❤🔞لعبة انتقام❤🔞

64

حطا ايديها على روبتها حاشمة  اول مرة ليها قعدت تغزر لملامح لطبيبة تلقاش تفسير لحالتها خايفة ليطلع الى فر بالها صحيح هبطتلها روبتها وسبقتهم للبيرو
_مازن: قلنا دكتورة لباس فما حاجة
_ اممم حسب ما نشوف لمدام معندهاش مشكلة في الحبالة ولا حتى الانجاب ...اما عندها نقص من هرمون الى نجم يسببلها خلل و توخير الانجاب
_ اي و شنو نجمو نعملو
_ كانكم مزروبين على صغير تدخل طبي صغير يحبلها سي نو مفا حلول اخرى كيما دويات  وانا ننصحكم فكعلكم من العملية المدام مزلت صغيرة و الحبالة بيد ربي ...
...
تغزر من شباك الكرهبة سارحة شدلها يدها و قعد يغزرلها
_ تو شبيك هنا شفنا الطبيبة وهناتنا شوية خدمة و الصغير في الجيب
_ يزي من التفدليك مازن مش في صحني
_ علاش على بيبي هو باش نجيبو يخي لهدرجة مزروبة عليه خلي نشيخو ببعضنا الساعة وبعدين ربي تو ينوب علينا
_ اما انا خايفة
_ تي براس ولديك قداش عمرك تفكرلي في الحكايات هذو راو تو لازم نعيشو بعدين صغار يجو
_ تو انت متحبش يبدا عنا بيبي
_ نحب و نستنا ام تو عنا جنة كي تكبر شوية نجيبولها خو ولا اخة مزلت صغير انا راو باش نعانيهم ...فك علينا تو تحب نخرجو نسهرو الليلة
_ باهي اما نهزو جنة و ماريا خلى يتفرهدو
_ باهي حتا انا توحشتهم
....
_ ماما  توحشتك
_ وبوك نسيتو ولا سي نسيتني
_ لا منسيتكش اما متغشش علخاطرك معادش تجيني في الليل
معنكش في عنق رحيق وخلت بوها طلع وخلاهم وحدهم دخل نحي حوايجو و دخل لدوش خرج لافف المنشفة على نصو يلقاها تمشطلها في شعرها
_ انا طلعت جيتوني
_ انا باش نخرج
_ لا بيبي تعا لهنا وانت اعرف كيفاش تحكي مع بنتي باهي