انت دوائي : مكتملة ( بقلم : دينا فتحي )

الفصل الثاني

في مستشفي البحيري للأمراض النفسية

ذهب ياسين الي المستشفي في عاجلة وذهب في اتجاه الرسبيشن قائلا : فين أوضة لارا سلمان الدمنهوري

موظف الاستقبال : عايز الأوضة ليه يا فندم

ياسين بضيق : يعني ايه عايز الأوضة ليه عايز اشوف اختي انا ياسين سلمان الدمنهوري أخوها

موظف الاستقبال : معلش يا فندم بس دا مش معاد زيارة ممكن تقدر تشوفها من الساعة ٢ الي ٤ كل يوم

ياسين بعصبية شديدة: يعني ايه مقدرش اشوفها
ثم اكمل بصوت عالي : انا لازم اشوفها ودلوقتي حالا

موظف الاستقبال باحترام : واطي صوتك حضرتك انت هنا في مستشفي وفيها ناس عيانه انا بقول لحضرتك تشوفها بكرة مفهاش حاجة دي

ياسين بعصبية: انا بقالك عايز اشوفها علشان اتخرج معايا النهاردة انا جاي اصلا علشان اخدها معايا

موظف الاستقبال: طيب حضرتك لازم تروح لمدير المستشفى علشان يقولك علي حالتها وأنها تقدر تخرج ولا لا

ياسين بنفاذ صبر قائلا : طيب فين مكتب المدير دا

موظف الاستقبال وهو يوصف له قائلا : مكتب المدير في الدور التاني اول مكتب علي ايدك اليمين

تركه ياسين وصعد إلي الدور الثاني حتي رأي مكتب صاحب المستشفى طرق علي الباب عددت طرقات حتي اته صوت قائلا : ادخل

دخل ياسين الي غرفة المكتب قائلا بوجه خالي من التعابير : السلام عليكم

زين بابتسامة: وعليكم السلام ورحمة الله وبركاته اتفضل

جلس ياسين علي الكرسي قائلا بجد : انا ياسين سلمان الدمنهوري اخوه حاله عندك هنا في المستشفى اسمها لارا سلمان الدمنهوري

زين بترحيب : اهلا وسهلا انا دكتور زين تحت امرك اتفضل

ياسين : كنت عايز اخد اختي من المستشفى وكمل علاجها في البيت وتحت عيني

زين باستغراب: هو في حاجة حصلت ل لارا من المستشفى علشان تاخدها من قبل ما تكمل علاجها

ياسين بوضوح : لا يا دكتور زين هي الحكاية مش ليها علاقة بالمستشفى الحكاية وما فيها ان اختي دخلت هنا المستشفى وانا مسافر فمكنتش حد معها يقف جمبها بس انا دلوقتي رجعت وهكمل علاج اختي في البيت وهفضل معها لغاية ما ترجع زي الاول

زين بتفهم : بص يا استاذ ياسين انت متعرفش حاله اختك عاملة ازاي انا هقولك علي حالة اختك ولو وفقت انها تخرج بالحالة دي براحتك

ياسين باهتمام : مالها لارا ايه حالتها

زين بتوضيح : شوف يا استاذ ياسين لارا رفضت الكلام عن أي حاجة تخص الحادثة اللي حصلت لها وعن اي حاجة تخصها اصلا ومانعة الاكل والشرب عايشة يعتبر علي المحاليل دايما ساكتة وشاردة ومنعزلة عن العالم كله علي فكرة دا مش كلامي انا بس دا كلام كل الدكاترة اللي بيدخلولها والتمريض اللي بيتعمل معها اختك عندها صدمة عصبية من حاجة هي شافتها هي نفسها مش مصدقها انها تحصل اختك لازم تكون طول الوقت تحت رعاية طبية كاملة انا بقولك كدا علشان انا من وجهت نظري انها تكون في المستشفى احسن من البيت