Unicode
လျှောက်နေမိတဲ့ခြေလှမ်းတွေက ထင်ထားသည်ထက်ကိုပို၍သွက်လို့။
ရင်ထဲကြည်နူးနေမူတွေက မဖုံးနိုင်မဖိဖြင့်
ပင် အပြုံးအဖြစ်အသွင်ပြောင်းကာ နူတ်ခမ်းပါးလေးမှာခဏခဏကွေးညွန့်နေရသည်။
အလျင်လိုသောစိတ်တို့ကြောင့် ခြံချင်းကပ်ရပ်ဆိုသည့် အတိုင်းအတာအကွာအဝေးကိုဖြတ်ရသည့်အချိန်ကပင် သူ့တို့အတွက်အရမ်းကိုရှည်ကြာနေသယောင်....။
ရင်တွေ တစ်လှပ်လှပ်ဖြင့်ဆယ်ကျော်သက်တစ်ယောက်လိုဖြစ်နေမိတဲ့ သူ့ရဲ့အဖြစ်ကိုပြန်တွေးမိတော့ သဘောတစ်ကျပြုံးမိပြန်သည်။
ထယ်ထယ့်ကိုတွေ့ရမှာကို လက်တွေအေးစက်နေအောင်အထိ စိတ်လှုပ်ရှားနေမိတာပါတဲ့။သူထက် ခြောက်နှစ်တောင်ငယ်တဲ့ကလေးလေးကိုလေ....။
အထက်တန်းပြီးတည်းက londonမှာတစ်ယောက်တည်းကျောင်းသွားတက်ခဲ့ရတဲ့သူက အခုလိုမျိုးရင်တွေတစ်လှပ်လှပ်ဖြင့် စိတ်လှုပ်ရှားနေမိတာ ဒီတစ်ခါပထမဆုံးပင်။
သူတစ်ကယ် ဒီကလေးလေးကြောင့်ရူးတော့မှာပဲ.....။
ကိုယ့်ရဲ့အချစ်တွေကမသိစိတ်ထဲကနေအတင်းကို ရုန်းထွက်လာခဲ့ပြီမို့ ကလေးရဲ့ခြေတော်ရင်းမှာဝပ်တွားခယပြီး ချစ်ခွင့်ပေးဖို့တောင်းဆိုချင်ပါပြီကလေးရယ််...။
အသနားခံနှလုံးသားလေးမို့ ရက်ရက်စက်စက်နင်းခြေမပစ်ဖို့ကိုလည်း ကိုယ်ကတောင်းပန်ပါရစေ....။
နောက်ဆုံးတော့ရောက်လာခဲ့ပြီ....။
သူသိပ်တွေ့ချင်နေရတဲ့ သူ့နှလုံးသားအားအပိုင်စားရယူထားတဲ့ကလေးလေးရှိရာဆီ....။ အိမ်ထဲဝင်လာတော့ဆိုင်သွားရမဲ့ တီငယ်နဲ့တီတီကြီးတို့က မနက်စာစားနေကြတာတွေ့ရပေမဲ့ သူ့ရဲ့အဆိုးလေးကိုတော့မတွေ့....။
ကလေး အိပ်ရာကမနိုးသေးတာလား....။
"ဟင်...သားjungkook အစောကြီးပါလား"
jungkookကိုမြင်တော့ Kim ညီမနှစ်ယောက်က အံသြသလိုကြည့်လာကြ၏။
ကြည့်တာလည်းမမှား။
သူရောက်လာမိတဲ့အချိန်ကတစ်ကယ့်ကိုမှ အစောကြီးရှိနေသေးတာကို......။
သူကလည်းသူပါပဲ။
အခုမှ မျက်နှာထူပူကာ ရှက်လာရသည်။
"ဟုတ် ဟုတ်တယ်တီငယ်
ဒီနေ့ရုံးပိတ်ရက်မို့လို့ပါ"
"အော် ဟုတ်သားပဲတီတီတို့လည်းအလုပ်တွေရှုပ်နေတာနဲ့ရက်တွေတောင်ရောကုန်ပြီကွယ်။
ဒါနဲ့သားjungkookက မနက်စာမစားရသေးဘူးမလား...တီတီတို့နဲ့တစ်ခါတည်းဝင်စားလိုက်ပါလား"
YOU ARE READING
Behind The Same (Completed)
Fanfictionကိုကိုက ထယ့်ကိုချစ်ခဲ့တာမှမဟုတ်တာ ...... ကိုကိုချစ်တာ ကိုကိုငယ်ငယ်ကတည်းကဂရုစိုက်ချစ်ပေးခဲ့တဲ့ထယ်ကိုလေ... ထယ်ကသာကိုကိုရဲ့ချစ်တွေကို ဟန်ဆောင်ရယူသလိုဖြစ်နေခဲ့တာပါ..... Kim Taehyung
