غاده دخلت للمربوعه متوتره: السلام عليكم وعيونها لوطه ما بحتتش فيه ومصبيه في فم الباب
هيثم فرحان قريب يطير وقف لما خشت غاده : وعليكم السلام 😍
غاده ساكته رفعت رأسها جن عيونها في عيون هيثم يلي كاين واقف ويبتسم
غاده: ابتسمت وقعدت تبرق فيه بدون ولا حرف وهو طالع طرف مطرف😍😂(هديكا الزبون الزيتي يلي يهبل والشعر واللحية محلقها طالع غزاااااال 😍)
(طبعا لبست الزبون سبر العريس ضروري يلبس زبون يوم فاتحته ♥️)
هيثم جاء قدام غاده ومسك يديها وخدها قمعزها علي الكنبه وقمعز جنبها ومزال ماسك يدها وقال:معاش توقفي هلبا تتعبي هكي☺
غاده ساكته ومنزلة رأسها
هيثم رفع وجها بيديه وهو فرحان قريب يطير وقال: مبروك علينا يا قلبي😍
غاده مسكر عيونها : الله يبارك فيك😣
هيثم ضحك علي غاده لانها مسكرا عيونها: علي فكره شكلي مش شين بكل ره اليوم حايس علي روحي قبل ما نجيك 😁😂
غاده ضحكت وهي مغمضه😅
هيثم: هي افتحي هالعوينات ستحشتهم
غاده متحشمه: ما عندك ما دير بيهم 😣
هيثم ضحك : لا والله حق ترا أحلفي😂
غاده ساكته 😣
هيثم : بتفتحي عيونك ولا نعرف كيف نخليهم ينفتحوا بروحهم عويناتك العسل هدين يا قلبي وضحك ضحكه خبيثه😼
غاده فتحت عيونها علي الاخير: هي فتحتهم ستريحت توه وقعدت مفنصه في هيثم 😳😂
هيثم حط عيونه في عيونها وقعد يفنص زيها وضحك: اي هكي ميه ميه مستريح علي الاخير يا فناصه😂
غاده ضحكت 😂
هيثم طلع بوكس صغير من جيبه متع الكاط يلي علي اليمين وفتحه طلعت دبله 💍خياااال عبره عن ثلاث قطع
هيثم مبتسم خد إيد غاده اليسار ولبسها
وبس💋إيدها وقال:ما تنحيهاش من إيدك بكل
غاده مبتسمه☺ : ليش متعب روحك الاوله قاعده ووراته يدها الايمين خد يدها الايمين ونحالها الدبله القديمه وحطها في نفس الجيب يلي طلع منه الثانيه: هدي توه أنسيها أصلا وجها ماكانش حلو علينا وبعدين هدي لبستهالك أمي لما كنتي خطيبتي لكن هدي ومسك يدها اليسار وباسها تاني وقال : لبستهلك اني وأنتي حلالي😍
غاده مبتسمه والدموع في عيونها: ربي يحفظك ليا وما يحرمني منك😢
هيثم يمسح في عيونها:ويحفظك ليا يا قلبي وما يحرمني منك وبسها علي رأسها
غاده متحشمه من هيثم: طالع حلو علي فكره😅💚
هيثم : اصلا شريه اللون هدي لأنك تحبيه😍 وبعدين أنتي يلي طالعه قمر يا أم دعاوي😋
غاده ضحكت : ضرور ما تفسد الجو يا سخيفي 😂
هيثم ضحك : اي ماهو هادي عاده فيا عرفتيها أم دعاوي 😂
غاده تضحك
هيثم:قريب نسيت 😊
غاده: شني!
هيثم طلع من جيبه اليسار متاع الكاط سلسله فيها إسم غاده وهيثم وبينهم قلب : شن رايك
غاده: الله محلها😍
هيثم : حتي أنا جبت الدبله متاعي عليها إسمك وإسمي شوفي رفع يده يلي فيها الدبله ويوري فيها لغاده
غاده تشوف فيهم هنا الاثنين(دبلت هيثم والسنسله) : الله محلاهم حبيبي😍
هيثم:اولا ماعش تشكريني علي شي وثانيا تهبل حبيبي منك يا قلب حبيبك انتي😍
غاده 🙈💗
هيثم: لفي نلبسهالك
غاده: لا عادي انا نلبسها بروحي🙂
هيثم : تؤ تؤ، قلت أنا يعني انا هي لفي سلم مرتي🙂😊
غاده 🙂😓برمت رفعت شعرها ومتحشمه نين خلاص 😖لأنه ضهر القفطان عريان وهيثم بلعاني دارها اللقط هدي😼🙂 لبسها وبسها من رقبتها 💋وغاده علي طول برمت ووجها احمر
غاده😳
هيثم يضحك علي منضرها : هاء عجباتك 😄
غاده متحشمه: اااه شني😳
هيثم يضحك غاده😂🤣:السنسله عجباتك او لا 😂😂😂
غاده تحشمت منه 😣🤦♀️صبت تبي تطلع لكن هيثم جبدها من يدها ردها في مكنها وهو يضحك: خلاص معاش نضحك لكن صراحه غدوشتي خطيره انتي 😂
غاده:😞خزي عليك بارد اصلن ماتحشمش علي وجهك انت😑
هيثم قرب منها: وعلاش منتحشم لا ندير في حرام لا عيب يا حبي حلااااالي 🙂
غاده متحشمه: باهي حول منطلع ساد طولت 😶
هيثم حضنها: عطيني سبب واحد نخليك تطلعي لا طولتي لا شي عادي مره إمقمعزه مع رجلها ولي يقدر يقول حاجه يجي يقبلني🙃😏
غاده : باهي بعد شويه 😣
هيثم :مش مبعد ساد بعدت هلبااااا🙂
علي فتحت باب المربوعه هيثم نقز من جنب غاده جاء في نهيت الكنبه يلي كاينين جالسين عليها😂🤣
طبعا اللي فتحت الباب منار🙂
منار : أسف أسف والله طقيت الباب
غاده متحشمه من منار لكن تضحك علي شكل هيثم يلي كان مصدوم 😂😂
هيثم: ااااه 😳انتي غير شني جيبك توه بس حتي هني لحقتيني😾
منار ساكته😶
غاده تضحك: لا عادي منوره😂
هيثم بحت في غاده: زهيتلك طبعا انتي🙂
غاده🤭
منار متحشمه: أسف لكن دزتني عميمه نجود قالتلي قولي لغاده اركبي 🙂
هيثم😓😩😢
غاده : هي جيه منو أصلا كنت طالعه
منار ضحكت : ايه واضح 😅
هيثم: منار سلم وخيتي سكري فمك
وبري توه تلحقك غاده😤
منار: خلاص اني بره قدام الباب غدوش نرجاك نين نركب معاك باهي😉😊
غاده: تمام حبيبتي☺
طلت منار وصبت غاده بتطلع جاهاء هيثم ضبطها و باس رأسها: ردي بالك علي روحك حبي
غاده: حاضر يا عمري وأنتي ردبالك علي روحك ☺
هيثم : حظرلك السعاده💕 توصي علي حاجه
غاده: سلامتك بس حبيبي
هيثم غمزلها : مافيش حاجه هكي ولا هكي نسيتيها😉
غاده عرفاته : لا لا🙂
هيثم دروحه زعلان : به خلاص خشي توه بعدين نكلمك😔
غاده ضحكت علي وجها 😄بساته علي خده 💋 وعدت طلعت تجري
هيثم ضحك: لا هكي خوانه😅
و طلع بره جنب الرجاله يباركوله ومعهم أصحابه وبعد فتره كمل اليوم علي خير روحو اهل هيثم
وعند غاده قاعده في دارها مع ملك و ميس ويهدرزو ومره مره نهدرز مع هيثم كان اليوم هدا أحلا يوم عند هيثم وغاده مع انها كانت تعبانه💔😔
.........Soma Alsideek🖤
بعد يومين من الفاتحة كانت طيرتهم لألمانيا ومشاء هيثم وخالتها نجود وعمها سلطان بس و ميس وملك وفارس قعدو
وصلو ومشو حجزو في فندق وثاني يوم مشو للمستشفي ودخلو غاده وقرارو ان العمليه ثاني يوم روح عمها وخلتها وقعد معها هيثم في المستشفي ....
غاده: كان صرتلي حاجه متزعلش ولا توقف حياتك عليا هيثم باهي😢
هيثم مسك يدها: تبطلي خترفه وكلام فاضي ولا كيف 😑
غاده: هيثم نحكي جد اني
هيثم: واني نحكي جد انتي مش حيصيرلك شي ونروحو مع بعض ونديرو عرس كبير ونكبرو مع بعض ومنحكي لصغارنه علي كل شي صار معانه مع بعض مش حتسيبيني بروحي ولا انا حنسيبك بروحك هدا يلي عندي❤
غاده تبكي: نحبك 😢
هيثم يبوس في يدها:واني نعشقك غير تريحي توه حبيبي
غاده تبتسمله ورقدت وهو قعد جنبها لعند تاني يوم جاء سلطان ونجود وجو الدكاتره خدو غاده لغرفه العمليات وقالو ان نسبه النجاح كبيره للعمليه❤
توه هيثم وسلطان ونجود قدام غرفة العمليات يراجو من 4ساعة
هيثم يمشي ويجي في الممر: طولو هلبا داخل 😤
سلطان يدعي وخلاص 😔
نجود نفس الشي💔
بعد مده طلع الدكتور (طبعا حنحكي باللغه العربيه الفصحه دروحه انجليزي تمام وانتو اقروه ودروحكم تقروا في انجليوي تمام اكيد تمام😌😂)
هيثم: ماذا حدث يادكتور هل غاده بخير
الدكتور يبتسم: اجل إنها بخير وتم استئصال الورم كامل بنجاح😊
هيثم سجد سجدة شكر😢 ويبكي ويقول الحمد الله وسلطان قعد يبكي هو نجود وتحمد في الله
الدكتور:الآن سوف تبقاء في قسم الملاحظه الي ان تستعيد وعيها
هيثم: شكرا جزيلا لك
الدكتور: ولو هذا واجبنا وعدا سيبهم 🚶♂️
بعد مده فاقت غاده طبعا قصولها شعرها علي خاطر العمليه💔خشولها هيثم وعمها وخلتها وبعدها نقلوها لغرفتها وقعدت في المستشفى شهر نين تأكدو الدكاتره انها ممكن تطلع وحالها كويس طلعت بعدها للفندق وقعدو اربع ايام وبعدها روحو ليبيا❤وغاده بدت ترد زي قبل وتتعافه شويه شويه......
..........Soma Alsideek🖤
خلاص البارت الجي الأخير 😢❤ فيه مفاجأه كبيره واجد🔥 شني توقعاتكم ياريت تكتبوا توقعاتكم لجزء الاخير ورايكم في الجزء هدا💗
وتوه قراءه ممتعه للجميع 😊
📝Soma Alsideek 🖤
