انا أسمي غاده وحنحكلكم علي يلي صار معايه من موقف غير حياتي كامله لكن قبل كل شي تعرفو علي عيلتي بختصار وهي تتكون من: طبعا جدي توفه من قبل ما يجوز بابا ماما😄يعني من زماااان وجدتي توفت لما كان عمري 4سنوات يعني ماندكرهاش هلبا طبعا جابو:
*عمي "سلطان" الكبير يخدم في شركه العائله هو وعمي جلال وحتي بابا كان معاهم، مرته إسمها "نجود" *خالتي* متخرجه من الاقتصاد لكن ما تخدمش وعندهم-التؤم البنات "ملك " و "ميس"عمرهن 18سنه أوله جامعه هنا الاثنين نفس التخصص طب وجراحه الفم والأسنان نفسي انا 😁
وبعدها ولد"فارس"عمره17سنه ثانيه علمي يقره🙂
*عمي "جلال"نفس عمي سلطان متخرج من الاداره ويخدم في الشركه متاع العائله مرته"مرام" متخرجه من كليه التربيه وما تخدمش حتي هي 😑طبعا عمي جلال مجوز قبل بابا وعمي سلطان، عنده من الاولاد كالتالي:-
القهر "عمار "توه تعرف علاش قهر عمره23 سنه تخرج السنه هدي من كليه الاداره 😒وبيخدم في الشركه
وبعدها"ضرار "عمره 20سنه يقره في كليه الهندسه
بعدها بنت "ساره"عمره18سنه اول سنه في كليه اللغات قسم إنجليزي
بعدها "محمد" عمره 5 سنوات يقره كيجي ون 👦
*بعد عمي جلال بابا"عبدالله"متوفي هو وماما "نور"في حادث لما كان عمري 10سنين طبعا ماما وخويله نجود مرت عمي سلطان خوات لانه عمي وبابا إجوز مع بعضهم وخدو خوات وعندهم :-
"غاده" يلي هي اناربي يحفظني😌بس بعد ما توفه بابا وماما عشت عند عمي سلطان وخويله نجود لانه جدودي الاربعه متوفين بات ماما وامها وبات بابا كيف ما قلت وامه وما عنديش إلا خاله وحده وهي نجود وخال "كمال "وعنده ثلاث عيال كبار "واصف"25سنه "سيف"22سنه و" عمر " 20سنه ،خليني منهم توه أنا نقره مع ملك وميس في نفس الكليه طب وجراحة الفم والأسنان اصلا انا ويهن كيف التؤم ديمه مع بعضنا☺😍😘
*بعد بابا عمتي" فاديه " مجوز طبعا متخرج من كليه الصحه العامه رجلها اسمه"حسام" تاجر كبير في البلاد تاجر عمله وذهب قاري معهد مش عارفه شنو🙄😌نسيت المهم معهد وخلاص. عندهم : بنت "أحلام" عمرها20سنه تقراء في الصيدلة
بعدها بنت"حنين"عمرها19سنه تقراء في التخدير
بعدها ولد"مجد"17سنه إنداد فارس مع فارس ثانيه علمي
وهدي عيلتي يسكنو عمامي الاثنين جلال وسلطان في نفس الصور لكن كل واحد والفيله متاعه حتي متاع بابا قعده طبعا متاع بابا اصغر فيله فخلوها كيف الملحق يجمعو فيه شباب العيله وبنسبه لعمتي فاديه فمش بعيد من علينه واجد في نفس المنطقه وانا كيف ما قلت عشت مع عمي سلطان وخويله نجود ومش مقصرين معايه ابدا إعملو فيه كيف عيالهم ☺لكن مهم إكون مشتاقه لبابا وماما😔
طبعا بطلة الروايه غادي 😌والبطل توه تعرف من بعدين 🔥
في هلبا شخصيات أخره ليها دور لكن خليها مع السرد🙂
______________________________
طبعا هد تعريف بشخصيات في البدايه إتلخبط في الاسماء لكن حتنسجمو بعدين 😊وكان فيه خطأ إملائي ديرو الحوله نكتب فيسع وما نرجعش 😊
قراءه ممتعه للجميع،روايه {أحببتك فأحبني غيرك}روايه رقم1 بقلم :🖤Soma Alsideek🖤
