أسف علي التأخير ☺النت ضعيف😩😢
.................Soma Alsideek
أصيل: خيرك صوتك تعبان🤨
ملك : لا عادي غير مش راقده
أصيل: ملك منسألك ونبيك تجوبي بصراحه وفتح الميك بيش يسمع هيثم لانه شيرله يفتح يبي يسمع
ملك: اسأل
أصيل: صح غاده مريضه وعندها ورم
ملك😳😲 : تمت ساكته مش عارفه شن تقول هي وعدت غاده ماتخبراش لانه اصيل صاحب هيثم
أصيل: ملك ردي الكلام صح ولا غلط
ملك: وانت من قالك 😟
أصيل: ولد عمك ضرار
ملك تمت تبكي😭 : ايه مريضه لكن ماتخبرش هيثم لانها خلتنا نوعدوها مانخبروشي😢
هيثم مصدوم صدمه مش مفهومه خد التلفون من أصيل : علاش مايخبرنيش😡 وهي كيف حاله توه كويسه ولا 😟
ملك إنفجعت من هيثم يلي قعد يدوي وماقدرتش تتكلم😱
هيثم: ردي عليا غاده شن صارللها 😡
ملك: هي هي قالت محد إخبر هيثم
هيثم: علاش ومن امتي عندها الورم
ملك: يوم شلنها مراجعه عرف الدكتور ان عندها ورم علي الدماغ
هيثم :هي قالت ما فيها شي قالت عندها هبوط مش ورم😟😢
ملك وهي تبكي😭 : هي قالت هكي بيش ماتعرفش غاده دارت هكي علي شانك انت😭
هيثم: كيف علي شاني كيف فهميني😡
وأصيل يسمع بس وواجعه هيثم ووجعته غاده ويبي يفهم عليش هدي كلا😔😟
ملك: غاده تحبك وماتبيكش تزعل عليها هيثم: غاده ماتحبنيش غاده تحب عمار وانا يلي نحبها مهم دارت 😔
ملك بعصبية ودفع علي غاده😭😡: انت بيش تفهم يا غبي اه غاده قلتلك هكي بيش تكرها وتسيبها ماتبيكش تزعل او تتوجع معها ولا تتعلق فيها غاده يلي تقول عليها ماتحبكش إتكمل في جلست الكيماوي تبكي وتقول سامحني يا هيثم غاده يلي ماتحبكش متعدبه بلاك لكن إتقول هكي خير بيش لما نموت مايزعلش ويتعدب عليا غاده إتقول انا منستهلش هيثم يلي خلاني ديمه فرحانه ويلي علمني نحب صاح يزعل عليا هدي غاده يلي تحب هيثم مش عمار وهي تبكي 😭😭😭غاده حباتك لدرجه انها تحملت الوجع في قلبه يلي يبيك ومحتاجتلك لكن ماتبيش إتشوفك تتعدب معها وهي تتعدب كل يوم هدي غاده😭😭😭
هيثم قعدا دموعه 😢ينزلا لما سمع كلام ملك خدا منا أصيل التلفون إكلم في ملك شويه وبعدها سكر من عندها لكن سألها علي حال غاده وقلتلا إنها مريضه واليوم درولها دخول وبعد عشر ايام عندها سفره علي شان العمليه وهيثم يسمع فيهم وهو خلاص مش قادر إتحمل ولا يسمع زياده وأول ما سمع إسم المستشفى نزل عدا يجري رد علي سيارته ركب وولع ومشا للمستشفي اول ما وصل نزل للرسبشن سال علي إسم غاده قلوله إنها تخد في جرعه في قسم الاورام عد يجري وصل سأل وحده من الممرضات علي غاده شيرتله علي درها اول ما خش شاف ميس
ميس : هيثم😲😱 شدير هني
هيثم : وين غاده😢
ميس شيرت علي سريرها وهي تبكي😭
هيثم اول ما شاف وين إتشير ميس جته صدمه😱 وقعد إقول لا هدي مش غاده طبعا غاده كانت نقصه بكل ووجها اصفر وعيونها ريحات هلات وبينه وهي راقده علي السرير كيف الميته عد هيثم جهتها قعد يبكي ومسك يدها 😭: سامحيني يا غاده والله مكنت نعرف😢 وغاده لا حياة لمن تنادي رقده وخلاص 😔
هيثم: فيقي يا غاده اني جيت ومش مسيبك فيقي اهو السخيف جاء 😢😔
ميس و هي تبكي😭:مش حترد عليك مزلت تحت تأثير الكيماوي هدي وين كملت😢
هيثم: قمعز علي الكرسي وحط راسه علي يدها هو يبكي😢
ميس طلعت من الدار قمعزت علي الكرسي في الممر تبكي 😭
هيثم: شف لغاده لقها إتحرك في يدها مسكها وقعد إيمشي في إيده الثانيه علي وجها يلي بين عليه التعب والالم معاش تحمل منضر غاده هكي قعد يبكي😢
غاده فتحت عيونها: هي ثم
هيثم : يا قلب هيثم😢
غاده: س امحني كذ بت عل يك وهي تعبانه علي الأخير
هيثم: انتي سامحيني انا سيبتك انا الغبي مفروض سألت عليك انا يلي قتلك كلام جرحك سامحيني يا قلبي سامحيني😢
غاده: سام حني وردت رقدت
هيثم: ااااه يا ربي ليش وحط راسه علي يد غاده ويبكي ميس خشت
ميس: بابا جاء أطلع توه يشوفك
هيثم تقاعد ومزال ماسك يد غاده : مفيش حد يقدر إطلعني😡
سلطان خش شاف هيثم مسك يد غاده ومقمعز جنبها:هيثم شدير هني🤨😾
هيثم: ليش محد خبرني يا عمي علي غاده ليش 😡
سلطان: احترم نفسك واطلع بره بصفتك شني ان شالله😡
هيثم: والله ما في مخلوق إطلعني من جنبها وبصفتي اني حنكون رجلها قلهاوهو يشوف في غاده وماسك روحه يبيش مايبكي
سلطان: يا هيثم مش هكي البنت مريضه وماتبيكش مش بالغصب الحكايه اطلع برا بيش تفهم انت😡
ميس رقتلها😡: لا بالغصب غاده من يوم ما سيبت هيثم وهي كل يوم حلتها تسواء بيش تفهموا غاده مش ماتبيش هيثم غاده ماتبيشي إتعدب معها 😭
سلطان إمصبي وساكت وهيثم إبحت في غاده سلطان: باهي حول من جنبها تعال هني رهي من ابسط لمسه تتوجع وبعدين نحكو علي الموضوع مش وقته😔خليها تريح توه
هيثم حول إديه و قعد إمقمعز كيف ما هو نين بعد تقريبا ساعه غاده بدت إتفيق وأول ما استوعبت إن هيثم قاعد قعدت تبكي و ميس جنبها من الجها الاخر تبكي وسلطان ساكت ومطبس راسه
غاده: علاش جاي اطلع بره مانبيكش اطلع
هيثم بعصبيه: لا تبي غصبن عليك انا مش طالع ولا مسيبك 😡
غاده تبكي وخلاص 😭😭وبرمت وجها علي ميس
هيثم: غاده انا عارف انك كنتي تكذبي عليا ومش مسيبك حتي لو انتي طلعتي صح ماتبينيش 😢
غاده: عليش عليش دير هكي😭اطلع
سلطان: خلاص يا غاده معاش تبكي
هيثم: بحت في سلطان: نبي نعرف وضعها بتفصيل😟😔
سلطان: الدكتور قال ضروري عمليه وانا بعد عشرأيام منطلعوا بيها ألمانيا بيش إديرها وستأصلوا الورم لكن قبل ضروري إدير جلسات الكيماوي هدين😔
هيثم: ومن بيعدي معها😔🤨
سلطان: انا وخالتها 😔
هيثم: وحتي انا نمشي معها
غاده وميس😲😲😳😳
سلطان: لا والله🤨😡 مهي هردميسه الحكايه احمد ربك مخليك لعند توه هنا 😡
هيثم:قصدي مش ماشي نين نقراء الفاتحة😌هكي نقدر نمشي
سلطان:😳شن تخرط انت
هيثم:كيف ما سمعت يا عمي😒
غاده: فاتحه شنو بيش تفهم انت انا مانبيش😡😢
هيثم بصوت عالى: لا تبي ونسألش فيك علي رايك😡
سلطان: هيثم 😡
غاده: شن تبي فيه اه 😭انا منوت شن تبي في وحده كيفي😭😭😭
هيثم مسح علي وجها بيديه وبحت في سلطان : ممكن خمس دقايق انا و غاده شويه يا عمي😌
سلطان: ساكت اصلا مش متقبل الفكره بيش إقول باهي😶ياعن جد خلينا بروحنا هد فيش إخرف هد😾
هيثم : شويه بس وكان ما وافقتش معاش تشوف وجهي 😟
سلطان بحت في ميس : هي ميس شويه بس راه😔
هيثم: حاضر وشكرا
طلعوا وقعد هيثم وغاده يلي مقمعزه علي السرير وتبكي😭
هيثم ربع إديه وبحت في غاده : عليش مش مواقفه يا آنيسه🤨
غاده: ماعندك ما إدير بيه 😢😭
هيثم: حلوي هدي انتي مدخلكش فيه
غاده:😭😭
هيثم يبي اخلي غاده معاش تبكي: خلاص ام دعاوي معاش تبكي☺
غاده ضحكت علي ام دعاوي ومزالا إدموعها ينزلو😢 :سخيف
هيثم: ايوه محلها ام دعاوي لما تقول سخيف تي والله ستحشتها 😊
غاده:تضحك وتبكي في نفس الوقت :انت ليش هكي 😭
هيثم: كني🤨
غاده: هيثم وراسك انا ما ننفع بيك انت تستاهل وحده خير مني وتبكي😭
هيثم: حي ياحي ردينا للينفع بيه ولي مانفعش😩
غاده ساكته شويه وتمسح في عيونها
هيثم: اهم حاجه انك غاده مش اي وحده ثانيه وهدي يلي نبيها انا مش غيرها وثاني حاجه انا نحبك نموت فيك بيش تفهمي يا بنت والله ما نقدر إنعيش بلاك يا غاده حولت ننساك ما قدرتش انتي اول وحده نحبها و اخر وحده مفيش حد ياخد مكانك انتي حبيبتي وخطيبتي صاحبتي واختي وبنتي انتي كل حاجه لهيثم
غاده: وانا منموت اصلا هدي ورم مش اي مرض تاني😭
هيثم: مزلت تدوي علي الموت😡معاش نسمعها منك الكلمه اهيه 😡
غاده: انت مش حاس بالموت يلي نشوف فيه كل يوم من الكيماوي انت متحسش بالوجع يلي نحس فيه متشوفش في الموت يلي نموت فيها كل يوم وانا إنشوف في أهلي إتوجعو معايه انا ندعي علي روحي كل يوم بيش نموت بيش معاش إنشوف هدك الوجع في عيونهم وانت جي بتزيد عليا تبيني نشوفك كيف حالتك اليوم كل يوم والله ما هو ناقصني يا هيثم صح نحبك وماعمريش حبيت حد زيك انتي يلي علمتني شن يعني ان حد إحبك بكل عيوبك واغلاطك 😢لكن والله إنشوفك مع غيري وفرحان احسن ما نشوفك معايه وكل يوم تتوجع والله تعبت يا هيثم تعبببببببت من يوم ما طلعت علي الدنيا وانا في الهم تعبيييييت تعبت 😭😭
هيثم لما سمع كلمها إضبطها وقعد يمسك في دموعه بيش ما ينزلنش فوق ماهي متعدبه إزيد عليها وقال: خلاص خلاص معاش تحكي علي الموت كان تحبيني يا غاده صح عطيني فرصه إنكون جنبك والله انا نموت لما نبعد عليك
غاده إضبطت هيثم ونست روحها طيحه تبكي علي هيثم وخلاص 😭
هيثم: خلاص يا قلبي خلاص شن بيفيد البكاء لزم تكوني قويه بيش تصحي اوعديني هي انك ماتستسلميش😟
غاده تمسح في وجها في جاكت هيثم وبعدها حولت من عليه :وعد😞😢ماتسيبنيش بروحي هيثم😢
هيثم بتسم☺ :في واحد يقدر إسيب روحه يا روحي ويمسح في وجه غاده بيديه :شفتي محلاك بلا دموع وخنين😅
غاده ضحكت: مبردك
هيثم بحت في جاكته وضحك😄 : اصلا نصهن في الجاكه عادي خنينك زي العسل حتي الجاكه مش غسلها 😊
غاده ضرباته علي كتفه: خنين غاده خانوم يا روحي شن مزلت تبي😏
هيثم بيدوي دق الباب وخش سلطان و ميس و ......😱😱😱
هيثم مسك وشاح غاده يلي نازل شويه ورد فوق مره اخره وقال لي غاده......
...........Soma Alsideek
الجزء العاشر تم
من أتوقعوا يلي جاء وشن بيصير في غاده بتموت ولا بتعيش وهيثم شن بيدير بعد ما غاده .....☺
قراءة ممتعه للجميع
📝Soma Alsideek
