أكملت بسنت ذلك بسؤالها عن باقي المعلومات والبيانات التي من الممكن أن تساعد في التحقيق ..
بسنت : أي باقي المعلومات طيب ..
مروان : إنه عنده بوليصة تأمين علي حياته بقيمة مليون دولار
شمس : وفي حالة موته البوليصة بتتكسر وتروح للورثة
بسنت : اللي هما مراته وابنه
يوسف : وفي الحالة دي مراته هتقتله عشان البوليصة ..!! انتم مقتنعين باللي بتقولوه , وهتعمل كده ليه اصلا
بسنت : كلام مراته وصاحبه متطابق تماماً , كأنهم حافظين نفس الجملة , ممكن يكونوا اتفقوا علي تنفيذ الجريمة بس لازم نلاقي دليل يثبت كلامنا و اكيد الدليل هيكون في بيت صاحبه لان مستحيل يكون في بيت القتيل .. احنا محتاجين نروح بيت صاحبه ..
يذهب يوسف وبسنت إلي منزل صديق القتيل ..
ويفتشان ولكن لا يجدان أي شيء ..
يوسف : مفيش أي دليل علي اقتراحك إنه فعلا اتقتل ..
بسنت : أنا هروح تاني لمرات القتيل , المرة دي هنتفق علي خطة بس ننفذها بالحرف يا يوسف ..
في اليوم التالي تذهب بسنت إلي زوجة القتيل ..
بسنت : أنا اسفة علي الازعاج بس فيه حاجات كتير نناقشها
زوجة القتيل ( نغم ) : الاسئلة بخصوص إيه , أنا قولت كل اللي عندي في التحقيقات
بسنت : عايزة استفسر منك علي طبيعة علاقتك بزوجك , هل كان شخص كويس معاكي , كريم أو بخيل , عصبي أو حنين ..
نغم : أعتقد إن دي اسئلة خاصة , مقدرش أجاوبك عليها ..
بسنت : أنا ممكن أجيب إذن من المحكمة بإنك تجاوبيني , لكن أنا بتكلم بصفة غير رسمية ..
نغم : أنا معرفكيش عشان أثق فيكي واتكلم معاكي في حاجة خصوصية كده ..!!
بسنت : لكن ده هيفيدنا جداً إننا ندين مرات القتيل التانية بالقتل العمد ..!
نغم : مرات القتيل التانية ..!! أدهم متجوز عليا ..؟!!
بسنت : أنا افتكرتك عارفة .. وبالمناسبة هي كمان هتطالب بالمشاركة في الورث ..
نغم : طيب للعلم هو أصلا انسان بخيل في كل حاجة عارفة البخل مش بخل مادي وبس بخل في عواطفه في انه يكون حنين في قلة اهتمامه , مش بس كده , كمان كان اناني ومؤذي , وكل ده تحملته سنة ورا التانية لحد ما جيه ابني وليد , أدهم بقي أسوأ من الأول وزادت انانيته , وراح عمل بوليصة تأمين علي حياته في الوقت اللي كان ابنه فيه محتاج لعملية مهمة , مكتفاش أدهم بكده كمان قفل كل حساباتي في البنوك وأخد كل فلوسي , وفي يوم وليلة صحيت مش عارفة أعمل اي واصرف علي ابني إزاي , ومفيش أي اثبات أقدر ادينه بيه , اعتقد انه اخد جزاءه بغض النظر عن كونه انتحر أو اتقتل ..
بسنت : يعني موته مش مأثر فيكي ..
نغم : عايزة توصلي لإيه , وقت وقوع الجريمة أصلا أنا كنت عند بابا واللي طبعاً المسافة بين بيته وبين بيتي 8 ساعات يعني مستحيل أكون دخلت قتلت ادهم ورجعت علي بيت ولدي واتصلت ببيتي من بيت والدي في نفس الوقت ..!
بسنت : عندك حق , بس أنا مش بقول انك انتي اللي قتلتيه , بس ده ميمنعش انك بردو طرف مدان في الجريمة , أو ممكن نقول مخطط الجريمة ..
نغم : أنتي بتقولي ايه ..!
بسنت : طيب , إيه رأيك في السيناريو ده , تخترعي خناقة ما وتسيبي البيت , تتفقي مع صاحب القتيل بأنه يروح للقتيل ويقتله في بيته , تتصلي من بيت والدك في نفس الوقت اللي القتيل فيه بيكون بيلفظ انفاسه الاخير وأكيد مش هيرد , تبعدي الشبهات عنك , وتصرفي بوليصة التأمين علي حياته ..
نغم : سيناريو جميل , لكن محصلش منه اي حاجة غير في مخيلتك , صحيح أنا فعلا شايلة من أدهم كتير لكن مش لدرجة اقتله , وبالمناسبة أنا وصاحب القتيل ( وليد ) مفيش أي تواصل بينا عشان أقنعه بحاجة أو أخليه يقول نفس كلامي في التحقيق ..
بسنت : ومين قالك ان وليد قال نفس كلامك في التحقيق
نغم : أكيد متوقع طالما بتقولي كنا متفقين علي قتله ..
بسنت : بس أنا مجبتش أي سيرة عن أننا حققنا مع وليد وقال نفس كلامك , بالعكس وليد اعترف بكل حاجة في سبيل تخفيف العقوبة عليه وبالتالي انتي الوحيدة اللي هيكون عليكي اقصي عقوبة
نغم : كذب , مفيش حاجة من كده حصلت , ووليد بيكذب , مستحيل اعمل كده
بسنت : شكراً يا نغم علي حسن تعاونك معانا , لكن انا اسفة لازم يتم القبض عليكي
نغم : أنا معملتش حاجة
يدخل يوسف ومروان وشمس ويقبضون علي نغم ..
يوسف : دلوقت انتي قبضتي عليها , هل هي القاتل ..!
بسنت : لا يا يوسف , القاتل مش نغم لأن الجريمة دي مش جريمة بدافع نفسي كونها اتعرضت لإيذاء نفسي بسبب أدهم وبعد ما قعدت معاها وضغطت عليها نفسياً بحيث أوصل لمكنون نفسها إتأكدت انها شخصية غير مؤذية بالمرة ومستحيل تكون مرتكب الجريمة , ولا وليد كمان لأنه قال نفس كلام مرات القتيل مع أنهم متكلموش مع بعض وده بيأكد إن فيه طرف تالت حلقة وصل بين صاحب القتيل ومراته وهو ده القاتل .. شخص مش ظاهر في الصورة .. وهيبدأ يتصرف بطبيعته بعد ما يطمن انه مش مدان دلوقت وفي قاتل مقبوض عليه عندنا ..
يوسف : طيب وشاكة في مين ..
بسنت : حد ليه مصلحة في موته .. وقريب منه وبيثق فيه القتيل زي ما بيثق في مراته وصاحبه ..!
يوسف : مين الشخص ده ..!
بسنت : هيظهر في الايام الجاية وخصوصاً في جنازة القتيل .. الشخص ده بيتبع مبدأ شيطاني اسمه الغاية تبرر الوسيلة , وهنا غايته كانت المال في المقام الأول , أما الوسيلة فكانت القتل كونه الطريقة الوحيدة عشان يوصل ليه في اعتقاده , ومن تحليل شخصية القتيل وانه شخص بخيل , القاتل ملقاش حل قدامه غير كده , كونه لو لجأ للقتيل مكنش هيساعده وهيستغل احتياجه .. القاتل فيه دافع مادي خلاه يلجأ للقتل ..
أتي الكثير من الحضور في جنازة القتيل , وكذلك القاتل الحقيقي الذي تتأكد بسنت يوماً بعد يوم أنه هو ..
أغلقت بسنت باب المنزل علي الحاضرين في الجنازة ..
يوسف : دلوقت عندنا خبر لازم نبلغ بيه ..
بسنت : احنا عرفنا مين القاتل الحقيقي .. والسيناريو كان كالآتي .. القاتل ده في ليلة الجريمة أتي للمنزل وهو عارف كويس ان مفيش حد موجود فيه , دخل وأعطي القتيل مخدر , وبعدين شاله ولأن القتيل وزنه ثقيل ده أدي لضرر في خشب السرير مع حمل القتيل وبالتالي القاتل راجل مش ست وراجل عنده بنيان قوي يخليه يقدر يشيل القتيل ويحطه علي حبل المشنقة ويحط كرسي تحت رجليه عشان يزول مفعول المخدر , وبعدين يشوفه القتيل للمرة الاخيرة ويدور بينهم حوار وينتهي بانه يشيل الكرسي من تحت رجليه ولأنه اتوتر من الشجار اللي حصل بينه وبين القتيل ينسي يحط الكرسي مكانه في الصالة فيركنه في احد اركان الغرفة , وينزل بسرعة يروح علي بيته وينام ويصحي الصبح يثبت انه كان نايم طول الفترة دي وانه مخرجش من بيته ..
ينظر الجميع بغرابة ويتصبب القاتل عرقاً ..
مروان : القاتل عنده دافع في موت ادهم , وهو انه ياخد الفلوس , صحيح هي بطريقة غير مباشرة لكن كان لازم يتصرف بسرعة لأنه عليه ديون وشركته بتنهار ..
أنت تقرأ
بسنت
Korkuسمعت بسنت ذاك الصوت من بعيد.. نعم انه يشبه صوت طفلها الراحل..!! ولكن كيف.. ؟! ذهبت لترى من هو..، فنظر لها يوسف بتمعن وقال لا تستجيبي للأصوات..، هذا الصوت ليس أبنك تعلمين ذلك يقيناً ما هو إلا...
