❤🔞لعبة انتقام❤🔞

57

مازن:
نهار على نهار حبي ليها يزيد عينيا عمات على كل شي همي الوحيد نروح نشوفها فرحانة منجمش نكذب و نقول انو التوحد الجسدي مزاد شي بالعكس حبي ليها كبر و مسوؤليتي كبرت و ليت نشوف فيها شرفي روحي كرامتي لازمني نحافظ عليها من كل شي و لات الضو الي نشوف بيه منتصورش روحي نعيش يوم منغير منشوف اللقة الي في عيونها و البسمة الي تفيقني بيها ..... منكذبش كي نقول الي بديت ننسا ماضيا و نطمح باش نمحيه و نعيش حياتي مع روحي .... كل يوم نقوم و الخوف يكبر في قلبي نخاف نقوم نهار ومنلقهاش نحب نخبيها في قلبي نحب نشد يدها و نبعد بعيد نمشي انا و ياها لعالم اخر و ميعرفنا فيه حد نعيشو حبنا منخافو من شي .... حبها و لالي ادمان مرض نهار نعيشو معاها نحبو يتعدى قرن كل لحضة معها تنسيني احزاني لكل حتي من ماريا وليت مهملها معادش كي قبل رحيق خذات عقلي
....
_ صدام اخطاني معادش تحكي معايا راك فددتني من الصباح
يدور وراها في البيت العصب طالعلو
_ شو ماريا كان تفوريخ راك كثرت عليه هكاك خارجة عريانة وتحبني نسكت منيش راجل انا
_ شمدخلك فيا شو صدام راني معادش ماريا الفرخة الي تسمع كلامك كيما تحب انتى كبرت وليت نفهم و نعرف اش نعمل منغير متفددني بالتخلف متاعك
قربلها و صاح في وجها
_ معناها انا متخلف ااا يعتيك الصحة ويني ماريا الي تحبني والي تموت عليا و متنجمش تشوفني نهار متغشش ماريا راك شهر كامل مش عاجبتني تخرج و تدخل وقت متحب حتي بالكذب باش تقلي متحبش نطلبك تعلق ... راني قعدت ساكت نقول ميسالش كبرن و عملت اصحاب مش باش نحرمها اما توصل تخرج في الليل و تروح عقابات الليالي و سكرانة تتطايح نعرف عليك اشوعملت ...
_ نعم نعم متجربش حضك سي صدام باش تشك في شرفي حتي دقيقة و معندك حتي دخل فيا معادش ماريا المتخلفة الي نهار كامل تجري وراك  كبرت وليت نعرف الصحيح من غالط معادش الفرخة الي طايحة فيك
_ معناها حبك ليا كان تفوريخ و تو كبرت ايي يعتيك الصحة انا الطحان الي حبيت نوعيك اي هاني نقلك كانك على حبي انا مكش تفوريخ كيفك انا حبيت ماريا صغرونتي الي كبرت تلعب قدامي ماريا الي دجيني خايفة في الليل من كوشمار و متتهني كان مترقد في حضني و كبرت وحبي ليك كبر و ليت نحاف عليك من روحي ... حميتك حتي من روحي وخبيت حبي ليك بقرار من خوك تمنيتك تكون حلالي و لتو نتمناك تمنيتك ام صغاري نربيوهم على الحب الي كبرنا عليه ... ام يا خسارة طلع حبك تفوريخ ...وانت كبرت عندك حق تو نخرج من حياتك اما متنساش الي مهما باش نبعد عليك منيش باش نخليك تغلط مهما يكون تربينا من بعضنا و حبيتك اليوم نحكي مع خوك يشوفلك حل
_ حتى انت هك فاش زعيم جربت نهار عملت حاجة وحدك منغير متشاور مازن ما لا نهار كامل تمشي بكلامو حني كان غالط حتى من علاقتنا خبينها على خاطرو
_ زايد باش نزيد نحكي معاك تصرف على راحتك نحاول معادش نوريك وجهي باش معادش تتفكر ماضيك
......
مكانش قصد ماريا انو تجرح صدام كانت تحاول تفسرلو احساسها و موقفها اما منجمتش ماريا بعد معرس مازن و رحيق حست روحها تنسات صدام تلهى في خدمتو ميتذكرها كان فليل و قت لتكون رقدت حبت توصلو الى وقيت تعتي لعلاقتهم عنوان تحب تحس نفس الاحساس الي حستو رحيق تحب تعيش نفس الي عشتو تحب راجل جنبها تحبو يعيش معاها كل لحضة كي حست الي صدام بدا يهملها ختارت تعاكسو و تعمل ڨرين فماش ميفهم روحو و يتحرك و تفهمو الي هيا فدت من اهمالو ليها اما هبت الرياح بما لاتشتهي السفن و مفيبلهاش الي صدام باش يتجرح و يخرج من حياتها جملة وحدة
ماريا :
حسيت مازن ركز معايا اكثر عرفت الي صدام حكالو صدام مفيبالوش الي انا مكنتش نحب لا خروج لا دخول حبيتو هو يكون جنبي صدام بعد نهارتها و ليت معادش نشوفو جملا حتي في اليل نستناه نستناه لين يهزني النوم و ميجيش يخي علاقتنا لهدرجة ضعيفة باش تموت بعد اول اكسيدون يخي لهدرجة معادش يعرف صغرونتو اش تحس و اش حبت توصلو نعرف الي هيا غلطتي كنت لازم نحكيلو اش في قلبي نعرف الي انا جرحتو و حسستو الي هو يجري و رايا نعرف و انا نادمة على كل حرف نطقت. توحشتو توحشت ريحتو ضحكتو كلامو مخيبها الوحدة معادش نجم نعيش منغيرو كل يوم نزيد نتاكد الي هو مش باش يسامحني مشيتلو للبيرو محبش يدخلني بقيت نهار كامل نستاني مدخلنيش سالت مازن وصلاح عليه كل يوم يتلفو فيا .....اليوم بقيت نستاني فيه حلفت منرقد كان ميجي و نشوفو وصلت 2:00 متع الصباح سمعت صوت كرهبتو سكرتوالضو و قعدت نشوف فيه من الشباك وجهو ضاهر تاعب برشا حتي في الضلام معادش صدام الزاهي داخل سمعتو طلع و صل لبيتي دخلت نجري لفرشي عملت روحي رقدت
دخل صوت انفاسو برك رجع فيا الروح دخل غطاني باسني من جبيني و خرج هههه يخي كل يوم يجيني وانا منحسش
هو خرج وانا تنطرت مشيت للكوجينة هزيت ماكلة في الطبق حاولت منعملش حس و ديراكت لبيتو حليت الباب بشوية صوتو يدوش حطيت الطبق و قعدت نستاني فيه متوترة قولش عليا اول مرة نشوفو خرج لافف المنشفة كي شافني تفجع
_ السمالله العضيم شتعمل لهنا
_ كان نسيت نذكرك الي انا نكون نبات لهنا
_ بلاهي ماريا فك عليا منيش ناقصك تنجم تخرج عيشك والله تاعب 
_ كول تو نخرج
_ باهي اخرج برك
_ لا لازمك تسمعني ...امان صدام والله عيت من بعدك اسمعني مرة برك منيش صغرونتك انا راني عيت وحدي معندي شكون يسمعني غيرك مكنتش نقصد نجرحك حبيت نفهمك الي انا حاسة روحي وحدي معندي حد في الدنيا اهلي وماتو مازن و لاهي بمرتو انا وحدي ميحس بيا حد سعات نقول شعندي نعمل في الدنيا وحدي 😢🥺
قربتلو و شدت يدو
_ والله نحبك ❤️ و حبيتك من كل قلبي عمري ماكنت نعتبو تفوريخ تفوريخ الي عملتو معاك كارني جيت حكيتك من الاول سامحني
_ ماريا معمرك مكنت وحدك الناس بحذاك خوك مازن عمرو منساك بلاصتك في قلبو رحيق اختك و صلاح و رحمة معاك انت بعدت روحك عليهم
_ نحبك انت بجنبي مش هما انت حياتي الكل 
_ منعرش ..ماريا انا حد كان في حياتك و في بعدي ليك حسيت بعدي عليك خير ليا وليك بقربي ليك باش ناذيك انا منتصورش نهار نعفس على كرامتي حتى لو كان على خاطرك و انت جلطامة و تحب مصلحتك  خليك بعيدة عيشك منحبش نزيد نوجعك بكلامي امشي ارقد ارتاح و خليني نرتاح
_ لا منميشيش اسمعني لازمك ترجعوصدامي متع قبل شبيك تبدلت عليا قتلك انا غالطة و طلبت السماح يخي من و قتاش تاخذ عليا شوفلي في عيوني صدام راني نبكي 😢 مش كنت تقلي دموعك عذابي يخي.معدش تحبني معادش ماريا روحك و حياتك معاد نعنيلك شي تتذكر و قت صغيرة وصلاح يقلقني شكنت تعملو كنت تضربو و تخليه يبكي كيفي كنت تقلي منخلى حد يبكيك هاني نبكي و انت خليتني نبكي اليوم راني تعبت بعدك 😢.... منيش نكذب كي نقول انتي برك في حياتي راني نتنفسك صدام
- باهي رابى ارقد تو غدوة نحكيو و راسك غدوة نحلو لحكاية راني تاعب تو معدش فيا مخ تعبت راني
- نجم نبقي حذاك الليلة برك و معدش نقلقك
- باهي البيت خوذها كان حاشتك
- حاشتي بمولاها مش بيها
.....
بدل دبشو مشي بحذاها لقاها حاطة البلاتو وسط الفرش و تاكل غاطسة في المقرونة
غطس فيها وقعد يضحك قربلها و تكا على الفرش شفتو باهت فيها تكلمت والماكلة في فمها
- كي معينك فيه تو ناكلو انا ركبتلي النقرص عقبات الليل
صدام: