نور بأبتسامه:ايه يا جماعه هو انا موحشتكوش ولا ايه
ذهبت إليها نهله بسعاده وأحتضنتها بحب وهى لا تصدق بأن أبنتها أستيقظت من غيبوبتها
نهله بسعاده ودموع:حمدلله على سلامتك يا نور حمدلله على سلامتك يا قلب أمك وحشتينى أوى يا نور
نور بدموع:وانتِ وحشتينى أوى يا ماما
أحتضنتها كريمه وقالت بفرحه:حمدلله على سلامتك يا نور نورتى القصر من تانى يا حبيبتى
أحتضنتها ليلى وشمس سوياً ويبكون سوياً
نور بمرح:مكنتش عارفه أنى غاليه عليكوا أوى كدا
ليلى:أخس عليكى انتِ عارفه أنك أختى وأكتر كمان وأنك كل حياتى متخيلتش فى مره أنك هتسبينى كل المده دى خالص
مسحت لها نور دموعها وقالت بأبتسامه:الحمد لله على كل حاجه يا ليلى وانا كويسه وزى الفل قدامك أهو
شمس:نورتى القصر من تانى يا روحى وحشتينى أوى بجد القصر كان وحش أوى من غيرك يا نور
نور:وأدينى رجعت تانى أهو يا ستى وعلى قلبك دايماً ومش هسيبك، أومال طنط لمار فين وأكرم
نزلت لمار وهى تقول:انا أهو يا حبيبتى
أحتضنتها وقالت:سلامتك يا نور الف سلامه عليكى يا قمر انتِ متعرفيش فهد كان عامل أزاى من غيرك دا كان تقريباً مش عايش ولا بيهتم بأكله ولا بمنظره كان حزين أوى حتى شغله كان مأهمله
نظرت لهُ نور بعتاب ونظر هو الى الجهه الأخرى وقالت:ولله حسابنا بعدين يا سياده المقدم
أكرم بسعادة:وحشتينى أوى يا نور الف سلامه عليكى
نور:حبيبى اللى وحشنى الله يسلمك
أحتضن فهد نور بسعادة وقال:انا ونور عندنا خبر حلو أوى وهيفرحكوا أوى كمان
كريمه:خبر ايه؟
نظر فهد الى نور بسعادة وحب وقال:نور خفت يا ماما وبقت كويسه كليتها رجعت أشتغلت تانى وبقت زى الفل
سعد لها الجميع وباركوا لها
نور بتساؤل:فين أفنان انا عاوزه أشوفها
جلبتها لها لمار وأعطتها لها كانت نور تنظر لها بسعادة ولا تصدق بأن تلك أبنتها وقبلتها بحنان
نور بفرحه:دى جميله أوي يا فهد انا مش مصدقه بجد
فهد بحب:نسخه منك يا روحى ربنا يخليكوا ليا يارب
كريمه:تعيش وتشوفها عروسه وتفرح بيها يا ابنى
نظر فهد الى صغيرته التى تنام بأحضان والدتها وقال:أمين يارب، كنت عاوز أقولكوا خبر حلو تانى
نظرت لهُ نور وقالت:خبر ايه
فهد بأبتسامه:انا أترقيت يا جماعه وبقيت عميد
نظرت لهُ نور بسعادة وقالت:بجد، أترقيت بجد
أبتسم فهد وقال:أيوه مش انا لوحدى أحنا الأربعه
نور بسعاده:مبروك يا حبيبى
كان هذا هو ثانِ خبر سعيد يسمعونه اليوم وكانت السعادة تملئ القصر
أخبر فهد أصدقائه الذين سعدوا كثيراً وذهبوا إليه وكانت تارا تحتضن نور وتبكى
نور بنفاذ صبر:وبعدين بقى أنتوا نازل عليكوا ليه النكد النهارده أرجع للغيبوبه تانى يعنى عشان تبطلوا عياط
تارا بعتاب:بعد الشر عليكى يا حيوانه متقوليش كدا بس انا مش مصدقه ومبسوطه أوى أخيراً أتجمعنا وفرحتنا أكتملت
ديب بمرح وخبث:نور بنتك القمر المزه دى لأبنى مش كدا يا تارا ولا ايه
فهمت تارا ما يقصده ديب وقالت بخبث:طبعاً بنت نور لأبنى قصى
فهد بحده:بعينك يا ديب ما هو انتَ مش هتبقى صاحبى وحما بنتى مش هيحصل
ديب:ليه يا جدع دا أبنى أكبر من بنتك بسنه يعنى حلو أوى وخلاص حُسم الأمر وأفنان لقصى
فهد بغيظ:منك لله يا ديب أشوف فيك يوم يكش تقع متلاقى اللى يقومك
أدعى ديب اللامبالاة وذهب كى يجلس ولكن وقع على الأرض ونظرت نور الى فهد بصدمه وضحك الجميع فجأه وهم لا يصدقون ما حدث
نهض ديب وهو يتألم ويقول:أه يا مؤذى أشوف فيك يوم منك لله يا فهد يخربيتك انتَ ايه يلا
كان فهد يضحك وهو لا يستطيع التوقف ذهب إليه فهد وقال بأغاظه:تعيش وتاخد غيرها يا برو
ديب:أوعى ياعم انا أبتديت أخاف منك متقربش منى تانى
.................................
كان فهد يعيش أجمل أيام حياته مع محبوبته وطفلته التى ملئت حياتهم بهجة وسعادة
أنت تقرأ
عندما يقع الفهد في الحب
عاطفيةلقاء بين ضابط مخابرات وفتاه عاديه يقع لها اسيراً من اول نظره بدأت بقصه حب غريبه ولكن هل ستدوم وسر تلك الفتاه سينكشف ام لا وهل سيضحي من اجلها ام لا هذا ما سنعرفه بروايتنا
