❤🔞لعبة انتقام❤🔞

54

ظاخل لبيتها منغير دقان لقاها تمكيج و لا علبالها
_ ماشية وحدك انا منجمش عندي حاجة اكيدة
_ امم قول عندك طفلة باش تقابلها
_ اوبك على خنفوسة كي تفهمها وهي طايرة .... تعرف عندي شهر وانا نركح فيها الليلة ليلتي
تلفتتلو بعينها الخضر الي هبلوه .
_احشم كي تحكي معايا و زيد شعندها زايد مو كيفها كيف غيرها ملى قبلهم
_ لا لل تي هذي كعبة في الفترينة بدن و زين شي يقتل ... المهم متقولش لمازن تو يعمل حالة وانت رد بالك على روحك
قربلها وباسها من جبينها جا خارج نادتو
_صلاح
تلفتلها
_ انا وياك ولينا اصحاب و ... انت اكثر واحد رتحتلو  و عرفتني وشكيتلك همي امان نحبك معادش تلعب ببنات الناس يجي نهار و تتمس في اعز عبد عند رد بالك على عرض الناس
قربلها هبط على ركايبو وحط وجها بين يديه
_ انا منقربلهومش بسيف عليهم كل شي برضاهم وزيد معادش تعيطلى صلاح نحسك مرتي هههه
دزتو طيحتو
_ اللطف عليا منك الناس الكل تعيطلع صلاح راو مش كان انا
_ هذوكم الاخرين انت نحبك تنديلي قنفود ... باي رد بالك على روحك بيسو 😘
(اول ما حطيت اسماي الشخصيات حطيتهم بزهر وعجبوني علخر و نهار منهرات عرفت الكوبل رحمة و صلاح على التيكتوك للي يعرفهم يخلليلنا كومنتار ولحقيقة عجبتني صدفة الاسامي علخر )
....
تتعدات لصالة لقات مازن قاعد وقفها
_ يخي وين صلاح
_ اااا قلي يستني فيا غادي انا هني ماشية وانشاالله الليلة نجيب حاجة تنفعنا
_ رد بالك رحمة تحرطات الاخرة الكل ضدنا
_ متحط شي في بالك خويا مازن حكاية وبقدرت ربي توفي فيسع
خرجت لكلها ثيقة في روحها
قعد يغزر للمنڨالتو وقف شيناديها فد من المستنية وهي لتو لهبطت
طلع لبيتو حل الباب يلقاها قدام الدريسينق بكاب دو بان و تختار في روبة عيط عيطت تهز الجبال
_ رحيققق
تلفتتلو مفجوعة
_شبيك وه فجعتني
_ عامين وانا نستني في سياتك وانت مزلت تختار في الروبة سيادتك
_ شعندي نعمل لازمني حاجة مزيانة
_ وانت هذا لكل علاش كانك عليا هاك عفشة قدامي معندو ميزيدك التزين
_ ااا انا عفشة مشفتش روحك وزيد انا منزينش ليك للعباد لي باش تشوفني
العصب مكنو قربلها هزها على ضهرو وهبط بيها وهي عياطها قببب
_ ياخرا سيبني يخي باش تخرجني عريانة يا سخطة
_ سكر فمك باش تتعلم كيفاش تحكي معايا
دخلها للكرهبة و كمل ثنيتو
_ يخي بعقلك هززني عريانة
_ اول مكش عريانة و ثانية شكون قالك باش نهزك لبلاصة publique
_ مش قتلي باش نخرجو
_ اي هنا خارجين  اما وحدنا و بلاصة فارغة مفيها حد كان انا وانتي
وجهها مشا لون وجاء لون ودخلت بعضها
_معينيش ردني لوين كنت
_ ههههه رحيق شبيك بهيمة تو انت حبيت تعرس بيا وزيد مبارح على منتذكر قتلى الي انت مضروبة فيا معناها هذا لكل تعرف اش معناها رجل ومراة يعرسو اش يعملو زعما
_ خامج ردني لدار و زيد بطلت نحب نطلق معنيش فيك
_ لا للا هكاك متفهمناش وانا نخرج خاسر في نازلة نفقة وسخط على راسك على الاقل نربح ليلة تحفونة
_لا لا روح بيا
_ تي اسكت مبلدك متخافش مش تفاهمنا منيش قاربلك عاد اسكت
_ ما انا عفشة شو واحدة مزيانة تو تعجبك
_ الله غالب يعجبوني كان العفش
وختمها بغمزة دوختها
.....
وصلو لدار في الغابة هبطها ودخلو دار صغيرة متكونة من كوجينة محلولة على الصالة ودار صغيرة
_محلاها دارك هذي
_ لا شريتها لميريهان قبل كانت ياسر تحب الغابة وكل ويكاند كنا نقعدو لهنا
غزلتلو حبت تبدل الموضوع قد متتفهمو متنجمش تسمعو يحكي عليها و قلبو مزال معاها
_ تو انا اش نلبس تحبني نمرض جيبني هكا
قربلها وحوطها بكتفو وغزرلها في عينيها
_ اللطف عليك من المرض اجا فيبالي خليت قطايع لهنا البسهم
وقفتو
_ كان متع ميريهان معينيش شو باش نتفاهمو من اللول معرستش بيك باش نولى نسخة متعها وتعيش معايا على اساس هيا وزيد انا مرتك منحبكش تحكي عليها قدامي هي صحيح حبك الاول اما راعي ضوروفي على الاقل ...
_ اششش شبيك متسكتش حوايجي انا مش كتع ميريهان وزيد ملي توفات ماريا مخلتليش حتى قطعة قال شنو باش ننسي  بار بدل لا تمرض من جد ونقعد نعاني فيك
....
_عسلامة سي سالم هوني
_ اي مدام تفضل هاو يسنى فيك
خذات نفس و دخلتو لقاتو كي عادة يشرب قربتلو باسها بجنب شفايفها بعدت عليه متقززة منو وقعدت
_ تهبل حبي كي العادة
_ هههه بطبيعتي حلوة
قعدو يسهرو يضحكو اما المرة هذي غير العادة شوفتو ليها لا تطاق لكلها شهوة 

....