= يعنى انا مش هعرف اخرج من هنا
رد واللامبالاه على وشه وقال: لا كان غيرك اشطر
لف علشان يمشي لكن هى مسكت ايده بسرعه وهى بتقوله برجاء: استنى اكيد فيه طريقه ارجع بيها .. انا مش عايزه اكمل بقيت حياتى هنا
رد وهو بيصرخ وبيقول بعصبيه: طالما مش عايزه تكملى باقى حياتك هنا .. جيتى هنا من الاول ليه!!
-----------------------
من ٥٠ سنه. كان ساكن هنا ساحر .. الساحر ده اتعرف واتشهر لدرجة ان الناس كانت بتجيله من كل مكان .. نفوذه زاد واصبح جشع لدرجة انه كان عايز يمتلك الارض كلها . حاول يحارب الناس بسحره .. لكن الناس حاربوه بدينهم .. الناس اللى مش بتؤمن بيه او حتى بأعماله ... الناس اكتشفت ان فيه اطفال بتختفى من القرية ولما بحثوا لقوا انه بيحضر الجن علشان يخلى القريه تحت سيطرته .. وفى يوم ١٨ مارس من ٥٠ سنه هجموا على بيته وانقذوا الطفل وكانوا هيقتلوه علشان يخلصوا الناس من شره .. لكن هو جرى منهم .. وفيه محاوله منهم انهم يمسكوه. نط فى البير وفيه محاوله منهم علشان يطلعوا جثته من البير كان اى حد بينزل مش بيطلع .. وبدأت الناس تقول ان الجن بينتقم من اى حد بينزل .. ولو حد شرب من الميه ديه بيعيش جسد بلا روح .
قلب بينبض على السرير واهله بيتمنوا انه يرجع ..
لكن فى اليوم اللى جيه فيه هنا الساحر الناس بتقول انه كان يوم خير على القرية .. ولما بيجى يوم ١٦ مايو. الناس بتكون محضره عمله من حديد بيلفوا عليها ورقة مكتوب فيها امنيه من امنياتهم وبيرموها فى البير وسط احتفال من الكل .. وبيقولوا ان الساحر بيحقق الامنية. لكن مش كل الناس بتتحقق امانيها يا بنتى
قمر: كل ده يا تيته علشان منلعبش عند البير
_ اه يا قمر .. انتى ونجمه مينفعش. تقربوا منه .. متفضلوش. كل شويه تروحوا هناك وتلعبوا
قمر:حاضر يا تيته
نجمه: ماشي يا تيته
الجده: اسمعوا الكلام ومحدش يلعب هناك ... روحى شوفى اخوكى وناديه علشان ياكل
نجمه بفرح وهى بتجرى: حاضر يا تيته
---------------------
قمر: يعنى يا تيته محدش رجع خالص
هزت رأسها بنفى وهى بتقول بتأكيد: لا ...محدش رجع ومحدش هيرجع .. ده بير ملعون واللعنة بتصيب إللى بينزل يا قمر يا بنتى
سندت على العصايه وهى بتقوم وبتنادى: يا رحاب خلصتى الغدا زمان جوزك على وصول يا بنتى
__________ بعد٥ سنين______
قمر بتفكير وهى قاعده عند باب البيت : تيجى نلعب يا نجمة
نجمة وهى بترسم قلب بعصاية صغيره على الارض: نلعب ايه !!؟ تيته قالت منبعدش ومش عارفه ممكن نلعب فين
قمر قامت من مكانها: زى ما كنا بنلعب زمان عند البير ... يالا
نجمة بقلق:لا تيته قالت بلاش
قمر: تعالى نحط طوب وننط عليه
نجمه: بلاش يا قمر .. علشان تيته
قمر:انا عايزه العب يا نجمه .. وهبدا دلوقتى
١.٢.٣
وبدات تلعب ونجمه تلعب معاها بفرحه
قمر : دورى انا يا نجمه
اللعبه كانت عبارة انك بتنط على طوب الأطفال حاطينه بطريقه معينه بحيث تكون النطه الاولى على صخره والثانيه على خشبه على البير اهل القريه حاطيناها كوسيلة للامان والثالثه الحافه الثانيه للبير
بدا دور قمر للمره الثالثه وغمضت عينها وهى بتلعب وبدات نجمه تعدلها ١.٢
فجاءة الخشبه اللى كانت على البير اتكسرت و وقع منها قمر
بصت نجمه لشكل الثقب اللى اتكون من الكسر وهى بتنظر للبير وبتنادى على اختها والدموع نازله من عيونها لما ملقتش رد
...
دخلت جوا وهى بتعيط .. والدها و والدتها بصوا عليها وسألوها: فين قمر يا نجمه؟
نجمه بعياط مستمر: وقعت فى البير يا بابا
صرخت الام والجده. والاب خرج
اتجمع اهل القرية كلهم على صريخ الجده والام .. الاب فضل يبص على قمر بس مفيش صوت او شكل ليها
مسك الخشبه و رماها على الارض وهو بينادى بعلو صوته لكن مفيش رد
YOU ARE READING
بئر كندراش
Fantasíaواحد .. اثنان .. ثلاثه .. كانت بداية فقدان اعز ما تملك .. ثم فقدت كل ما تملك لم يعد لديها غير الحزن الذى استوطن قلبها .. لكن للقدر راى اخر ليعيد لها بعض الامل من جديد .. ماذا عن النجوم؟ هى النجمه التى تضي حياة كل من يدخلها حتى لو كانت...
