انت دوائي : مكتملة ( بقلم : دينا فتحي )

الخاتمة

اسر بصدمة : ايه بتقولي ايه

الدكتور بضحك : بقولك ان المدام حامل يا اسر بيه

اسر بعدم تصديق: مراتي انا حامل.....طيب ازاي انا مش فاهم حاجة......زين فوقني يا زين شهد حامل بجد

زين وهو يحضنه قائلا بسعادة : الواد خلاص اتجنن ..... ايوه يا اسر الدكتور بيقول اهو شهد حامل مبروك يا اسر

كوثر بسعادة وفرحة : الحمد الله يا رب وذهبت في اتجاه اسر وأخذته في إحضانها قائلة بدموع الفرحة : مبروك يا اسر واخيرا اشوف حفيد ليا عن قريب

اسر بسعادة : شهد حامل يا امي انا مش مصدق

كوثر : لا صدق يا حبيبي .....يا ما انت كريم يا رب ..... الحمد الله .....الحمد الله....انا ادخل اشوف شهد

دخلت كوثر وزينة الي غرفة شهد .....واستاذن الطبيب لكي يرحل فذهب معه زين لكي يوصله

دخلت كوثر الي شهد قائلة بسعادة: مبروك يا شهد يا بنتي ثم اخذتها بين إحضانها قائلة بدموع الفرحة: واخيرا يا شهد هكون جدة

شهد في حالة صدمة : هو الكلام دا بجد يا طنط انا مش مصدقة والله

لارا بضحك : شوفي البت يا ماما كوثر من ساعة الدكتور ما قالها انها حاملة وهي علي الحالة دي فكرة انها في حلم مش في حقيقة

كوثر وهي تطبطب علي ظهرها قائلة بحنان: ايوه يا حبيبتي في حقيقة طبعا عشت وشفت و هيكون ليا حفيد عن قريب .....وهتكوني ام يا شهد

شهد بذهول : طيب ازاي انا بقالي شهر مش متبعة مع الدكتورة وخلاص فقدت الامل اني هكون ام

زينة بابتسامة: ما هو كدا طلامنا سيبتي الحاجة علي ربنا.....ربنا هو اللي بيدبرها من عنده

كوثر بسعادة: انا دلوقتي انزل اعملك شوية اكل علشان تتغذي كويس ومش عايزة لا حركة ولا مجهود منك عايزكي بس تهتمي بنفسك وبس

شهد بابتسامة بسيطة : حاضر يا ماما كوثر

لارا بمشاكسة: لا دا انا بقا عايزة اكون حامل في اسرع وقت علشان القي الدلع دا

كوثر بضحك : احملي انتي بس وانا ادلعك دلع مفيش زيه

دخل اسر في هذه اللحظة وأخذ ينظر الي شهد دون قول شئ.....عندما رأته لارا قائلة: يلا يا جماعة نطلع بقا نشوف اللي ورانا ونخلي اسر يبارك لمراته براحته

زينة بضحك : يلا يا ست لارا .....علشان دول ليهم احتفال من النوع الخاص ثم غمزت لأسر بعينها

اسر بقرف وهو ينظر لها قائلا : طيب يلا برا يا بت

زينة بضحك : طالعة يا عم متزوقش

خرج كلا من لارا وزينة وذهبت كوثر لتحضير الطعام الي شهد ......بعد أن خرج الجميع اقام اسر وأغلق الباب خلفهم وذهب في اتجاه شهد قائلا بحب : مبروك يا شهد