بئر كندراش

الفصل الثلاثون

#الفصل_الثلاثون

ظهرت ماندريانا وهى بتتلفت حواليها وهى عند القصر .. شافها واحد من خدم القصر المسئولين عن الحراسة ..فمسك ذراعها وهو بيقول بصرامة: من انتِ ! ولماذا أتيتِ إلى قصر الملك ..
بصتله ونظراتها إتحولت لرعب وهى بتبلع ريقها بصعوبة قالت بخوف: انا .. انا جئت لأرى صديقتى !!
_ صديقتك من!!
ماندريانا: الملكة قمر .. انا اعرفها جيداً
ساب ذراعها فأتنهدت براحة وهى بتبصله ..بعدها إتكلم: ومن أين تعرفيها !!؟
ماندريانا: هى صديقة لى مُنذ زمن .
هز رأسه بإقتناع لعلمه إنها كانت عايشة فى الأرض قبل ما تتزوج الملك وتعيش فى القصر ..وقف عن جناحها وهو بيكلم الخدم اللى واقف هناك بإنه عايز يكلمها .. لكن الخدم رد بإنها مش موجودة داخل الجناح
_________________________

إبتسم الملك فهد وهو بيعرض عليها الزواج من فارس .. فضل دقيقه مستنى ردها .. لحد ما رفعت رأسها وبصت لقمر اللى كانت واقفه على جنب وبعد كدا بصت للمك فهد وقالت: موافقة جلالة الملك.
إبتسم الملك فهد بإنتصار وهو بيحرك عيونه اتجاه راناش اللى وقف وهو بيبص على نجمه بغضب .. لاحظ راناش نظارات الملك ليه فحاول يتصنع الإبتسامة وقال: تهانينا لأميركم .
سلط عيونه على نجمه بغضب .. فأبتسمت بلامبالاة وتحدى .
حرك الملك عيونه اتجاه قمر وهو بيهز رأسه بمعنى علشان يخرجوا من المكان .. إبتسمت بمُكر وهى بتقرب بخطوات هادئه اتجاه نجمه وبتحضنها وبتقول بإبتسامه: تهانينا يا اختى العزيزة .
إبتسمت للملك فهد وقالت: أرجو أن يُشرفنا الأمير فارس قريباً ..
هز الملك فهد رأسه بتأكيد وقال بإبتسامة : بالطبع هذا سيحدث ، يجب أن يرى عروستنا.
بص الملك فهد لراناش وقال: اتمنى أن تسكن نجمه هُنا فى القصر لحين ذهابها لأرضي .
هز رأسه بالموافقة وهو بيبص لنجمه وقمر بغضب ..
إبتسمت قمر وهى بتستأذن للخروج هى ونجمه.
قعد الملك فهد والملك راناش على العرش .. وبدأ الملك فهد يتكلم فى أمور الزواج ..

* فضل الخادم واقف أمام جناح الملكة قمر مستنى إنها تيجى .. ظهرت قمر ومعاها نجمه ..إنحنى إحتراماً وهو بيقول: مرحباً أيتها الملكة .. توجد فتاة فى الأسفل تقول إنكِ صديقة لكِ.
بصت نجمه لقمر بإستغراب وبعدين بصت ليه وقالت: إذاً فلتأذن لها بالدخول.
دخلت قمر جناحها ومعاها نجمه .. سرحت نجمه وهى بتفتكر اللى حصل معاها اول ما الملك خرج

* قمر بقلق وهى بتبص على وش نجمه: إيه اللى حصل ... وشك بهتان ليه!!
قعدت نجمه بخمول على السرير وقالت: الملك .. احتجزنى فى سرداب القصر ..وخرجنا النهارده علشان فارس طلبنى للزواج ..
قمر: وانتِ ردك إيه!!
نجمه رفعت رأسها لقمر: انا مش عايزه ارجع السرداب تانى .. الملك طلب منى أرفض .. وبعدها هيرجعنى السرداب..
قمر: وافقى يا نجمه .. الملك مش هيقدر يعملك حاجه لو وافقتى ..
نجمه بحزن: هيأذيكى انتِ وبابا .وقفت قمر وبدأت تمشي فى الجناح .. هى عارفة إن الملك مش هيأذيها لكن ممكن يأذى والدها ..بصت لنجمه تانى وهى بتقول: اطلبى من الملك فهد إن بابا يروح معاكِ الأرض .. والملك مش هيقدر يعملِ حاجه
وقفت نجمه بخوف وقالت: انا خايفة عليكى ، الملك اتغير وممكن يعمل اى شئ فى سبيل العرش بتاعه ..خصوصاً
قمر بإستفهام: خصوصاً إيه!!
نجمه: خصوصاً إن عرفت إن والد الملك عايش
______________________________
* عند شغل أسر
فتح الموبايل ودخل على الواتس وهو بيشوف الشات .. شافها اونلاين .. كان مستنى منها اى رسالة .. قفل الموبايل تانى وهو بيرجع ظهره لورا على الكرسي وبيبص للسقف ..
شد جاكت من قدامه وحط فيه الموبايل وهو بيخرج علشان يشوف شغله ، ركب العربية مع زمايله وفى الطريق فتح الموبايل تانى وهو بيدور بعينه فى الشات على إسمها.. دخل على الشات بتاعها وكتب: إيه رأيك فى شغل الشركة الجديد!!
ظهر عندها إنها شافت الرسالة وبعدها ظهر إنها typing"يكتب"
إبتسم وهى مستنى ردها لحد ما وصلت الرسالة: اه كويس.
عمل لايك على المسدج وهو بيحط التليفون على تابلوه العربية .. ضحك سيف صديقه اللى كان مركز مع أسر وهو بيضحك: بدأنا نهتم ..
بصله أسر وإبتسم وهو بيقول: تقريباً هى ماشية بمبدأ غير مبدأ البنات التانيه ..
ضحك سيف : شكلك هتوقع وقعه مطينة..
هز أسر رأسه بالنفى وقال: لا ديه طيبه ..عموماً اجهز انت ومصطفى علشان هروح لأهلها كمان اسبوع .. إستأذنت من اللواء رأفت وقولتله عليكم أنتوا كمان .. وقالى إنه مستعد يروح معايا بردو
سيف: إبسط يا عم اللواء رأفت بنفسه هيروح معاك ..ده أنت مُرزق ...
إبتسم أسر إبتسامة جانبية وهو بيفتكر نجمه زمان لما كانت تقوله بضحك " نفسي افرح فيك وأشوف تعيسة الحظ"
طلع المحفظه من جيبه وهو بيبص على صورة ليها كانت هى اللى حطتها بنفسها فى مره قبل ما يروح الشغل ووعدها إنه يحتفظ بيها .. غمض عيونه وهو بيحاول يفتكر التفاصيل وبعدين فتحها وهو بيرجع المحفظه لجيبه تانى .. لاحظ سيف شروده وكان عارف السبب لإنه كان متابع الموقف .. فضل ساكت طول الطريق وبعدها وقف العربية وهو بيقول: وصلنا
________________________
* فى قصر الملك

قعدت ماندريانا جنب نجمه وهى بتقول: انا كنت خايفه اجى بس كان لازم .. أدم قلقان عليكى اوى .
نجمه : هو كويس ..
هزت ماندريانا رأسها بالنفى: لا .. كل يوم يقعد يسأل عليكى خدم القصر ..بيجى يتكلم معايا إنه مش عارف يقعد فى الكوخ من غيرك ..
إبتسمت نجمه بحزن وهى بتمسك إيده ماندريانا وقالت: قوليله إنى بخير .. الملك كان حجزنى فى السرداب وخرجت بشرط .. حالياً مش هقدر اخرج من القصر .. لكن هحاول اخرج أشوف ادم ..
قلعت سلسلة من على رقبتها .. منقوش عليها أسمها وهى بتديها لماندريانا : إديها لأدم وقوليله من نجمه .. إبتسمت ماندريانا وهى بتاخد السلسلة من إيدها وبتقوم علشان تمشي .. ودعتها نجمه وهى بتوصلها لحد باب القصر علشان مفيش حد من الخدم يزعجها
رجعت تانى جناح قمر وفتحت الباب وهى بتنادى عليها وبتضحك ..لكن ضحكتها إتلاشت لما شافت الملك واقف مع قمر
__________________________
خرجت ماندريانا من القصر وقعدت عند شلال موجود على مسافة من قصر من الملك .. كانت السلسة فى إيديها ومنقوش عليها إسم نجمه .. عيونها دمعت وهى بتفتكر لهفة أدم على نجمه من وقت ما أختفت .. نزلت دمعة من عيونها على الإسم المنقوش وهى بتفتكر كل حاجه عملتها مع أدم علشان تعترف بحبها ليه .. لعنت فى نفسها اليوم اللى عرفت فيه ادم على نجمه مسكت السلسلة وكانت هترميها فى الشلال لكن إترجعت على اخر لحظه وهى بتمسح دموعها وتقوم .. وقفت وهى بتمشي اتجاه كوخ أدم علشان تبلغه باللى عرفته عن نجمه

* فى كوخ أدم
كان قاعد وماسك ورقة وقلم وهو بيحاول يرسمها .. يأس من محاولة رسمها خصوصاً إنه مش بيعرف يرسم .. رمى الورقة فى القمامة وقام علشان يرتب مكان نوم نجمه للمرة الثالثه فى اليوم علشان لو جت فى أى وقت ..
سمع صوت الباب ففتح وكانت ماندريانا دخلها وقعد بيأس على الكرسي وقعدت ماندريانا قصاده وهى ملاحظه شحوب وشه وملامحه اللى أصبحت بهتانه
إتكلمت وهى بتراقب ملامح وشه وقالت: انا قابلت نجمه
رفع وشه وظهرت عليه إبتسامة وقرب وهو بيقعد جنبها وبيقول: وقالتلك إيه!!
إبتسمت: الملك كان احتجزها فى سرداب القصر وخرجت وهى حالياً مع الملكة قمر .. طلعت من شنطتها السلسلة وقالت: بعتتلك السلسلة ديه ..
مسك السلسلة بسعادة وهو بيفتكر إنها كانت هدية منه ليها .. إتكلم وقال: مقالتش هترجع امتى!!؟
نزت رأسها بالنفى وقالت: لا .. بس قالتلي هتحاول تخرج علشان تشوفك..
حضن أدم ماندريانا وهو بيقول بسعادة: شكراً ليكى جداً، شكراً يا ماندريانا ..مش عارف من غيرك كنت هعمل إيه ..
إتفاجئت ماندريانا خصوصاً إن اول مره أدم يُحضنها .. ربتت على كتفه وقالت بحزن : اهم حاجه سعادتك يا أدم
__________________

* بعد ٣ ايام
كان فيه واحد من خدم القصر بينادى فى الأرض: يا سكان الأرض .. خُطبة الأمير فارس على الأميرة نجمه اخت الملكة قمر بعد يومان .. والجميع مدعو للحضور .

#نورهان_إسلام
#بئر_كِندراش
#ما_رواه_قلمى📜

#دُمتم_سالمين

رأيكم فى البارت .. إيه اكثر ثنائي عجبكم !!؟