❤🔞لعبة انتقام❤🔞

43

غنى  كلاس عباد ياسر فينو اول مادخلت حبت تكون قوية وتكون دخلتها صحيحة اول ماشفت drgon  بخذا طاولة معاه عباد مشاتلو طول
- سي سالم
تلفتلها عيونو ولات قلوب طبست عليه بكولها باستو من خدو وشوشتلو في وذنو
- يمكن متعرفنيش ما من اايوم معادش شتنستني
جبدها من ضهرها العريان وكمل يخكي
- عجبتني جراتك
- ههههه انا صفاء العيساوي fan بيك ياسر جايتك من تونس باش نحضر ونشوفك
- مرحبا بيك تستحق حاجة انا هوني
تعدات السهرية و drgon مهزش عيونو عليها قيمة في الانوثة شكون ينجم ميركزش عليها كي جات باش تروح تعداتلو باش تودعو
- صفاء يا صفاء هكا باش تروح وحدك متحبش نكملو سهرية في الفيلا و هكاك نزيدو نتعرفو
- هههه مزال بكري عليك اما نعتيك النيمرو متاعي اول ما تروح لتونس يصر الكونتاكت
- وانا نستنا فيه الكونتاكات منيش شنفلتك تهنا
-----

- يعني متاكدة هذا كل شي لصار
-اف منك يا ماريا من الى جيت و اني تنسنس قتلك كل شي
- لا انا نتاكدة الى مازن عملك حاجة
-تي فوتني تو و معادش تحكيلي عليه ااوكي منيش ناقصة
خرجت ماريا متغشش و ديركت لبيت خوها تررمات في حضنو
-مازن توحشتك
- انا زادا ياروحي قولي صدام تلها بيك
-ههه انا مخلاني ناقصة شي تي ملي نحنا صغار و هو لاهي بيا كيفك

-معناها باش يخو بلاصتي سي صدام متاعك
- انت مياخو بلاصتك حد ... يخي شعملت لرحيق ملي جات و هي عاطسة
- تلقاها تفكرت بوها كي قابلت اذاكا الكلب
-مسكينة والله تسخف اش عنينا نحنا ملى عانتو هي في حياتها وزدت عليها انتي
-شعندي عملتلها انا
- تخاف منك علخر ديما تقلي مازن يحب هكا مازن ميعجبوش هكا ههه تيتقولش عليك راجلها  .. اما بيناتنا تواتو بعضكم 😆 واش خص كان تعرسو و تجيبو اوالاد و بنات يبداو يتكعبرو
- زيد احلام زيد تعرفني انا متع هذا تو
- بربي اش ناقصك وقيت تو عرس تو تشوف احساس الابوة محلاه
- هاك انتي بنتي و حسيت. معاك
- اما ميمنعرش الي لازمك تعرس و هوك خيرنا يمشيلنا و رحيق تهبل زين واخلاق
- كولني بلهف حتي انتي صدام شربتلو مخو
حشمت و خدودها حمارو
- شمدخلو صدام في الحكاية
- اي هنى حاسب روحي منشوفش وربي يعمل دليل
- مش كان انتي متشوفش حتى هو اعمي خلاص 😑 تو باي
-ماشية لرحيق
- يعني عالحب 🥰🥰 لا منيش مشيتلها علخاطر خذيت في خاطري منها
-علاش
- بري اسالها لوقتاش شتقعو هكا ميسعدنبش انا راو نقعد نكسر في راسي معاكم
------
دخل صدام بعد نهار صعيب و ياسر ضغط عليه في الشركة مفيبالوش الي مازن روح دخل لبيتو و نحا مريولو جاء شيحل السروال خرجت ماريا من بيت البانو تغني اول مشفتو حشمت و دورت وجها
- يخي شتعمل في بيتي
- اهه شبيك روحت بكري
-دور منيش عريان راو و حتي كان جيت عريان حاجة متحشمش
هي زادت حشمت و لسقت للحيط
- امان صدام البس حوايجك منجمش ندور
-ههه يخي مش كنت ترقد عندي وانا منغير مريول وزيد تكبش فيا
-مش كيف وقتها البيت ضلام
قربلها عدا يدو على كتفها شم ريحة البرفان متاعو
- يخي ماكش باش تقول شتعمل في بيتي
- شي كنت متعدية و دخلتلها
- وريحت البرفان افف ماريا راك شتهبلني منجمش نزيد نصبر راني تعبت
-شببك
حط خشمو فوق رقبتها و قعد يتنفس نفسو سخون حرقها  دورها و قعد يثبت في عيونها الزرق الي يهبلو
- معادش تجي لبيتي راني راجل و منيش خوك باش تدخل و تخرج عليا تعرفنيش سعات منجمش نشد روحي عليك و تعرش اش باش يصير
- شو باش يصير يعني
- ابسد حاجة نجم نخرجك حبلة فهمت تو
دزاتو و خرجت تجري
-هههه كلام برك و خافت كان مبلحق اش باش تعملى هههه ملا فرخة
-----
حتي من ماريا طفتني و انا حالتي يعلم بيها كان ربي تحبني نحكيلها باش تتغشش من خوها منحبش نعمل بيناتهم مشاكل عشية والاولاد الكل لبرا قعدت وحدتي ندور في الفيلا لين و صلت لبيتو لحقيقة انتابني الفضول  دخلت و قعدت باهت في البيت ريحتها تذكرني فيه كي يوقف بجنبي رحتو ياسر روجلية   تصاور هو و ماريا و الاولاد في كل بلاصة صحة ليها ماريا تمنيت حد يحبني قد ميحبها هو اما فما تصويرتو هو و طفلة مزيانة علخر و هو يضحك و شددها بجنبو يضهر من التصويرة الي هو يحبها علخر طفلة عيونها خضر و شعرها بوكلي يخي شبيه كان هكا معاها كان انسان عادي ضحااك ضهر فيها صاحبتو لقديمة شبيني تنرفزت كي شفتها زعما وينها و شكونها لازم نعرفها خرجت من البيت نجري ومشيت لبيت ماريا نلقاها تكونكتي
- مارو متغشش مني
مجوبتنيش زدت قربتلها و عنقتها
-بلاهي ماريا شكون عندي انا غيرك و لاهي كنت متقلقة من السفر شبيك هكا زح تعرفني يتيمة ومعندي حد بخلافكم  سامحني عاد براس صدام الغالي هه
-باهي عاد يزني من الدلول متاعك سامحتك اما اخر مرة تعملها
- ههه اوكي
باستها
- ماريا نحب نسالك
- اممم اجي لصحيح قول حشتك بيا في حاجة وقتها نفهمك
- هههه لا سؤول صغير ...يخي خوك كان عندو شكون قبل في حياتو
ماريا وجها تقلب ملقات متجاوب
- ععلاش تسال انتي
- هكا يخي مستانس تخبي عليا
- موضوع حساس برشا و مازن ميحبش يجبد عليه
-باهى منقول لحد غير احكيلي
- مازن و قت كان عمرو 20 عرف طفلة وحبها برشا اسمها ميريهان عاشو في حبك درباني كل شي معبعضهم لحق هي باهية وطيبة برشا كان يتنفس بيها يحبها علخر جاء نهار و عرفت الي هي حبلة .
-يعني كانو ...
- اي عايشة معانا ديجا بابا منذر كان يحبها متتصورش قداش كان فرحان مازن كي عرف الي هي حبلة زالى هو باش يولى بو وين نحطك ياطبق الورد كل شي ليديها تعداو تسعة شهور و هي ولدت البيبي طلع مريض و ناقص دم كي جاء باش يتبرعلو مازن ملقاهوش متطابق مع بيبي يخي دخلو الشك عمل تحليل dni
- يخي طلع مش مش ولدو
- كانت بنية كان تشوفها كي الملاك اش خص كان لحكاية وقفت غادي مازن تعرفو كي يتغشش وزيد هي لعبة بكرامتو و كل وبيبي توفي وامها قعدت محروق عليها ومازن متحركتلو حتى شعرة روحنا بيها لدار ووقتها بدا عذابها مخلى مدار فيها لين المسكينة انتحرت الغلبة وين الي بعد مدة عرف الي فما شكون لعب بتحاليل و زورهم وقتها مازن وين تبدل و قعد يعذب في روحو علخاطر بنتو و حبيبت. الي ماتو في جرتو
رحيق دموع ملاو عنيها
- مسكينة  ميريهان قداه تعذبت
- كان تشوف مازن وين يسكر يقعد يحكيلي عليها قلي الي كان باش يكون بو باهي ويحب بنتو كان باش شيسميها  جنة قلي لهي جنتو اما ربي حبها اهه ومن وقتها مازن محل قلبو لحتي طفلة اخرى مسكين خويا على صغرها قاسا وعاش لعذاب من غدرة لام للتو وهو يعاني تعرف يا رحيق كان يقلولى خير انسان واحد يدخل للجنة نقللهم مازن علخاطر خويا باهي برشا و تعذب برشا و مفماش ما اطيب من قلبو اما الوقت الي جاء فيه خايب  عيشو حجات مش متاعو الحاجة الوحيدة الى نتمناها من الدنيا انو يعرس و يجيب جنة اخري لدنيا علخاطر نعرف لي لحاجة الوحيدة لي باش تردو فرحان هو جنة الي مشات عليه بنتو لي حبها اكثر من روحو