❤🔞لعبة انتقام❤🔞

8

لابست تريكو قصير فخاضها لكل عرايا شعرها مبلول تشيحلها فيه ماريا تلفتتلها والدموع في عنيها
رحيق : علاش كان انا عايشة هكا قلي امان لعمري شوفت نهار مزيان نحب نفرح اكهو
نحات المنشفة من يديها و قعدت بجنبها على السرير
ماريا: معادش تقول هك مزالت الدنيا قدامك واتو تفرح و كان على والديك ربي يرحمهم مازن ديما يقولي اتو نشفوهم في الجنة
رحيق: يخي عند شكون توفالك
ماريا: بابا وامي توفاو مش كان انتي يتيمة يا رحيق انا ومازن و صلاح وصدام من الي صغار عشنا من غير اهل كان ديما بابا منذر ربي يرحمو يعامل فينا على اساس ولادو هه كان ديما يقلي عندي بنية في عمرك نقلو وينها يقلي تو كي تجي توليو صحاب و هنا ولينا اصحاب ديما شوف للشطر لمعبي من الكاس هك و لات عندك عايلة انا و مازن والولاد احنا عيلتك من اليوم تو معادش وحدك احنا معاك 
قعدت تشوفلها في عيونها مصدومة الدموع تحصرو في عنيها قدمتلها وعنقتها
رحيق: مكنتش نعرف الي انتي تعني من نفس مشكلتي نوعدك من اليوم معادش نبعد عليكم جملة انتي و صلاح و صدام من اليوم اهلي بون خوك متكبر شوية هه اما تو نجيبو لثنية
بعدت عليها و قعدت تتبسم
ماريا: ابك ابك تقولش سيبون طحت على راسك و الله عرفتها كيما في مسلسلات تعرسو تجبولي صغيرات يتكعبرو ونولى عمة
رحيق: هههه يا بنتي وسع بالك تزيد شوية تقلي باش نعرس لولادي مفما شي راو وزيد تي واحد متكبر مغرور و عمل في روحو حكاية كبيرة شو نعرف راك متحملش في خوك اما هكا الصحيح
ماريا: ههه تشوفو هكاكا اما هو حنين وقلبو طيب علخر تو تشوف كي يستانس بيك يولي يخاف عليك
رحيق: قلب الي باش ترش نعملو يخي شنو الخدمة الي يحكي عليها يخي شركة ولا شنو اما انتقام
ماريا: نحنا نخدمو مافيا مع بابا منذر
وجها لخلخ والتفجعت
رحيق: فاش تحكي
ماريا: شبيك طلعت خوافا صحيح مافيا اما مافيا متع خير يمكن اول مرة تسمع بيها اما نحنا هك ستانسنا ملي صغار نعيشو صحيح نبيعو في السلاح و الدروڨ اما غايتنا انو نعيشو الناس المحتاجة خويا لاعمرو وكلنا من اذوكا لفلوس هو يخدم بعرق جبينو قد منصحتو و قتلو ابعد محبش حياتنا لكل هكا خوف وتهديد تصور هني 18 سنة لعمري مشيت نقرا وحدي مازن يجبلي لاساذا لدار و نهارت لنعدي يمشو معايا البودي قارد مانع عليا لصحاب خسارنا امنا و خسر بوه من جرت المافيا و محبش يبعد عليها
ستغربت من كلامها وحستها الصدمة الثايا الى جتها في نهار واحد
رحيق: يخي مش بوك حتى انتي
ماريا: هههه حكاية طويلة زايد نحكيها انا ومازن خوات من الام برك اففف بلاهي خلينا من الكبي قلي شرايك فينا عجبناك ههه
رحيق: بلاهي شفت الخير وميعجبنيش عايلتي  خليني نرقد تو والله تاعبة
ماريا: عندك الحق نخليك ترتاح بون نوي بيبي متنساش تحلم بمازن
رحيق: يزي من المساطا تحبني نشوف كوشمار
ماريا: ههه منيش فاقدا الامل لما تحبو