتكمل ضاحكه سلموا علي خطيبكو يلا
رقيه ضاحكه : خطيبكوا مين انتي عايزه العيال يتخانقوا علي ابنك ولا اي
امينه وهي تضحك : ومالو يستي وفي الاخر ينقوا بعض
رقيه : لا شكرا يستي انا مش عايزه عيالي يتخانقوا مع بعض
امينه : انتي حره انتي اللي خسرانه القمر دا

غموض عاشق"
بقلم سما احمد ✨

٭::::::::::::::::::::::::::::::::::::::::::::::::::::::::::::٭

عند رافت

رأفت بصوت عالي : جاسم جاسم انت هنا
جاسم بتعجب : رافت ! انت بتعمل ايه هنا ؟
رأفت ضاحكا : انت فين يا راجل انا بقالي ساعه بدور عليك انت بتعمل ايه هنا
جاسم بشك : انت اللي بتعمل ايه هنا انا كنت بحط شويه بضاعه في المخزن
رأفت بارتباك : مانا قولتلك كنت بدور عليك بس انت ماكنتش موجود وانا لقيت المكان دا وانا بدور فادخلت اشوفك
جاسم مبتسما بتصنع : تمام انا خلصت وهاجي معاك اهو يلا يا هاني

وهنا علم رافت بأن جاسم من كان يتحدث وأنه يخفي شئ كبير حقا

هاني بينما كان يتحدث بالقرب من أذن جاسم بصوت منخفض : تفتكر سمع حاجه يا باشا
جاسم بنظره حاده مخيفه : سمع ولا ماسمعش انا عايزك تخلص انهارده
هاني بارتباك : قصدك....
جاسم بخبث : ايوه بالظبط كدا

٭::::::::::::::::::::::::::::::::::::::::::::::::::::::::::::٭

عند امينه ورقيه

جاسم مبتسما : اتاخرنا عليكوا
امينه بغضب : لا ابدا بقالكوا ساعتين بس
رافت مبتسما ناغزا لها بيديه : للدرجادي وحشتك
امينه بغضب : ابعد عني كنت فين كل دا
رافت : كنت بدور علي جاسم مش انتي اللي قايلالي
رقيه ناظره لجاسم بغضب : بتدور علي جاسم قولتلي بقا وحضرتك كنت فين يا جاسم باشا
جاسم : وربنا كنت بودي البضاعه المخزن حتي اسالي رافت
رافت : علي يدي
امينه ضاحكه : طب يلا انت وهوا سلموا علي المعازيم عشان الحفله قريت تخلص

وذهب كلا منهما ليرحبا بالمعازيم ومضي بعض الوقت وانتهت الحفله

خارج الشركه

رافت : يلا يا امينه اركبوا انتي وشهاب مش هتبقي اخر مره تشوفوا بعض علي فكره هما رجعوا من السفر خلاص
رقيه : مانت لو تسمع الكلام وتيجوا تقعدوا معانا شويه
جاسم : خلاص يا رقيه انا كدا كدا ناوي اعزمهم بكره علي الغدا
رقيه : إذا كان كدا ماشي توصلوا بالسلامه
رافت : اقنعك هوا كدا مانا كان بقالي ساعه بقنع فيكي انتي وهي خلصوني بقا عايز اروح
امينه : اوف عليك خلاص ركبنا اتحرك

وذهب بالسياره ذهب وهو لا يعلم ماذا ينتظره لا يعلم ماذا سيفعل له صديق عمره وكيف سيوقع به
# غموض عاشق"
بقلم سما احمد ✨

٭::::::::::::::::::::::::::::::::::::::::::::::::::::::::::::٭

انتهي الفصل اذا أعجبكم أخبروني بالتعليقات☺️❤️

      تفتكروا ايه اللي جاسم ناوي عليه؟ 🤔