❤🔞لعبة انتقام❤🔞

1

حياتي لكل تتلخص في كلمة عذاب من الصغيرة وانا عيشة في العذاب و دمار انك تكون بلا ام تحن عليك بلا بو يحميك بلا خو يدافع عليك و بلا اخة تشكيلها همك اصعب مصيبة يوجهها الانسان في هذي الدنيا انو يكون وحدو مقطوع من شجرة والادهاء و الامر انك متعرش روحك انتي بنت شكون من وين جيت شنو لقبك منعرش بابا وامي عيشين ولا موتا يخي فما ام تسلم في ضناها زعما علاش خلوني توا قربات 18 سنة عايشة في ميتم تحرمت من برشا حجات المحبة و حنان تعلمت من الصغيرة نعمل على روحي نتجرح نداوي روحي نمرض نرقد حتى لن يفرج ربي صحيح الميتم وفرلي المسكن اما تحرمة من برشا حكايات كيما لقرايا كي ملقو اش يصرفو بطلوني وانا لكونت عملا برشا احلام باش نبنيهم في حياتي اما كل شي طاح في الماء بين ليلة ونهار منعرش وقتاه جيت لهوني اما نعرف الي منلي حليت عنيا مشوفت حد كان النساء الي يخدمو لنا الي ابسط كلمة تتقال عليهم من غير قلب يعملو فيا تقولش حيوان قوم كول نضف البس ارقد تقولش عليا منحسش كنت ديما وحدي في تركينة يااما نبكي ولا سارحة في ملك ربي الي نسالو على عايلتي يقوم يصيح منعرش تقول درا شعملت كنت نشوف في برشا صغار يتبناو فيهم العوام لولة كان عندي امل اما بدا ينقص منعرش اش فيا ميعجبش لين وصل عمري 12سنة فقدت الامل كمبلاتمون اكيد مفماش شكون يحب يستبنا طفلا كبيرة كان طلبهم لكل علي صغار فديت من كل شي في عيشتي مرات فكرة في الانتحار بعدين استعوذت الشيطان ثيقتي في ربي كبيرة و ربي يفرج عليا
مزال جمعة ونقفل 18 ووقتها باش نطيش في الشارع كنت نكره عيشة الميتم صحيح اما علقليلا خير من التشرد هذي انا وهذي حكايتي
هذي .....كيما قالت ايمات و تخلط 18سنة رحيق اسم نادر ياسر اما يحمل برشا معاني باهية رحيق طفلة سبحان ربي ما سو الزين والعين  عندها متحلم بيه كل طفلة في بدنها اما هي متخممش في هذا جملة امنيتها الوحيدة تعيش في عايلة كما اندادها 👆👆
مديرة الميتم: شو يا رحيق نحب نقلك ..
رحيق :في بالي مدام الي باش نترط
مديرة: لا نحب نقلك الي فما شكون تبناك صحيح انا مشورتكش اما انا وفقت نعرفك معندك وين تمشي لازم تحضر روحك غدوة يجو يهزوك
مزال الكلام يرن في وذنها زعما الي سمعاتو صحيح لا مهبش مصدق علاش في الوقت هذا بذات لا تعرف لا تفرح لا تبكي ربي انقضها من التشرد في الدقيقة تسعين اما زعما شكونهم و شنو يحبو منها مسحت الافكار الخايبة من مخها الكل وقعدت تحلم واخيرا باش يولى عندها عايلة