Light Up The Spark

Chapter 36

Connect

"They're here!" Malakas na pag-anunsyo ni Yani nang namataan kaming papasok sa café niya.

Last week pa itong pag-invite niya sa akin sa café niya pero dahil may work sa weekdays, ngayon palang ako nakapag-bisita.

She went out from the island counter to welcome us. Napalingon rin tuloy sa amin ang ibang mga customers na kumakain dahil sa extra na pag-welcome sa amin.

"Hi, Aly!" She greeted me, barely noticing Caden beside me. "Tara, nandoon sila." Pag-aya niya at hinila ako patungo sa isang table.

Nakilala ko si Attorney Liya na nakaupo, may mga kasama. Si Benj, yung coach, kasama iyong si Finn na may sinisilip sa pastry shelf.

Tinapik ni Caden ang balikat ko pagkatapos ay dumeretso siya sa may cashier kung nasaan si Vini, ang best friend niya.

"This is Asher." Yani introduced two more of their friends when we arrived at their table. "And this is Serena, his girlfriend."

Ngumiti ako sa pareho at kumaway, I even nodded at Liya to acknowledge her.

"This is Aly." Yani told them. "Caden's -"

Before she could finish, Asher cut her off. "Girlfriend? Finally." Nangingiti niyang sabat.

Siniko siya ni Liya. "Hindi pa kasi." Medyo mahina niyang sinabi.

"Ah, hindi pa." Napakamot sa ulo si Asher. "Friend kasi ang ibig sabihin ko. Friend na babae."

"Plus one kasi ang sasabihin ko." Natatawang dagdag ni Yani.

I just shook my head and laughed too. On our way here, Caden's already given me multiple disclaimers about how loud and shameless his friends could be.

Bumalik sina Benj at Finn at nakipag-kumustahan. I barely had time to check out the interiors of the café because they kept on looping me into conversations.

Tinawanan ko lang si Caden kanina nang sinabi niya ang disclaimer tungkol sa mga kaibigan niya but seeing them now, they are indeed a loud group! Not in a bad way though, it's fun.

"Oh wait, I almost forgot." Yani suddenly said. "Caden said your favorite is strawberry cheesecake, so I made one today."

My lips parted. Nag-abala pa siya! Another thing, hindi ko ineexpect na maalala ni Caden iyon. As I said, I never saw him as someone that remembers little things.

Napasulyap tuloy ako sa kanya. Seryoso niyang kausap si Vini, may itinuturo yata dahil abala ang mga daliri niya sa pag-pindot sa POS screen.

Yani came back bringing a whole round strawberry cheesecake. Sa likod niya ay may sumunod na nag-serve ng pasta meals namin.

Tinawag niya rin ang ibang mga kaibigan para makapag-lunch na kami.

May mga bakanteng table pa naman sa café pero hindi ko alam kung bakit pinagkasya namin ang isa't – isa sa iisang table.

Malaki naman ang space sa may sofa area, kaya nagkasya parin kaming lahat. Si Liya, Serena, Ash at ako ang nasa looban, sa may sofa. Katapat naman namin sina Yani, Vini, Caden at Finn. Si Benj naman ay nasa kabisera at nagdagdag lang ng upuan dahil doon nalang ang may space.

"Thank you so much, Yani. Nag-abala ka pa." Nahihiya kong sabi, tinitingnan ang masasarap na pagkain sa harapan namin.

Kakaupo niya lang ulit galing sa paghati ng cake.

"No worries, Aly. Feel at home." She smiled.

"Hindi yan abala para sa kanya." Sabi ni Ash na nagsimula nang kumain ng pasta.