❤🔞لعبة انتقام❤🔞

59

_بابا مكش باش تخليني مش هكا
متكي على فرشها مرقدها في شونو
_ شكون قال ياروحي علاش باش نخليك هو واحد عندو اميرة مزيانة كيفك يخيلها .... اما لازمك تكون شطورة وتسمع لكلام و متعملش حجات يغششوني
_ تو انا عندي اسبوع بحذاك معملت شي يغششك مش هكا بابا
_ لا عملت يا روحي
_ شنو 😢
_ رحيق .. يخي علاش متحبهاش وين تجي تحكي معاك تضربها ولا تهربلي تجري يخي عمللتلك حاجة خايبة باش كرهتها
_ لا انا هذيكا منحبهاش هي شريرة و تحب تبعدني عليك باش نبقي وحدي ومعندي حد في حياتي 😭
_ اش اش يا روح بوك علاش باش تبقي وحدك انا ميبعدني عليك شي وزيد انا نحبك كيما نحبها هي وهي باهية و زيد تنجم ترسملك تصاور مزيانين مش كيفي تهزهم لصحابك في الروضة 😉
مسحت دموعها بكفوف يديها
_ يخي هي تنجم ترسم
_ رسوماتها يهبلو كان تشوفهم
_ بابا قلها ترسملى امانك
_ لا نحبك غدوة تمشيلها و تقللها انت باش توليو اصحاب محلاكم باهي يا روح بابا
مجوبتوش عرفها رقدت غطاها و هرب لرحيق يدعي لربي ميالقاهاش راقدة كيما كل ليلا
دخل يلقي البيت ضلام عرفها راقدت قعد يسب في روحو دخل للفرش يخي هجمت عليه
_ بووووو
_ يا خرا فجعتني الفرخة هذي مزالت فايقة لتو
_ اييي
هزت عينيها لفوق بستو بوسة طويلة من شفايفو هزلها يديها و حطهم على صدرو بعد عليها كي حسها تحب تتنفس
_ توحشتك موت
_ حتى انا ...
جاء شيكمل خدمتو وقفتو
_ لحضة مازن قبل كل شي نحب نحكيو ...على حياتنا كيفاش باش نكملو هكا ... جنة نهار كامل لاسقة فيك تجيني بتخبية عليها نهار الي نقربلها تنوض تبكي و تمخط ... يخي انا شعملتلها باش كرهتني منغير متعرفني
_ فترة وراس حبي تو تتعدا نعرفك تعبت معانا زيد ضحي معايا هليمات تو تشوف كيفاش تولى تحبك لازم نفهمو عليها 6 سنين من عمرها شافت كان لعذاب امها متوفية و بوها بعيد عليها كيفاش تحبها تكون خايفة لنبعد عليها و نخليها ...
_ اما حتى كان جاء نهار و خيروك بيني وبينها انا شنقلها اختارها نعرف الي جنة حياتك
_ وانت زادة عمري منجمش نتصور نهار حياتي منغيركم انتو عايلتي و روحي ....تعرف جنة نحسها تشبهلك برشا نفس لكلام نفس الحركات نفس كسحية الراس
_ ملا يا سي مازن تو تشوف كي تحبني لما نجبوك. على برا
_ شهنتي باش نجيد صغرون منك نربيوه احنا الثنين
_ اما انا نحبو يطلعلك في كل شي لون عيونك ريحتك خزرتك مشيتك كلامك خوفك عليا
شدها من حزامها و قربها ليه
_ تحب تبدلو بيا
_ هههه ... شدتلو وجهو بيديها .. عندي مازن واحد البقية نسخ منك نتذكرك بيهم كيف تغيب عليا
_ اما انا منيش باش نخليك وحدك حتى دقيقة
_ اي وكي ....
_ اش كيني حكينا برشا خلينا نخدمو على مشروعنا
.......
قامت صباح متلقاش بوها مشات تجري تلوج عليه في كل بلاصة دخلت لبيت صدام تلقي ماريا راقدة في شونو
_ ماريا قوم عمتو امان قوم
سمعها صدام حبدها جابها على حجرو
_ شبي صغرونة
_ عمو صدام بابا ملقيتوش حذايا كي قمت
_عادي ياصغرونة تلقاه مشا للخدمة
_ زعما 🤔 شبيها ماريا قاعدة في بيتك
_ ااااا ماو خافت في اليل مسكينة يخي جات حذايا
_ اممم عمتي قوم ماريا قوم هايا باش تبدلي لازم نمشي لروضة هيا
قامت تتململ
_ جنة شتعمل هوني
_ جيت نلوج عليك لقيتك هوني هيا ولا نقول لبابا علي شفتو
_ وانت اش شفت
_ هيا معادش وقت لازم نمشي لروضة
_ باهي هههه قوم ملا لفعة طلعة لعمتك في كل شي
_ انا لفعة سي صدام باهي هيا جنة و انت عندي معاك حساب بعدين
_____
قام قعد يلعب بشعرها و سلهي فيها قداش توحشها جمعة حرم روحو منها فاقت تبسمتلو شافت في التليفون
_ وه جنة لازم تمشي لروضة قوم هزها معادش بكري عليها
_ اش وصيت صدام باش يوصلها ليوم عندي مشاريع اخري
_ ولى هيا
_ باش نعيشو الي فاتنا في جمعة يا روحي
_ احم مازن راني تعبة من البارح يعني ليوم نرتاح شوية و اليام قدامنا تو
_ ههههه شبيك مقصديش نعملو ماتش اخر اما كان تحب في كل وقت حاضر ليك
_ اممم ملا شقصدت
_ باش نخرجو نفطرو البارا و نحوسو وبعدين نهزو جنة معانا كي تكمل
_ زعما متقول شي و لا تصيح
________
خرجت تجري حملاتو
_ بابا
_ اوبا بشوية يا روحي و رحيق مش باش تسلم عليها
_. علاش جت معاك
_ شتفاهمنا البارح
جوها صحابها من تالي
_ جنة محلاها مماتك ياسر مزيانة
غزرتلهم درا كيفاه
_ ابعدو عليا مش ديما تقولولى معندكش اهل علاش جاين تو
جتها رحيق تجري
_ شكون حكا معاك هكا و ريهملي تو نوريك فيهم
عملتلها بيدها لصحابها 😭👈
_ مزال تحكو معا بنتي هكا نوريكم تو نحكي معا الميتراس متاعكم مزال تقلقوها نتفاهم معاكم
كانت جاست صغيرة اما خلت جنة تشوف لرحيق بنظرة اخرى تشوف فيها امها قبل متكون مرت بوها
قعدين على الطاولة على البحر يفطرو شرولها برشا لعب باش تنسى الحكاية قعد يوكل فيها بيديه و رحيق تصور فيهم و تضحك خلات جنة تعيش لحضات معا عايلة حقيقية و تحبها ناض مازن مشي باش يخلص قعدو وحدهم
_ يخي انت معندكش عايلة
تبسمتلها و عملت براسها لا
_ انت عندك بوك و برشا عباد تحبك اما انا معندي
_ لا بابا مبارح قلي الي هو يحبك برشا
_ اما كان انت محبتنيش انا باش نمشي و نخليكم 🥺
شفو مازن جاي من بعيد لين وحدة هجمت عليه تعنق و تبكي مسيبتوش
رحيق تصدمت العرق لب عليها يديها ترعش و العصب طلهلها

توقعاتكم 😁😁
منحبش التشويق راني