❤🔞لعبة انتقام❤🔞

3

تتقلب في سريرها تخمم في فارس احلامها مقوا سعدي كل ميكبر يزيد يزيان اما مش معبرني جملا سعات نقول يا ماريا يزي مهوش يفكر فيك جملا اما قلبي ميعطنيش من لي صغيرة وهو ساكن قلبي لنجمت نحكيلو لا نجمت نسكت نخاف مازن يشلق بيا و يتغشش حبي هو ديما يقلي يا صغرونة قداش توجعني لكلمة هذي تقولش عليه ميشوفش فيا يا اخويا كبرت افهم صحيح بيناتنا ياسر اما هذا لا يفسد للود قضية انا نحبو كنت عايشة مع تلاثة ذكورة ههه هكعلاه تحسوني مجودرا شويا صحيح مازن خويا وصلاح زادة خويا الي مجبتوش امي و سلفي قريبا ههه احم احم اما صدام لعمري اعتبرتو خويا تربيت بين يديه هو ومازن ومنحبش نخرج من تحت يديه هذي انا و هذي حكايتي ....ماريا 18سنة الزين و تربية شهلولة وبحبوحة الي يشوقها يحبها عندها حلين يا تضحك يا تضحك دو توت فسون الضحكة متفارقش وجهها ابدا متعلقة بخوها ياسر و كيما قالت تحب صدام اما لتو لقلتلو خافت لتخسو جملا ☝☝
مزالت تشوف لصقف وتضحك لين دخل شفتلو تبسمت قربلها طول حملاتو قعدت شويا بعدين شفتلو كيني متغشش
ماريا: يخي بقي شربت
مازن: هههه مقواك متفلت شي
ماريا: خويا قتلك معادش تشرب بلاهي قلي اش ربحت منو اف منك وقتاش تجي مرتك خلي تندمك وتوريك الويل
مازن: اما انا مش باش نعرس تعرف الي الطفلة الوحيدة النظيفة الي عرفتها هي انتي علخطرني عرفت كيفاش نربيك والبقية لكل ******
شدتلو احناكو تلعبلو بيهم
ماريا: اما انا نحب نولي عمة ونشوف مزازن صغار يتكعبرو قدامي
مازن: ههههه شنو هي مزازن هذي
ماريا: جمع مازن يولو مزازن شفت نهبلك عربية
مازن: باهي ايا يزي من تشقشيق لحناك و ارقد
ماريا: اوكي اما لولاد رقدو ولا مزال
مازن: شتموت عتنسنيس اي رقدو تهنيت ارقد غدوة باش تجي الطفلة
ماريا: ايي جو ذكرتني شكون يعرف بلكش تولي مرت خويا
مازن حب يتلف الجرة
مازن: مرت صدام اي علاش لا دو توت فاسون بنت عمو وميلقاش خير منها
حست كلامو لوجيك شويا لبكت حبست دموعها ودارت من لجيها لخرا اما مازن ميتخبا عليه شي شممها قارس  و فما حكايا مفيبالوش بيها