❤🔞لعبة انتقام❤🔞

17

قاعدين علي الطاولة يفطرو كي العادة اليوم فاكونس ولازم حاجة تبدل الجو
صدام: ا اش عملنا تو باش نقعدو في الدار ولا شنو
ماريا: و الله قلت الحق فادين
مازن: مفماش خروج خالتي عايشة جايا لعنا
صلاح: لا عاد افف ملا مرج باش تقتلنا
ماريا: ههه اسبوع مليتار عندكم
صدام وهو يقلد فيها: السهريات لا و شرب لا الثمانية كل واحد في فرشو
رحيق تشوفلهم مستغربة لين ضهرت على روحها فهمها مازن وحب يفسرلها وهي كي الاطرش في الزفة
مازن: خالتى عايشة هي واحدة من الي تخدم مع بوك قبل و اصحاب علخر ووقت توفي بوك حست روحها مسوؤلة علينا هوكا كل شهرين تجي تعمل طلة
ماريا: واش نحكيلك عليها يا رحيق مراة اقل مايوقال عليها روبو تحب كل شي منضم تي انا وتحب تعلمني نطيب مبسيف لما تشوف شيخة ضحك خصوصي مع صلاح
صلاح: ماو تحبني نبطل الشرب تصور انا نروح تقعد تشم فيا
رحيق فرحت اون فان باش تلقي حاجة تشم عليها ريحة عايلتها محستها باش تبدل برشا حجات سيرتو معا مازن اول مرة يحكي معها من غير الجدية متاعو متعرش علاش ام فرحت
بعد ما كملو لفطور كل واحد خرج في شيرة تقولش عليهم يودعو في الحرية متاعهم قبل ما تجي عايشة
ماريا ورحيق بدلو حوايجهم لبسو شورتوات دجين و دخلو للكوجينا يصنفو
رحيق: ماكش قلت متعرش طيب شو كان ناوية عليا عضمة في الزيت منعرش نقليها
ماريا: اه يا خويا اش يستنا فيك باش تخو عرة
رحيق: شو شكون يحكي و زيد خوك منيش عاملا منو راس مال سي با مون جور 😜
ماريا: امم اقعد هكاكا بعدين كي يفصعولك بيه يجا اشكي وابكي الحاصل مش يقولو طريق لقلب الراجل معدتو باش نجربها مع صدام ياوخيتي راو غلب عليا لا حب يحكي و يتحرك
رحيق: ننصحك متجربهاش ههه علخاطرك باش تطيح من عينو
ماريا: امم يزي بلا مساطة شو باش نشوف على اليوتيوب و نجربو انا باش نطيب مقرونة يحبها صدام و انتي اعمل لازنيا و بعدين نعملو ديسار تيراميسو اش قولك
رحيق: اي و اللازانيا يحبها مازن ولا 😋
ماريا: شو الوحيدة خوفت لا يهربولك بيه
رحيق: ههه نفدلك معاك هيا نبداو
ماريا: لا بينا 😎