انت دوائي : مكتملة ( بقلم : دينا فتحي )

الفصل الثالث

في مستشفي البحيري للأمراض النفسية

ذهب ياسين لكي يطمن علي أخته فذهب الي غرفتها ودق علي الباب ثم دخل رأي لارا جالسة علي الفراش شاردة وآثار البكاء علي وجهها منذ رحيل زين من عندها دخل سريعا وجلس بجانبها

قائلا بقلق : لارا في ايه يا حبيبتي بتعيطي ليه

نظرت له لارا والدموع علي وجهها قائلة : ياسين ثم ارتمت بين أحضان أخيها تبكي

ياسين وهو يطبطب علي ظهرها قائلا بقلق : مالك يا حبيبتي فيكي ايه

لارا ببكاء: خليك معايا متسبنيش تاني يا ياسين

ياسين وهو يبعدها عن حضنه ويمسح دموعها من علي وجهها قائلا بحنان اخوي : وانا مش هسيبك تاني يا قلب ياسين وهفضل معاكي لغاية مترجعي زي الاول واحسن
ثم اكمل : انا عارف ان موت زياد كان صعب عليكي بس انتي لازم تكوني اقوي من كدا

عندما سمعت اسمه تحول وجهها الي جمود قائلة بحدة : مش عايزة اسمع الاسم دا تاني انت فاهم يا ياسين

ياسين باستغراب : في ايه يا لارا مالوا زياد عمل ايه مش اللي حصلك دا كان بسبب موته

لارا وهي تضع يدها علي اذنها قائلة ببكاء : قولتلك مش عايزة اسمع اسمه تاني كفاية بقا حرام عليك

ياسين وهو يأخذ أخته في إحضانه قائلا برجاء : طيب خلاص يا حبيبتي مش هقول اسمه تاني بس اهدي اهدي يا لارا علشان خاطري

بقيت في أحضان أخيها حتي أصبحت هادئة تمام ثم خرجت من إحضانه وهي تمسح دموعها من علي وجهها ياسين وهو ينظر علي الحالة التي وصلت لها أخته قائلا بحزن : بقيتي احسن دلوقتي

هزت لارا راسها الي اسفل قائلة : ايوه بقيت احسن

ياسين وهو يحاول ان يخرجها من هذا الحزن قائلا بمزح : ينفع اللي عملتي امبارح معايا دا اول ماجي عندك تقوليلي اطلع برا مش عايزة حد دا انا حتي ياسين حبيبك انا قولت البت فاقدة الذاكرة ونستني ان اكون ياسين أخوها وافتكرتني ان مثلا مرات ابوكي

ضحكت لارا علي كلام أخيها قائلة بشبه بابتسامة: انا عمري ما انسك يا ياسين انت اخويا وابويا وحبيبي  وكل حاجة حلوة في الدنيا دي بس انا اعصابي كانت تعبانة شوية امبارح

ياسين وهو يقبل راسها قائلا بابتسامة: الف سلامة عليكي يا حبيبة اخوكي انا هسيبك دلوقتي ترياحي شوية وهجيلك كل يوم اطمن عليكي عايزة حاجة قبل  ما امشي

لارا بابتسامة ضعيفة : لا مش عايزة حاجة عايزة سلامتك

خرج ياسين من غرفة أخته واتجاه ناحية غرفة زين

دق ياسين علي غرفة مكتب زين عددة طرقات حتي اتها صوته قائلا : ادخل

دخل ياسين الي غرفة المكتب قائلا بابتسامة: السلام عليكم ازيك يا دكتور زين