❤🔞لعبة انتقام❤🔞

58

الله تعالى: {قُلْ أَؤُنَبِّئُكُم بِخَيْرٍ مِّن ذَٰلِكُمْ لِلَّذِينَ اتَّقَوْا عِندَ رَبِّهِمْ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا وَأَزْوَاجٌ مُّطَهَّرَةٌ وَرِضْوَانٌ مِّنَ اللَّـهِ وَاللَّـهُ بَصِيرٌ بِالْعِبَادِ}.[١]

مسكر على روحو البيت الخبر صدمو و دخلو في متاهمة من تعذيب الضمير و عودتو للماضي الاليم متاعو نهارين محبش يخرج من البيت و لا يشوف حب كان دموعو هابطة من عيونو كل يوم معندو اش يعمل قد ما حاولت رحيق تحكي معاه محبش الحكاية تتجاوزها هي و علاقتو معاها الحكاية دخلت فيها بنتو روحو كيفاش باش يقابلها و يشوفها و ينسي الي صارلو الكل ينسي الي هو كان سبب في غيابو عليها ينسي الي هو كان السبب في موت امها ينسي الي بيدو هو دمر مستقبلو و مستقبل عايلتو الى كان ينجم ياسسها في امان خايلة من المشاكل و البعد و الوجيعة
...
دخلت رحيق للبيت تلقاه في البركون يتكيف نهارين لا يكلا لا شرب كان الدخان ينسيه همو مشات قعدت جنبو قربتلو راسو و حططتها على صدرها
_ مش لازم تخبي عليا و جيعتك انا حاسة بيك انا حاسة شنو قاعدت تمر بيه تو و تعيشو لازم نتشاركو همومنا يا روحي ..
_ كيفاش باش نقابلها يا رحيق كيفاش شنقلها انا بوك انا بعدتك عليا انا كنت سبب في حياتك الخايبة الي عيشتها انت تو كيفاش
قعد يحكي و طرشق بالبكاء في حضنها
_ ابكي يا روحي توتتفرهد صدقني فترة و تتعدا بعدين تو تشوف حياتنا كيفاش تولي اغزر للكاس المليان شو كيفاش باش نوليو عايلة مزيانة انا وانت و جنة صدقني باش نكونلها اما حنينة انا نوعدك نحطها في عينيا و منخليها تحس بحتى نقص علخاطر انا كنت في بلاصتها عشت نفس الاحساس انا زادة تيتمت من صغري اما هيا خير مني تعرف علاش علخاطر عندها بو حنين و بڨوس كيفك باش يحبها و يحميها ويخاف عليها من كل شي اما انا باش نغير راو
_ هههه باش يوليو عندي 3 بنات انت و ماريا و جنة ربي يصبرني عليكم
_ هوما بناتك
_ وانت حياتي ... ربي يخليك ليا ولا يحرمني منك ... شنعملو تو
_ تو لازم نجيبو لا لا جنة من دار مماتها و دخلوها في جو عايلتنا تو تستانس بينا وتحبنا و زيد وقت لي انت حابس روحك لهنا انا حضرتلها بيتها بجنب بيتنا تعرف باش تعجبها يااااا مازن متتصورش قداه متشوقة باش نشوفها و نولى ام
_ احسن ام في الدنيا ااا حقا مش وجود جنة باش ينسينا l'objectif متاعنا مزلت حاجتي بصغير منك و زيد لازم نجبو خو مزيان لجنة مش هكا
_ امممم اما تو لازمنا نتلهاو بجنة و بعدين نفكرو في خوها ولا ختها
جبدها ليه و غطس في شفايفها
_ عيشك علخاطرك عايشةمعايا حاضري و باش تزيد تعيش الماضي متاعي معايا
_ و المستقبل زادة
-----
شادة في يد بوها و داخلة خايفة وراه بعد ما خرجت من عالمها و دخلت لعالم اخر اول ماشفوها مشاو باش يسلمو ا
اول وحدة ماريا الي تاثرت وبدات تبكي
_ يا روحي محلاها تهبل ايجا عندي
قعدت تخمل وتبوس
_ محلا زينها متشبهلكش مازن هههن
_ شمعنها انا مش بوڨوص
تكلم صدام
_ اي والله لا تشبهلك تقولش عليها ماريا كي كانت صغيرة
قعدوها في الصلة و هي مزالة حاشمة مكبش في بوها متعرف حد