انت دوائي : مكتملة ( بقلم : دينا فتحي )

الفصل الثاني عشر

ياسين بابتسامة مطمئنة وهو ينظر الي زين : زين فهمني كل حاجة وانا عارف ان زين قد الثقة وقدر يحافظ عليكي .....انا دلوقتي جاي هقولك حاجة واحدة هي انك تيجي معايا دبي .....يا اما تفضلي مع جوزك وانا عارف انك في امان مع زين .....الاختيار معاكي ..... وانا في كل الحالتين اكون مبسوط....طلامنا انتي عايشة مبسوطة

نظرت لارا الي زين رأته ينظر لها وكأنه يترجها انها تبقي معه ورات في عيونه الحب لها ...ثم نظرت إلي أخيها ياسين الذي لا يوجد أحن منه عليها في هذه الحياة وقفت في حيرة شاردة لا تعرف بمن تختار قطع ياسين شرودها قائلا: اه يا لارا هتعملي ايه

لارا وهي تنظر إلي ياسين ثم زين قائلة بتوتر: ياسين انا هفضل مع زين

ابتسامة لها زين واحس انه خلقي من جديد....... ثم أكملت برجاء وهي تمسك في يد أخيها : بس علشان خاطري يا ياسين انت كمان خليك معايا وما تسافرش وتعال نعيش هنا سوا مع بعض .....ليه تبعد وتعيش لوحدك

ياسين بحيرة : يا حبيبتي ما شغلي كله هناك ازاي اسيبه واجي اعيش هنا

لارا : اوعي يا ياسين تكون زعلت ان انا اختارت اني اعيش هنا ....وحاول تصفي شغلك هناك ....وافتح شركة هنا .....كفاية ان احنا نكون مع بعض

زين بهدوء: كلام لارا صح يا ياسين .....بلاش تعيش لوحدك هناك ....خليك مع لارا هنا احسن

ياسين بتفكير : والله مش عارف اعمل ايه.....بس انا احاول علشان خاطر لارا .....ثم أكملت وهو ينظر الي لارا قائلا بابتسامة مطمئنة : وانا مش زعلان يا لارا أن انتي اختارتي تعيشي مع زين .....بالعكس انا مبسوط علشان زين قد السؤولية بجد.....ويقدر يحافظ عليكي

ابتسمت له لارا قائلة بسعادة : ربنا يخليك ليا يا ياسين ثم نظرت إلي زين قائلة : وانا عارفة ان زين هيحافظ عليا وانا هكون معه في امان

زين وهو يعدل من ياقة قميصه قائلا بمزح : لا لا انا كدا اتغر يا جماعة

ضحك كل من لارا و ياسين علي جملة زين ....ثم تكمل ياسين قائلا: ليك حق تتغر يا عم زين ....كفاية ان لارا هانم رضيا عنك

زين بمشاكسة وهو ينظر الي لارا : دا انا امي دعيلي ان لارا هانم ترضا عليا ....ولا ايه

ابتسمت له لارا في خجل واستدارت بوجهها الي الناحية الأخري

ياسين بابتسامة : ماشي يا عم زين الله يسهلك .....ثم اكمل بجد : يلا عايزين حاجة انا استأذن بقا

لارا بضيق: انت رايح فين يا ياسين خليك معايا شوية

زين : ياسين خليك شوية معانا....ومينفعش تمشي غير لما تتغدي معانا الاول

لارا بإصرار: علشان خاطري يا ياسين خليك معايا

ابتسامة لها ياسين قائلا: علشان خاطرك....حاضر