عند كوثر وعمار
طلعوا من الدكتورة كان عند كوثر مراجعه متاع الحوامل هدي أكيد عرفينها😌😂المهم طلعوا السياره بيروحوا عمار إسوق و كوثر تهدرز معاه وفاتحه نت إتكلم في اختها سلوي علي الوتس طبعا إختها تقراء في نفس كليه غاده والبنات لكن هي طب بشري👩⚕️
بعتتلها صوره وقالت : هدي مش تقرب لعمار راجلك🤔شوفيها
(إصوره مزلت إتحمل😵 ) بعد فتحت كوثر فنصت 😮طلعت صورت غاده و إمقمعزه مع واحد في كفي الكليه جتها فكره إتوري فيها غاده علي كلمها يلي تدوي فيه ديمه معها😈 شهقت بصوت عالي بيش يسمع عمار :هيييي والله ما توقعتك هكي تؤ تؤ تؤ🙄😏
عمار: شن في حبي🤨
كوثر😈: شوف شن دزتليي سلوي ومدتلا التلفون 😼
عمار قعد إفنص في الصوره: هيثم !
كوثر: تعرف يلي معها 🤨 والله ما توقعتها منها ياخسرت ما رب عمك 😏
عمار: والله لمنوريها😡😠😠 وبرم رد لجامعه وهو يغلي
كوثر😈😼😏😃
وصلوا لجامعه ونزل عمار حامق للمليون
كوثر لما شفاته نزل قالت:والله ماني مفوته المشهد نزلت وره😈
عمار:غاده
غاده: 😱😱😱نهار أحرف
هيثم:😧
ملك و ميس بعيدات لكن ابحتن فيهم ولما شافن عمار😱😱 عدا يجرن لغاده🏃♀️🏃♀️
وأصيل لما شاف عمار إكر في غاده عدالهم🏃♂️
غاده إكرفيها عمار وهي تبحت في هيثم وتبكي😭 لعمار: حول إيدك شن تحساب روحك
كوثر إتفرج وفرحانه😃وملك و ميس 😱😱
غاده: برمت لهيثم وهي تفك في يد عمار وتبكي يلي مزال مش مستوعب وضبحتله :هيثم إصرف ياحمار😭
هيثم وعاء علي روحه وعداء كر غاده وحطها وره: مزلت تلمسها انكسرلك ايديك😡
عمار: قدم لهيثم : والله لو ما تحول من قدامي وتخليني نخدها تعرف شن إصير فيك يا كلب وأنتي إحسابك بعدين مش هنا يا كلب😡
غاده: انت من أصلا بيش تدخل في حياتي 😭
عمار ضحك: مش عارف من يلي كان قاتل روحه عليا انا ولا انتي تحسبيني منشوفش 😼😡فيسع قدامي
هيثم مسك عمار من سوريته: سكر فقومتك هدي خير منسكرهولك انتلف من قدامي راني نكسرك يا كناسه😡
غاده يعني كان عارف الحقير باهي😠 وقالت: ومن قال نحبك انا نحب هيثم هوه ومش حد غيره وأنتي متجيش في ضفره يلي خود مرتك ووتو روحكم خطبتي هلاسبوع 😡
كوثر😱😭😭😭
هيثم سيب عمار وبرم علي غاده وهو مصدوم😲😍 وقال: وحتي هيثم يموت فيك يا كبيدته😍
غاده قالت بشويش : سكر فمك😡
هيثم طلق عمار:هي بره نتلف علي حالك سمعتها شن قالت ولاتبي نسمعك بطريقتي😏😡
عمار إفنص : خزي قليلت ادب تفوه💦 كلامي مش معاك مع عمي سلطان واني مشيله😠خليه تو ينفعك قليله ادب يا خسارت ما رب عمي فيك
أصيل حظر لكن ساكت وبحت في حد ثاني مش معاهم😍😂
ملك و ميس مش مستوعبات شي 🙀🙀🙀🙀
كوثر😭😭😭خدها عمار وعدو وهو حامق لشميشمه😡
الناس يلي في الكفي😃😶👥🗣👀👂يعني فضيحه بقلاقل 😂
هيثم لما عدا عمار برم علي غاده وقال: كلمك جديات 😍
غاده: طبعا لا😒 اني قلت هكي بيش نقهر عمار بس يعني متصدقش روحك واجد 😡 والخطوبه انت قلت تعارف ولا مش قد كلامك😡
هيثم😑😔 عادي مفيش حد ميحبنيش لما يعرفني يا حلوى😍😎
غاده:😒ثق عمياء صراحه
ميس جت لغاده هي وملك غاده اول ما شفتهن ردت تبكي هي ويهن😭😭😭
هيثم😳🤦♂️كلا البنت هدي احوال جويه مزاجها☺
أصيل هيم مع ملك ويتبع فيها بعيونه😍
هيثم : قرب لغاده يلي كانت إمقمعزه علي الكرسي وتبكي وتقول للبنات: كيف جاء الحمار هدي شن مندير توه بيخبر عمي 😭😭😭
ملك وميس👈😭😭
هيثم: متخفيش غاده توه ماشي انا نحكي مع عمك قبل ما يوصله هو ☺
غاده بحتت فيه وهي خطرها تقتله😡: اصلا كل شي من تحت راسك مفيش يوم شفتك فيه وختم علي خير يا عتبه يا سخيف 😭😭😭😭😭والله لما يدبحني عمي يا حمار غير شن جيبك انت اليوم 😭😭😭😭😭
أصيل يضحك علي غاده😂وكيف منضرها وهي تشكتر وتبكي وناس إتفرجو وهي ولا همها😂
ملك: عاجبك المنضر تضحك 😡
أصيل : لا والله لكن مسكين صاحبي قلنا تجي وحده تعقله طلعت أحرف منه😂
هيثم ضرب أصيل علي رقبته من وراء:لا ولله اقلب وجهك تره توه نجي وراك
ملك😼:تستاهل
أصيل:مردوده يا هيثم 😡🚶♂️
هيثم: ماشي لعمك ره 😊تبي حاجه
غاده: برا ملح تره😡 أكيد عمار من زمان عندا 😭والله اليوم اخر يوم في حياتي
كل منقول إسقمت تخرب اكتر 😭
ميس: خلاص يا غاده الناس تفرج علينا نوضي للحمام إغسلي وجهك
غاده صبت هي وملك وميس
هيثم : متخفيش يا غاده الموضوع عندي وكان وثق فيه كيف ما قلتي خلاص اطمني
غاده تمسح في عيونها وبعدها ثبتت عيونها في عيون هيثم وقالت:والله لو ماحليتش المصيبه يلي سببتهلي نقتلك 😢😾 يا حمار 😭 غير شن الحاجه يلي درتها في حياتي بيش إجني هالمصايب😭
هيثم : وكان حليتها تعطيني فرصه 😼 ماشي منخطبك راه مش لعب مع ان لعند توه مش مستوعب الموقف يلي صار😑
غاده سكتت شويه وقالت وهي متردده: علي اساس اني فهم حاجه 😓موافقه وبرا لعمي قبل عمار 😢
هيثم عدا يجري ركب في سيارته وولع ومسكها يجري لشركه متاع عم غاده والتلفون في جيبه إرن طلعه من جيبه فتح وحط ميك : ألحقني ماشي لشركه بوضرار عرفها وين صاح في***
أصيل: تمام لكن كيف ماشي بتدويله من توه وأهلك يا حمار ماشي بروحك حتي بوك ما يندري😑😕
هيثم: سكر فمك وتعال😩 كيف ما قتلك غادي وسكر عليه عزق التلفون جنبه وهو يجري ويجلب في السيارات والاشاره🚦وما وقفش إلا قدام الشركه مالقش سياره عمار عدا يجري جوه 🏃♂️
هيثم إكلم في الراجل في الاستقبال : سلطان ال**** موجود
الموضف: مجود من إنقوله
هيثم: قوله هيثم احمد**** يبيك ضروري عد الموضف جوه غاب شويه وطلع :تفضل قاعد يراجي فيك ☺
هيثم : شكرا صبه قدام المكتب شويه تنفس وسم بالله وقراء المعوذات 😂 وخش : السلام عليكم
سلطان: وعليكم السلام مرحبا هيثم تفضل قمعز
هيثم : قمعز زيد فضلك عمي وقعد ساكت شويه إدور في كلام 😶😨
سلطان: ها هيثم شن فيه أن شالله خير
هيثم: كل خير نشالله ☺😌والله مش عارف شن منقول
سلطان: عادي متحشمش مني زي بوك يلي تبيه قوله
هيثم: والله اليوم جي منخطب 😅🤦♀️
سلطان:تخطب🤨
هيثم: ايه منخطب غاده بنت خوك يا عمي
سلطان: 🤨 وين تعرفها غاده
هيثم : اه 😟
سلطان: من وين تعرفها 🤨
هيثم: 🤦♂️أختي شكرتها و أنا عارف مش حنلقه خير من عيلتك يا عمي وبنسبه لغاده إنقولهلك بصراحه شفتها في الجامعه لما كنت إنروح بأختي ولي الشرف ببنتكم كان وفقت عليا طلبي
سلطان: وأهلك يعلموا ولا من راسك
جي🤨
هيثم: والله تبي الحق لا لكن قلت إنكلمك قبل ما نحكلهم🙂في خاطره كذب وجمع طوابع😂
سلطان: والله شن منقولك يا هيثم مبدأين انا عجبتني جرأتك وصراحتك من الاول وعارفك واحد راجل ولد راجل مفيكش ما ينعاب أوينرفض انا موافق لكن نسأل غاده قبل كان وافقت هي لي الشرف إناسب عيلتك وكان رفضت ربي إجباك وجبلها يلي فيه الخير
هيثم: إنشاء الله يا عمي 😃
خش عمار عليهم زي القض المستعجل
عمار: شن إدير هنا يلي متحشم 😾
سلطان: عمار شن فيه خيرك🤨
عمار: يلي ميتحشم اليوم شفته مع غاده في الجامعه😡
سلطان برم علي هيثم : صاح كلامه😡
هيثم: صاح يا عمي لكن والله كنت ندوي معها في نفس الموضوع 😔
عمار: موضوع شني يا كلب😡انتوا كنتوا
سلطان قص عليه وهو حامق😡: اطلع يا عمار بره الموضوع مش شورك بره😾
عمار بحت في هيثم : تو تعرف وطلع قربع الباب وره
سلطان: ماشي للبنت شن قلولك معندهاش هل يعني😡
هيثم: عندك الحق يا عمي لكن اليوم مشيت مع أختي بيش ندويلها هي قبل ما نجيك ( شفتو الكذب هي منار غيبه اليوم 😂)
سلطان: باهي وهي شن قالت😡
هيثم :اه لا مادوتش معايه اصلا انا خشيت مع أختي مندويلها علي خشت عمار لما علينا الكليه كامله عفوا يا عمي تصرف عمار غلط مهم إكون غاده بنت عمه شهدر بيها في الكليه حتي سيبت أختي وخوتها إهدن فيها دارلها مشكله 😈في خاطره توه تعرف يلي اسمك عمار مانسمش هيثم كان ما كرهتك في معيشتك😼
سلطان فنص: شن دار😡
هيثم: قعد إكر فيها قدام الكليه كامله ومعقبش كلمه عليها وكان مدخلتش انا ره صار كلام تاني مع احترامي ليك لكن عمار غالط ومايتحشمش علي وجها 😈
سلطان يمسح علي وجها بيده وهو في قمت العصبيه: لا حول ولا قوة إلا بالله
خلاص يا هيثم تقدر تمشي لكن أخر مره الموقف هد يصير فاهم
هيثم :حاضر لكن.... موضوع الخطبه😅
سلطان : قتلك نسألو البنت قبل
هيثم: خلاص إملا نرجا منك في الرد وكان صار نصيب إنجيب اهلي ونخطبها منك رسمي يا عم
سلطان: نشاء الله 😑سلم عليه وطلع هيثم لقاء أصيل بره يرجا فيه وعمار مكانش قاعد
أصيل : شن صار شفت عمار طلع حمق إدخن 🤨
هيثم ضحك: إنقلب السحر علي الساحر يا صاحبي😆
أصيل: شن صار باهي
هيثم : تقدر تقول مبروك من توه وبنسبه لعمار جاء خبر عمي وانا طلعتا هو الغلطان الغبي مش عارف روحه إتحدا في منو أنا هيثم مش اي كلام😎
أصيل ضحك 😄: مبروك يا صاحبي خلاص برا إمشي خبرأهلك قبل ما تطلع مصيبه تانيه😉
هيثم: يلا سلامات اصوله عقبالك يا غالي وركب ولع سيارته وقبل ما إتحرك كلم غاده
عند غاده يلي كانت في المحاضره وعقلها مع هيثم وشن بيدير😩
رن تلفونها إستادنت وطلعت بره القاعده تجري صبت في الممر ردت علي هيثم
غاده: هاء شن صار أكيد عمار دار مشكله وعمي لزك وه عليا اكيدة جيني توه والله عارفه وجهك وجه نو 😩😩اوي يا سخيف وينك😟
هيثم: كملتي خلاص نقدر ندوي
غاده: احكي يا دره🤦♀️
هيثم : نقدر إنقول مبروك عليك انا 😌
غاده: كذاب يعني عمي ميندريش علي شي
هيثم: لا خبرا خي خواته قصدي عمار😂
غاده: ههههههه😂 سمح اللقب لكن كيف خبره وانت مزلت عايش مافترشكش عمي 🤨تكذب صح
هيثم: مفاجأه خليها توه تعرفي بروحك 😉
غاده:والله😑 عينك يا روحي توه تحكي
هيثم: تره عوديها😍
غاده: شنو🤨 🙊🙈
هيثم: كان عودتيها إنقولك😼
غاده: برا ملح صدقت روحك صراحه انا وافقت بيش ما تصيرش مشكله غير لوكان ما جش خي خوته الحمار راهو ماصارش هدي إكلا😒😏
هيثم:شكلي منتعب معاك 😔أرحميني شويه يا بنت الناس
غاده: انا مافيش مني رحمي 😏
هيثم: وين عدا إتفاقنه إمبدري ولا نسيتيه شكلك بترخي بيه😑
غاده: انت مش عرفني كويس غاده ولا عمرها نست وعد ولا خلفت بيه لكن انت وشطارتك توه 😒 هي سلام ياسخيف😂
هيثم: بسلامه أم دعاوي😂 وسكر
اليوم في المرواحه روح بيهم سلطان
ملك : بابا وصل بره هي 😟
ميس : هي غاده نحن معاك متخفيش
ملك: خلاص حبيبتي مش قال هيثم الموضوع نحل خلاص متخفيش☺
غاده😨😟😢
طلعا لقن سلطان بره يرجاء فيهن ركبت ميس قدام وغاده وملك لاوره الطريق كلها مدوش معاهن بكل وغاده خلاص قلبها بينفجر خايفه ودموعها علي سبلا وينزاً 😢وعمها بين حامق😢
وصلوا للحوش نزلا كلهم وخشوا للحوش صب سلطان في وسط الفيلا وقال: غاده ملك ميس تعالا ورايه للمكتب
البنات: حاضر وعدنا وره وهنا😱😱😱😳😳😳
سلطان: قمعز علي الكرسي وقال وهو باين حامق: صح الدوه يلي صارت إمبدري في الكليه
ميس وملك😳😳
غاده بدت تبكي 😭
سلطان خبط الطاوله وهو حامق: قلت صح او لا
ملك و ميس هزن براسهن يعني صح
غاده😭: والله مادرت حاجه يا عمي عمار هو قطعها سلطان
سلطان: عارف عمار غالط 😡هيثم قالي لكن مفروض مصارش هكي وعمار حسابه معايه شن يحساب روحه يدير معاك هكي قدام الناس😡 انتي مدخلكش عارفك يا غاده ووثق فيك😤 توه نبي نعرف دوتلك اخت هيثم حاجه
غاده في خطرها الحمار شن طابخ : إخت من 😟
سلطان: مش جاء هيثم واخته ليك اليوم دوتلك حاجه ولا لا
غاده شن أمخرف الحمار إخته مجتش:😶اه!
ملك عرف إنها كذبه من عند هيثم قالت: لا مدوتش شي 😌
سلطان : بهي خلاص اطلعا وكلمن امكن😒طلعا ركبا يجرا فوق ملك وغاده و ميس عدت لمها إدور فيها وين
غاده خشت تجري وسكرت الباب وراها هي وملك وعلي طول تلفون لي هيثم📱
غاده: الو يا..............☺
......................Soma Alsideek
الجزء السادس✔️
شن حيصير في الجزاء السابع ياتره😂 خلوها سيربرايز😊 قراء ممتعه للجميع حبيب مش تنسوا ديرو الحوله علي الأخطاء الإملائية 😋 طبعا حبيت نفسر ليش اللهجه غرباوي علي شرقاوي لاني انا او اني نحب الزوز💓
📝Soma Alsideek🖤
