أسفه وااااجد هلبا كثيرا علي التعطيل لكن ضروف وقرايه معادش لحقت نكتب 😔نتمنالكم قراءه ممتعه ونرد نكرر أسفه علي التأخير مره تانيه
....................soma Alsideek
خشوا ميس وسلطان ومعاهم ساره ومرام جيبهم عمار لكن كوثر مش جايه طبعا ساره جايه بتتشمت في غاده لكن إنصدمت لما شافت هيثم وتقول في خطرها مش سيبها 😟 وعمار قعد إمصبي ومصدوم وبرق في عمي تبريقت كيف خليتهم مع بعضهم 😡😤😑لا وطقطق في الباب زياده😡ومرام بكل إختصار هكي👈😲😳😱😮😕🤨و مش عارفه شنو😂
برم هيثم علي غاده وجبد الوشاح لقدام لانه كان نازل شويه وقال بشويش:هدي معاش ينزل قدم حد 😉وكمل بصوت عالي شوي: خلاص غيوده😊 إرتاحي شويه وتوه بكره من الصبح نكون هني ردي بالك علي روحك تمام وبتسملها وهي نفس الشي وقالت: تمام
ميس برمت لبوها (طبعا ميس مع سلطان كيف الاصحاب كل شي عادي ماتتحشمش بكل😌😊 لكن ملك إتحشم مش كل شي تحكي فيه مع بوها)
ميس:شفت كيف الوجه نور قتلك البنت دوها هيثم
سلطان ضحك وقال لميس: مش كان إتحشمي شويه
ميس:😅عادي بابي
هيثم: هي تبي حاجه يا عمي انا بكره إنجي مع بوي نتفقومعاك علي كل شي 😊
عمار: علي شنو 🤨مش فسختوا شن مزلت إدور عند عمي وهني😒
غاده تبحت في عمار وفي خطرها: انت غير شن دخلك😒
هيثم رد بطريقه مستفزه: كني هبلت شويه سؤ تفاهم ونحل وإنشاء الله السبوع الجي منقروا الفاتحه😼
سلطان: 🤨😳مصدوم يقول لي روحه رايح زي المزهريه عقب عمري😂
ساره قالت بشويش: علي أساس بتموت طلعت حتي وهي بتموت تجري في جرت الجواز😒
ميس سمعتها : وأنتي شن دخلك فيها يا لفعه تجوز ولا لا اصلا عرفتك مقهور منها يا مريضه ردت عليها ميس بصوت واطي لكن سمعوها كلهم
عمار: ساره هني روحك😡
سلطان: ميس خلاص 😑
هيثم: يلا مع السلامه يا جمعه وبرم علي غاده قبل ما يطلع : ردي بالك علي روحك يا ام دعاوي☺ سمعوه كلهم مش فهمين ليش قال هكي إلا ميس فهمت قعدت تضحك😄 غاده قالت بفمها بدون ما إطلع صوت حاضر يا سخيفي ضحك هيثم وطلع وطلعوا وره سلطان وعمار
ساره: كني هدا فهم الرمنسي غلط إقول ام دعاوي😒
ميس قالت بصوت عالى: يلي بيفهم يفهم ولي ما بيفهم إبلط البحر ولا غدوش😏
غاده: مش هكي هدا لقبي عندا لما يبيني نضحك إقول لانه فيه موقف بيني انا وهيتومي
ساره: اح قلت لقب وهيثومي اخري 😒
ميس: بلك مش عاجبك 😒😌
ساره😒
مرام: شن إمديره توه يا غاده ان شالله كويسه☺
غاده: والله الحمد لله علي كل حال😔
ميس: راحت كويس ماتخفيش 😌
ساره: عد شافت حبيب القلب وهو إدقول مديورله خطين مكنات 😏يجري في جرتك إتقول ما في غيرك لاو مريضه زياده😒😌😏
مرام: ساره هني روحك خيرلك😡
غاده: عادي خويله اصلا اي حد لما إشوف إثنين إحب بعض هكي إقولوا سحر😏هدي إسمها حب يا ساره مش اي حد يقدر يفهما يبالك يلي معندهمش قلوب😏
ميس: صح كلامك حبيبتي اصحاب القلوب المريضه ربي يشفيهم😏😉😂
ساره سكتت 😡😡😡😡
مرام في خطرها: ين عن شكل الجيه يلي هكي دروحهامريضه اح والله إلا انا المريضه يلي جايه😒
كملوها تفنيص في بعض نين خشوا سلطان وعمار قعدوا شويه وروحوا وحتي سلطان روح وقعدت غاده مع ميس
............Soma Alsideek
هيثم خبر أهلا وكان رد فعل منار كتالي تبكي ووجعتها غاده هي وندي وبوه قاله يلي تبيه ديره ووجعته غاده من بعد كلام هيثم عليها وأمي هدى 😣
هدي : لا والله مانك وخدها هدي يلي ناقص
هيثم : عليش إنشالله شن فيها غاده مش كنتي إتهزبي فيه لأني فسخت الخطبه قبل سبوعين😡
هدي: هدي قبل ما نعرف شن فيها نقص غير تاخد وحده مريض بورم وحيدي وتخد وحده هكي قلت بنات معاش تبي إلا غاده يلي مش عارفه تموت ولا تعيش
خلاص معاش فيه غيرها 😡اهم بنات عمامك وخولك شن نقصهم😡
هيثم خبط بأيده علي الساس: انا منسألش فيكم علي رأيكم انا قلت غاده منجوزها يعني منجوزها غصبن علي يبي ولي ما يبيش 😡
احمد:هيثم بلا عياط😡
هيثم: كلمه وحد هي الخميس منقرها الفاتحة وطلع من الحوش قربع الباب وره
هدي: شفت شن صيرله وليدي والله إلا سحراته😭
احمد: خلاص يا هدى خليه يخدها ولدك مسكر راسه يبيها البنت
هدى:قلت بنات معاش يبي إلا وحده مريضه وحيدي إنجوزه وحده مريضه بالمرض الشين شن تحس يا احمد اه😡
احمد صبه:والله انا موافق عليها ومنعدي معاه وأنتي ويه تفاهم بعدين عارف ولدك لما إسكر راسه علي الحاجه إديرها وافقي يا هدى خير ما تخسري ولدك وبعدين هو قالي مش إمدير لا عرس لاشي بيقراء الفاتحة علي شان يمشي معها لألمانيا بدير عمليه وتتعافه نشاء الله وبعدين يا هدى المرض مافيشي عيب ولا غلط ومش بيدها البنت اعتبريها منار ولا ندى ترضي فيهن إصرلهن هكي وتجي وحده تحكي عليهن زي كلامك يلي قلتيه علي غاده توه😔
هدي:😢😟😞😔
احمد: شفتي كيف سكتي يعني ماترضيش😔
هدي:يا احمد هيثم وليدي الوحيد ونبيله وحد باهيه وتهنيني عليه مش مريضه إعاني فيها هو😟
احمد:بين إن الكلام معاك فاضي😩انا يلي عندي قلته بنسبه ليه موافق ومنمشي معاه وأنتي عقلك في راسك وتعرفي ولدك حتي وكان إنضر شني بيخدها بيخدها وطلع وسيبها طلعن منار وندي من الدار لقن امهن تبكي
ندى بشويش: مش قتلك امك توه إتقول لا 😟
مناربشويش: والله هيثم وتعرفيه مايتم
إلا وخدها أولا يحبها ويبيها وشفتي كيف قعد لما علي أساس فسخ 😌وثانيا هيثم راسه كاسح لو إنضرا شن يصير مايتم إلا وخدها كيف ماقتلك مبكري😒
ندي: ايه صح لكن وجعتني غاده والله ما تستاهل حرم مريضه واجد هيثم قال😔
هدي تسمع في كلامهن مع إنهن إتهامسن وبعيدات شويه من يالاها😂 ودنين فيل😂
ندى: ماما!
هدى: شن تبي يا همي مش ريقتلك😡
ندى: شن صار في هيثم😅
حقي الخميس الفاتحه ولا ماصرش
هدي صبت: مش علي أساس هيثم بيخدها برضايه ولا بلاه عليش تسألي فيه انا خلاص معاش دخلني في حد برو ملحو مفيش واحد يسمع في كلامي
لا معدل عليا شن نحكي ديرو يلي في روسكم معاش دخلني في حد امك بالاسم اني ماهو خلاااااص انا مع دخلني في حتي واحد 😡وعدت خشت لدرها وقربعت الباب ورها قريب تكسر😂
منار وندى😳😳
ندى:سملهي ولعت مره وحده😳
منار:هدي ماما يا قلبي علي أساس مش
عرفتيها😏 تستاهلي محد قالك أسأليها
ندى: مبردك خليني نمشي لداري إنقبل الساس خير من وجهك المعفن😒
هيثم طلع دار دار وكان بيمشي لغاده لكن بطل قال عيب عاد😌 وذكر موقفه مع سلطان إمبدري ومستغرب من روحه كيف قدر إدير هالعمايل😂 ويعارك ويشكتر مبكري وماتحشمش حتي من عمها 😂 لكن مع هدي مش نادم علي شي وبيش ما إعديش للمستشفي روح للحوش خش لقاء منار في الجنان هيثم: شديري بره 🤨
منار:إنرجي فيك منحكي معاك 😁
هيثم:نفس الموضوع مش داوي فيه قراري وخديته خلاص 😑
منار: عارفه بدون ما تقول بعدين انا نبي منك طلب بس مش مناقشتكش في قرارك انت حر في يلي بديره☺
هيثم: شنو تبي🤨
منار: لما تبي تمشي لغاده منمشي معاك إنزورها 😔
هيثم: باه عادي تمام☺هدي حد الطلب معاش تبي شي تاني
منار: لا ،هدي بس مش تنساء 😊
هيثم:اسمعي!
منار: نعم!
هيثم: شن صار مع امي يعني شن قالت😑🙄
منار: عارف امك مش راضيه توه لكن عرفتك حتي انت مش حترتاح نين إدير يلي تبيه يعني إطمن عاجلا او أجلا حترضه بالواقع😌 وبعدين غاده تستاهلك وانت تستهلها بنت مفيش زيها ما دورش كلام ماما واجد تزعل شويه وترضا☺
هيثم: والباين إن أجلا مش عاجلا إرضها 🙍♂️
منار: هيثم منسألك توه انت صح مش إمدير عرس لاشي
هيثم: ايه انا منقراء الفاتحة بيش نقدر نمشي معه بس عشان عمها ما يقدرش يعارض علي مشيتي معاهم وبعد إنروحو وتصح غاده إن شاء الله إنديرو عرس اصلا حتي مشيتي معها محد بيعلمها غير انتو وأهلها
منار:صار هكي🙂به ،بهي متأكد إن غاده وسكتت
هيثم:ان غاده شني🤨
منار:............😔
هيثم:....
............Soma Alsideek
الجزء الحادي عشر تم✔️
شن حيصير في الجزء الجي و منار شن كانت بتقول لي هيثم تابعوا و توه تعرف
قراءه ممتعه للجميع☺وانشاء الله معاد فيه تعطيل💖
📝Soma Alsideek 🖤
