رحيق : ايام تشبه لبعضها تعدات وانا نحري في جرتو ممسطو محبش يعرس بيا 🥺 🥰 تي محسوب تو نشوفو شكون شيربح في الاخر الحاصيلو كملنا حياتنا منغير شي جديد كان ماريا غاطسة في حبك درباني هي سي صدام متاعها و رحمة نهار كامل شدة في خناق صلاح منعرش علاش حسيتهم مضروبين في بعضهم و ميحبوش يقولو و انا ومازن نكملو في الخطة اليوم وبعد قربات شهر و انا نحاول باش نطيح ولد dragon طلبني للعشاء ومش اي عشاء عشاء في دارو وحدو😱😱 تفاهمت على كل شي معا مازن و قرر باش يمشي معايا متنكر هه كوم كوا جبتلو الحارس متاعي اي ياسيدي حمرت وغبرت و خرجت زلة كي العادة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت جنبو في الكرهبة وترشقت بضحك هههه مركب لحية طويلة تقولش عليه شيخ الحاصل معرفتوش _شبي ولديك يذغدغو فيك _ ههه واتتك اللحية تهبل ههه _ وانت خرجت تعيف تو هذا لباس تلبسو من كثرة الروب الي عندك _ واه شبيني وزيد سالم قلي انا مزيانة في كل حالاتي يعني نعجبو و هكي الفايدة مش هكة _ اي هكة اما مش باش تعجبو تقوم تعريلو صدك لكل 😤😠😠 الزين عمرو مكان لعراء وانا حشتي بيه يحبك مش تعجبو _ والحب يجي بالاعجاب في البداية وزيد فوق هذا ودونو البدن بدني وانا حرة فيه اش نلبس و اش نعري اوكي _ مش على اساس تحب تعرس بيا و كي باش تعرس بيا البدن هذاكا يولي بدني انا 😉 _ انت موفقتش والحكاية مشات على روحها _ بدلت رايك فيسع _ مبدلتش راي انا مش باش نقعد نجري وراك يزيني ما طيحت من روحي _ اوكي ملا الجمعة الجاية يساعدك _ شنو _اهبل وصلنا قربلي وقرصلي خدي _ نحب مرتي تكون عاقلة الليلة رد بالك تعمل حجات مش قدها اوكي قعدت داخلة في حيط وهو هبط و خلاني مشيت نجري وراه و مراعني الا وانو تقلب جملا عرفت الي بدا يمثل كملت معاه في الخط دخنا سلمت على سالم وعرفتو على الحارس متاعي بدينا نتعشاو وانا دخلت في الخط معاه كلام مازن حمسني حبيت نكمل السهرية في اقرب وقت اما سلام طلع انسان خير من بوه وعكسو تماما محولش حتى يقرب مني قعد يحكيلي علي احلامو وطموحاتو و حياتو و مازن معانا طبعا و في نص السهرية نسمعو كان صوت كرتوش الشي بدا يزيد و انا قلبي يدق تخبينا على الحس انا وسالم و مازن قعد يضرب فيهم جبدني سالم ودخلني في بيتو _ اسمعني هذي مش اول مرة تصير عيشك اقعد لنا و رد بالك تتحرك ماشي نشوف الحراس متاعي هو خرج وانا مشيت نجري نشوف مازن قاعد تحت الشباك يضرب قعدت جنبو _ فاش تعمل قوم تخبي _ نحب نقعد حذاك امان منحبش نخليك وحدك هيا نخرجو امان
