Behind The Same (Completed)

part (29)

Unicode

ကုန်လွန်လာခဲ့ပြီဖြစ်သောအချိန် လေးလနီးပါးအတွင်းtaehyungရဲ့ဗိုက်လေးမှာသိသိသာသာကိုစူစူလေးဖြစ်နေခဲ့ပြီ။
T shirt အပွလေးတွေ၊ Hoodieတွေဝတ်ထားလျှင်တော့သိပ်မသိသာ။
နာကျင်နေသည့်တိုင် ကလေးလေးအတွက်ဆိုပြီးကြိုးစားရပ်တည်နေသောtaehyungကဘယ်လောက်ပဲတောင့်ခံနေတယ်ပြောပြော ရင်ထဲကဝေဒနာတွေကိုတော့ မဖုံးကွယ်နိုင်။

အဝေးတစ်နေရာကိုငေးပြီး ဆွေးရိပ်ဝေနေတဲ့မျက်ဝန်းတွေနဲ့အတူ မေ့မေ့လျောလျောရပ်နေတတ်တာ တစ်နာရီမက။
တစ်ခါတစ်လေဆို jiminသွားခေါ်လိုက်တော့မှ အသိပြန်ဝင်လာတတ်တာမျိုးလည်းရှိသည်။ တစ်ခုခုတိုက်ဆိုင်မူရှိတိုင်းလည်း မျက်ရည်တွေဝဲပြီးငြိမ်သွားတတ်သေး၏။
အချိန်တွေကတစ်ဖြည်းဖြည်းပြောင်းလဲလို့သွားခဲ့ပေမဲ့ taehyungရဲ့ ဒဏ်ရာတွေကနည်းနည်းလေးတောင်မှ သက်သာပြောင်းလဲသွားခြင်းမရှိခဲ့။

ဗိုက်ပူပူလေးအားကိုင်၍လည်း စကားတွေပြောကာမျက်ရည်တွေကျတတ်သောtaehyung။
သူငယ်ချင်းဖြစ်သူလေးရဲ့ ခံစားချက်တွေကိုအတိုင်းသားမြင်နေရသည့်jiminမှာလည်း စိတ်မကောင်းဖြစ်ရုံမှလွဲ၍မတတ်နိုင်။
ဒါတောင်jiminကမနက်ခုနှစ်နာရီမှ ညနေငါးနာရီထိအလုပ်မှာရှိနေရတာကြောင့် အိမ်မှာတစ်ယောက်တည်းကျန်နေခဲ့သော taehyungရဲ့အပြုအမူတွေအကုန်လုံးကို သိမြင်နေရတာမဟုတ်သေး။

Jiminက City Mart တစ်ခုမှာစာရင်းကိုင်အဖြစ်အလုပ်လုပ်နေခြင်းပင်။
အရင်ကသာမန်အလုပ်သမားလေးသာဖြစ်ခဲ့ပေမဲ့ လုပ်သက်ကကြာလာခဲ့ပြီမို့အလုပ်ရှင်မှ သူ့အား စာရင်းကိုင်ရာထူးတိုးပေးခဲ့ခြင်းကြောင့် အဆင်ပြေပြေနေနိုင်နေခဲ့ပြီဖြစ်သလို တိုက်ခန်းလေးတစ်ခုလည်းအခုချိန်မှာဝယ်ယူထားနိုင်ခဲ့ပြီဖြစ်သည်။

Jimin အလုပ်လုပ်နေရတာကို "မင်းအရမ်းပင်ပန်းလိမ့်မယ် ငါပါအလုပ်ဝင်ချင်တယ်"ဆိုပြီး taehyungကသူပါအလုပ်ဝင်လုပ်ဖို့ပြောလာခဲ့သည်မှာ အကြိမ်ကြိမ်။
ဒီတိုင်းလေးနေတာတောင် တစ်ချိန်ကဒဏ်ရာတွေကြောင့်ပြိုလဲနေတဲ့taehyungက အလုပ်ပါလုပ်မည်ဆိုလျှင် jiminမှာအလုပ်ပင်ပန်းလွန်း၍မဟုတ်ပဲစိတ်ပူလွန်း၍ အသက်ထွက်ရလိမ့်မည်။ အခုတော့ဗိုက်လေးက သိသာအောင်ပူပူလေးဖြစ်နေခဲ့ပြီမို့ အလုပ်လုပ်ဖို့ဆိုတာမဖြစ်နိုင်တော့....။
အဲဗိုက်လေးကိုပဲ jiminမှာကျေးဇူးတင်ရတော့မလို။ ဗိုက်လေးမသိသာခင်အချိန်ထိသူပါအလုပ်ထွက်လုပ်မယ်ဆိုပြီး တဂျီဂျီပြောနေတာ အခုမှထိုအသံလေးပျောက်သွားခြင်းဖြစ်သည်။