غموض عاشق 🔥 " قيد التعديل "

✨"الفصل الخامس" ✨

غموض عاشق"
بقلم سما احمد ✨

لقد تغيرت حقا بعد موت والدتها لم تعد تلك الفتاه البريئه ويا ويلتاه عجيبة ٌحقا تلك الدنيا عجيبٌ حقا هذا الإنسان كيف له أن يفعل ذلك كيف يكون بجوفه كل هذا الشر كيف يصل به الحال الي اغتيال روحٍ وتدمير حياه آخري عجباً لكم حقا الا يوجد بقلوبكم رحمه !!؟

"بعد مرور أسبوع"

في منزل همس

همس بصدمه :
يعني اي أخرج من البيت
رَجل :
يعني مفيش ايجار ليكي تاني عندنا حضرتك بقالك كتير مابتدفعيش الايجار ولا حتي دفعتي ميه ونور الشهر دا واحنا مش هنصبر عليكي تاني يا تدفعي اللي عليكي حالا يا بره من غير مطرود
همس وهي تترجاه محاولتاً استعطافه : طب وانا اروح فين وحاجتي اوديها فين دا بيتي انا وامي حرام عليك هوا دا الحاجه الوحيده اللي بقيالي منها
الرجل بقسوه :
دا مش شغلنا يا انسه لو سمحتي فضي البيت حالا

وهنا لم تعلم ماذا تفعل الا ان خطر ببالها ان تتصل بجودي فليس امامها سواها لتنجدها
همس وهي تقف علي اعصابها :
ردي يا جودي ردي ارجوكي مش بتردي ليه يا جودي انا محتجاكي دلوقتي ضروري اعمل اي يا ربي
الراجل بنفاذ صبر : ماتنجزي يا انسه
همس واصبحتت تتأفف فهي اختنقت من ذالك الرجل بلا رحمه :
اتصل بمين دلوقتي بس
وخطر ببالها امجد كيف تاه ذالك عن ذهنها
همس وقد ابتسمت بارتياح :
الحمد لله رد اهو الو يا امجد
امجد بلهفه : الو يا همس في حاجه حصلت انتي كويسه
همس وقد خانتها دموعها عند سماع صوته واصبحت تبكي :
انا كويسه بس هما عايزين يخرجوني من بيتنا وانا مش عارفه اعمل ايه يا امجد
امجد بخوف :
طب ماتتحركيش من مكانك انا هجيلك حالا
همس ببكاء : حاضر

****************
في مكتب شهاب
شهاب يتحدث بالهاتف

شهاب بمكر :
اول عمليه لينا اهي يا باشا
خالد : هتعمل ايه
شهاب : كل خير يا باشا
وتدخل ليلي فجأة
ليلي وهي تبتسم : شهاب
شهاب بارتباك وقد اغلق الهاتف : في ايه يا ليلي ماخبطتيش قبل ماتدخلي ليه
ليلي بضيق : ماخدتش بالي وانا اللي قولت انك هتفرح لما اجي
شهاب : مش قصدي يا حبيبتي انا بس اتخضيت كنتي عايزه ايه بقا يا ستي
ليلي بدلال : بكره الحفله
شهاب : بقا كل دا عشان تقوليلي أن بكره الحفله مانا عارف يا ليلي
ليلي بصوت عالي : انا غلطانه اصلا اني بتكلم معاك ونزلت بمستوايا ليك
شهاب بصوت حاد ونظره غاضبه وهو يضغط علي زراعها : نعم يا حبيبتي بتقولي اي نزلتي بمستواكي لمين
ليلي بخوف : انت اتجننت يا شهاب سيب ايدي
شهاب وقد تدارك نفسه اهدي يا شهاب ماتضيعش كل حاجه انت بتعملها
شهاب : انا اسف يا ليلي بس انتي عصبتيني اوي
ليلي بدموع مكتومه : انت اكيد مجنون اياك تتكلم معايا تاني
وخرجت وقامت بغلق الباب بقوه
شهاب في نفسه : كنت هتضيع كل حاجه يا غبي