استكمالاً لما حدث بالأمس مع بسنت ..
بحثت بسنت عن الرموز بداخل ذاك الخاتم ولكن لم تصل إلي شيء بعد يفيدها في حل شفرة تلك الأمور مما دفعها إلي الذهاب إلي النوم فقد تخطت الساعة الثانية بعد منتصف الليل .. كيف مر الوقت سريعاً هكذا ..!!
بينما كانت بسنت تمشط شعرها في غرفة نومها .. لمحت في المرأة امراة ذات رداء أبيض وشعر أسود كثيف تقف في زاوية الغرفة ورأسها مائلة إلي الأرض تنظر ولكن عندما نظرت خلفها لم تجد أي شيء وعندما نظرت إلي المرأة مرة أخري لم تجد أي شيء .. ذهبت للنوم كونها اكتفت تلك الليلة من الأمور الغريبة التي تحدث معها ..
وفي صباح اليوم التالي ذهبت بسنت إلي العمل ومعها الأدلة .. أجتمع الفريق للتحدث عما توصلوا إليه ..
بدأ مروان الحديث ...
مروان : البيانات اللي وصلتوا ليها لحد دلوقت كافية عشان نحدد مكان الجثة المفقودة ؟
يوسف : للأسف المعلومات المتاحة عندنا توهتنا أكتر ..
شمس : أنا توصلت لتاريخ المنزل من السجلات ومين كان مالكه من البداية ..
بسنت : أنا توصلت لأمور أغرب .. الصندوق ده فيه صور لناس الغريبة إن كلهم نايمين في الصور ومكتوب علي الصندوق جملة أغرب ..!! هل ممكن يكون ليهم علاقة بالجثة المفقودة ..؟!
مروان : بسنت .. الناس في الصور دي مش نايمين .. دول أموات ..!
بسنت : مش فاهمة , وهيصوروا ناس أموات ليه , كمان ليه يجتمعوا في صندوق واحد وأيه السر اللي يجمعهم ..!
مروان : كل اللي أعرفه أنها كانت عادة قديمة وأندثرت بعد كده , لكن من الواضح انها مندثرتش زي ما كنت معتقد بدليل الصور دي ..!
بسنت : ننتقل للغرض التاني .. اللوح ده غريب جداً , الخريطة دي مكنتش مرسومة قبل كده لكن دلوقت هي مرسومة , طريقة اكتشافي لطريقة رسمها أغرب .. اترسمت بالدم ..!
يوسف : القضية دي كل شوية بتزيد غرابة , كأنها مش قضية اختفاء وبس لشخص , الموضوع أكبر من كده بكتير ..
شمس : دايماً القاتل بيكون عنده دافع نفسي للقتل , محتمل يكون القاتل هنا عنده اعتقادات دفعته للقتل ..!
بسنت : احنا محتاجين نروح بيت الجريمة تاني , أكيد هنلاقي أدلة أكتر ودلوقت معانا خريطة ..!!
مروان : لكن إحنا مش عارفين إذا الخريطة دي للبيت ولا لمكان تاني ..
شمس : بس إحنا عشان نتأكد لازم نروح البيت الأول ونشوف إيه هيحصل ..
يوسف : فعلاً لازم نروح ونشوف ..
مروان : شمس , كان عندك معلومات عن تاريخ البيت .. عرفيها لينا ..
شمس : البيت في البداية كان ملك لمواطن أجنبي اشتري الأرض دي وبني عليها المنزل من 30 سنة , وبعد فترة أختفي في ظروف غامضة وبالتالي راح ورث المنزل ده أخوه اللي باعه لمواطن محلي بعد 5 سنين , وبعد 20 سنة اشتري المنزل ده الضحية اللي احنا بندور علي جثتها واللي اختفت بعد مدة من شراءها للمنزل , بعد موت جوزها وابنها اللي كان عمره 5 سنوات وتحديداً بعد موتهم بحوالي سنتين ..!!
بسنت : غريبة , ابنها من عمر ابني نيسان , والأغرب كمان أنه أتوفي هو وابني في نفس العمر ..!!
أنت تقرأ
بسنت
Horrorسمعت بسنت ذاك الصوت من بعيد.. نعم انه يشبه صوت طفلها الراحل..!! ولكن كيف.. ؟! ذهبت لترى من هو..، فنظر لها يوسف بتمعن وقال لا تستجيبي للأصوات..، هذا الصوت ليس أبنك تعلمين ذلك يقيناً ما هو إلا...
