❤🔞لعبة انتقام❤🔞

47

نعرف اللي قصرت برشا برشا معاكم سامحوني عشت الفترة لخرة ضغط نفسي كبير وعشت ازمة نفسية😭😭 اثرت على الكرو منجمتش نكمل  خفت لتاثر نفسيتي على الحكاية نعدكم من اليوم نكمل نشالله عونوني بتفاعلكم الي تحب نكمل الكرو بصمتها ❤️❤️ نحبكم ❤️❤️🌹🌹🍒

متلمين في الصلون بعد نهارين كانو اصعب نهارات لڨروب مبين خوف و فرحة بانجازات  ماريا لاسقت في صدام توريلو في تصاورها ويتمعشقو والبقية يغزرولهم وصلاح لاهي يتفرج على رحمة كان رحيق قاعدت تتغصور وحدها مشلق بيها كان مازن
رحيق : سمحوني يا جماعة ماشية نرقد
صدام: علاش ساعة محلاه سهرية
صلاح: شنو محلاه
منحمتش تكمل طلعت منغير متكمل
دخلت للبيتها و دخلت طول للفرش منحمتش حتى تبدل حوايجها جات ترقد تسمع في الباب تحل تلفتت تلقاه مازن
مازن:
سهرية كاملة وانا نغزرلها حسيتها بيها حاجة مش منجمة تتنفس هي طلعة وانا خلطت وراها خفت عليها منتصورش فكرة تصيلها حاجة دخلت قعدت تشوفلي بعينها الي يهبلوني ذابلين حمر قربتلها قعدت على ركايبي و قعدت نشوفلها
_شبيك (حطيت ايدي على جبينها نلقاها تغلي بسخانة ) هاك مرضت قوم دوش
_متعبش روحك معايا  جيست غطيني امان راني بردانة
غطيتها وطلعت بجنبها عاسرير
_ هني جنبك كان حاجتك بحاجة قلي
_ ههه منيش مستانسة بلهو متاعك شبيك تحولت نطلعش نهلوس بسخانة
_ يخي لهدرجة انا خايب عندك
_ لا مكش خايب كي نشوفك كيفاش تتصرف مع ماريا قداش تحبها و تخاف عليها اكثر من روحك و حننتك معاها ولا كيفاش تخدم باش تعيش عيلتك نقول قداشو حنين وطيب اما كي تجي معايا تتصرف كيني ترا شنو عملتك
_ نعرف روحي غالط معاك ما هاكا انا منيش باش نتصلح قلبي مات مع العباد الكل بخلاف عايلتي
_ لا مماتش انا نجم نقومو
شفلها باهت
_ هههه ضاهر السخانة بدات تاثر عليك اي وكيفاش باش تقوم قلبي يا لالا
_ مازن تعرس بيا ....
قعد يشوفلها مشوكي وجها زاد حمار من الحشمة على قد ماهو احمر من السخانة قعد ساكت وهي تغزرو
مازن :
كلامها دخلني في حيط محسيت بروحي كان قريبلها شفايفها غراوني منعرف كيفاه غطست فيهم لحضات و انا طير لسماء وهي مش متفاعلة معايا حسيتها باش تذوب بين يديا في لحضة جاء في مخي بابا منذر حاسيت روحي نغدر فيه سيبتها وخرجت منحمش نشوف في عيونها ...تنفست وهبطت كلمت ماريا مشات حذاها و انا خرجت قعدت بحنب البيسين خلط عليا صدام
_برو لباس شبيك حسيتك مش قد بعضك
_ بربي اخطاني صدام .... تعرف الدنيا ممشات معايا في شي تعرف اليوم شنو يا صدام اليوم 12 ديسمبر في بالك اليوم يا صدام بنتي تغلق 6 سنين بنتي الي دفنتها تحت التراب بيديا و دفنت مريهان و قلبي معاهم كيما اليوم مازن مات ماتتت
_ ربي يرحمهم هكي كتبت ربي ربي حبهم  وهزهم  لعندو اما هذا ميعنيش الي مازن مات معاهم فيق يا مازن حياتك مزال قدامك مزال تنجم تحب و تتحب حل قلبك راو الدنيا موفاتش ...نجمو في كل دقيقة نفقدو حد عزيز علينا لازمنا نتجاوزو هكي هيا الدنيا راو عيش عيش خويا و شوف حياتك جنة ملايكة و تو في الجنة و نشاالله يجي نهار و تشوفها غادي
_ ههه على شكون تكذب انا وين و الجنة و ين
_ ربي يغفر و يسامح متحط شي في بالك ..شرايك في غطسة ههه
_ عوم وحدك مزال مهبلتش ...ادخل لتتبنطط
_ عيشها ماما ياربي خايفة عليا هيا
_ **** ادخل ل**** جد بوك لهنا
_ ههه سايس علينا