بعد غاده لمادارت حضر لهيثم عدا إتصل بيها 📳
عند غاده ميس رقدت وملك مازلت لوطه وغاده مسكه التلفون نين رن تلفونها غاده: رقم غريب🤨مبتش ترد المره الأولى والثانيه الثالث ردت ومبتش تدوي وحتي هيثم مدوش بعدها قالت غاده : الو
هيثم : مرحبا يا احلا الو السخيف يتحدث معكم😋
غاده ضحكت علي كلامه😂:باهي يلي عرفت روحك😂😂
هيثم: والله كان نندري عليك بعد ما نتصل ونقولها بتضحكي رهو من زماااان
إتصال بيش سمعت هضحكه😍
غاده:لا والله😒 شن إدير متصل ومنين محصلة رقمي وانت تقول سحار تطلعلي من كل مكان توه مش درتلك حضر علي المسنجر شن تبي متصل اه
هيثم: أول حاجه إتصلت منسمع صوتك
ثاني حاجه رقمك جبته من السحر متاعي مش انا سحار😂
غاده:تعلق عليه جبت من السحر متاعي انننننننننن😒 بارده
هيثم ضحك ضحكه علي تعليقها😂😂😂😂
غاده في خطرها والله ضحكتا سمحه هسخيف😍: وبعدها شن مزلت تبي منسكر منهنا الحضر يرحب بك من هنا مفيش داعي تتصل مره اخر يعني😒
هيثم: عادي عندي هلبا ارقام فيدك كلهم😁
غاده: نبي نسألك سؤال نبيك تجاوب عليه ارجوك وبدون كذب😑
هيثم : انتي تأمر أمر تفضلي وكلي ادان صاغيه😊
غاده: شن تبي مني بختصار انا لأني متاع علاقات لا دواوي لاحب لا الجو هوه يعني متعبش روحك معايه بكل دورلك وحده اخره اتكلمها وتضحك عليها انا محد يضحك علي بكليمتين من كلامك اهوه 😑
هيثم : حتي أنا منطلب منك طلب تسمعيني للاخر ومتسكريش و تجوبي علي سؤالي تمام موافقه
غاده: تمام 😒
هيثم: اول حاجه انا مش من الشباب يلي تدوي عليهم يلي يضحكوا علي بنات الناس ويكلموا فيهم و يوعد ويخلفوا
انا راجل ولد راجل والكل يشهد بيها وأسئلي عليا وكان قلت كلمه إنديرها
وكان وعدت نوفي ومنضحكش علي بنت الناس ونحلفلك من هنا لبكره اني ولا مره كلمت بنت ومسكت فيها أو عجبتني هكي زي ما عجبتيني صاح عكست ونبشت😋 لكن إني نكلمها لا عندي خوات وبنات الناس مش لعبه ونقلهلك من الأخير يا غاده من أول ماشفتك وانتي في بالي كنت معجب فيك ولعند توه معجب فيك حتي بهبالك😂 هدي ودعويك وصوتك وضحكتك وبرئتك و بكاك و حاس فيك انك مريتي بفتره صعبه ومعاش عندك ثق في حد من بعد عمار لكن عطيني فرصه سكت شويه 😞😔 غاده غاده اوي 😕وين رحتي
غاده: معاك معاك😢
هيثم: شن قلتي موافقه
غاده: كيف عرفت
هيثم: شنو🤔اااه عمار
غاده تبي تبكي خلاص قالت😢:اه
هيثم: ماتبيش ذكاء شفتك تبكي وتدعي عليه وواجعك كيف بيجوز اكيد كنتي تحبيه 😑
غاده بصوت بين عليها تبكي:خلاص سلام وسكرت وقعدت تبكي يعني حتي السخيف شاف إني نحبه إلا هو الحمار😭😭😭😭
هيثم يدوي لي روحه:عارف انك وحد حمار وغبي وسخيف ليش دوتلها عليه اهي تبكي من تحت راسك انت تبيها هي ولا تبي تفكرها بعمار اااااه من راسي لمسكر🤦♂️ مسك التلفون إتصل فيها ما ردتش دزلها رساله 📤
غاده مسكت التلفون قرة الرساله 📩: سامحيني نوضت عليك الموجع عارف روحي حمار وغبي وسخيف ولي تبيه لكن معاش تبكي ام دعاوي 😄وفكري في كلامي بجديه
غاده📤: وتطلع ستين سخيف اخري علي ام الدعاوي هدي مزلت إتقولها يا سخيف نوريك😒🤭 يلا تصبح علي خير يا سخيف
هيثم لما قرهاضحك😃 :📤وإنتي من اهل الخير يا احلا ام دعاوي في العالم قصدي غاده يلا أحلام سعيده فكري في كلامي☺انراجي في ردك را
غاده لما قرت الرساله ضحكت بصوت عالي نين ناضت ميس
ميس:😖😩سملهي كنك خلعتيني
غاده: صحصح معايه تره نبيك في موضوع وصبت فتحت باب الدار وضبح لملك: كوكييييييي تعالي فوق ضروري
ملك كنت جنب بوها وامها :جايه جايه
سلطان: عدي شوفيها ملوكه شكلها تبي حاجه
ملك: اصلا ما قالت كوكي إلا تبي نعرفها هدي لقب المصالح😂
نجود: عديلها ملا هي تصبحي علي خير😊
ملك: تصبحوا علي خير وركبت تجري خشت لدار وسكرت الباب
غاده:سكري بالمفتاح ملوكي
ملك و ميس 🤨 سكرت الباب
غاده: تعالي جنب ميس قمعزي نبيكا
قمعزا🤨
ميس:وبعدين😕
غاده: بدون مقاطعه تمام
ملك وميس:تمام إحكي هي
غاده: مش درت حضر لهيثم وب
ميس وملك: غبيه😲☹️
غاده: بطلت معاش مندوي هي😒
ملك وميس: لا والله خلاص خلاص كملي
غاده: 😒المهم عدا كلمني وتوه منسمعكن تسجيل المكالمه وقولا شن إندير لان وسكتت شويه بعدها قلت: بين عليه مش كذاب😔وولعت التسجيل للبنات وهنا كانن طول التسجيل👈🙊🙊😲😲😲😲😲😲😍😍😍
بعد ما كمل التسجيل قعدا سكتات
غاده : اوووووي وين مشيتا😕
ميس: لهيثم 😍
ملك: غزاااااااال يا عالم و جنتل وذوق
ميس: وبعدها شن بديري انتي توه
غاده:حي حي قالك مريض متكي علي ميت🤦♀️ 😩توه نسأل فيكن انا شن إندير تقولا شن بديري
ملك: عقلك في راسك وتعرفي خلاصك
ميس: يلي نقدر إنقولوا هلك ان وضح وضوح الشمس ان مش كذاب وإنه فعلا كيف ما قال وأنتي دبري راسك 🙃
ملك: إمشي وراء قلبك ومدوري شيء
غاده : أنا الحماره نسأل فيكن وعدت لسريرها وغطت وجها ورقدت
ملك وميس:😂😂😂
....................Soma Alsideek
ثاني يوم نضن وتن أروحهن ونزلا فطرا
ميس: ماما وين بابا وقت علي المحاضرة
نجود: طلع من زمان
ملك: ومن بيشيلنا ان شالله😲
نجود: عمار قاله بوك شيل البنات اليوم معاك لجامعه لانه شيل كوثر للمستشفي شفه إمبدري قدام الحوش وتوه إراجي فيكاً بره
غاده:😲😤😡😱 مش ماشيه انا
نجود: علاش🤨
غاده: هكي☹️
ملك: لاماما غاده قصدها علاش بابا مخبرناش مرات عمار مش فاضي
ميس تقرص في غاده: مش هكي قصدك يا غاده
ملك تدويلها بدون ما تنتبه امها:غاده بلا مشاكل😟
غاده:ايه😓😑
نجود:لا لا هو قال عادي هي اطلعا سلم بناتي☺
غاده وملك و ميس طلعن لقنا هو و كوثر إراجو في السياره
غاده إتبحت فيهم بنص عين 😒
ركبا ملك وميس وغاده لوره: السلام عليكم ،صباحوا
كوثر وعمار : وعليكم السلام صباح النور
عمار: شجو بنات
ملك وميس: تمام ☺
عمار : وإنتي مش من البنات ولا كيف وبحت في غاده😊
غاده: الحمد لله من ربي كويسه😒
كوثر : كنهم البشر شن درولك😋
غاده: لا شي غير في بشر لما نشوفهم نمرض😒
كوثر سكتت وعمار سكت وولع السياره ومشاء في الطريق جت رساله لغاده
📩:هيثم:صبح الورد شجو غيود😊
غاده إبتسم وفي خطرها لا هدي شكلا لصقه😏 وردت عليه📤 : صباح النور يا سخيف الادب إسمي غاده مش غيود من انت بيش إدلع اصلا صح نسيت ماحطيتكش في الحظر 😒😑
هيثم ضحك ورد عليها علي طول:📩يعني مزلتي مش مقتنعه بكلامي خلاص اليوم تقتنعي😊لما إنجي وتسمعيه مني فيس تو فيس😊
غاده شهقت نين سمعوها كلهم:ههيييييييي😲هدي الناقص بيش تكمل صاح
ميس : كنك
عمار:شن فيه 🤨
غاده بحتت فيه : شي 😒 وبرمت علي ملك و ميس وعطتهن التلفون يقرن في الرساله
ملك:شكلا اليوم يوم عالمي😲
ميس: شنبيصير توه😕
كوثر : شن فيه يا بنات خوفتونه😌
غاده: الهي في روحك متخفيش موضوع ميخصكش😒😌
عمار: غاده هني روحك وقولي شن فيه و كوثر معاش تدوي معها هكي 😡
ملك دوت بسرعه لانها عارفه غاده حمقت وبترد عليه : لا غيرصحبتنا قالت إن اليوم في امتحان ومفيش حد قاري 😌
ميس تكمل في الكذبه: الدكتور اهوه ميفهمش بارد إيجي في الوقت الغلط ودير امتحان😑
عمار : صار هكي وانا نقول كنها غاده متنكده من الصبح 😊دودت كتب من يومها متبيش تنقصها درجه😄
كوثر: عادي يوم ليك ويوم عليك في الكليه مدورنش واجد ☺
غاده: أحلفي تره 🙄😒
ميس: بشويش: خلاص غاده
وصلا لجامعه بعد كم تلقيحه من غاده وكوثر😂وهزايب من عمار😂وغاده كملتها إدور علي سياره هيثم مشفتهاش خشن لمحاضرتين وبعدها كان عندهن سعتين علي ما تبدا المحاضرة الاخيره طلعنا وعدن للكفيتريا خدا قهوه طلعن قمعزا بره علي خشت هيثم مع أصيل طبعا هيثم قال لاصيل تعال معايه من التوتر😂😂😂
غاده: تهدرز مع البنات نين رن تلفونها غاده: بنات اهو إرن الحصله😑
ملك : ردي باهي ردت وفتحت المايك
غاده بلا نيه: الو
هيثم: ها يا احلا الو وينك
غاده: في الكليه يا همي شن مزلت تبي😩
هيثم: احلفي تره😑 قصدي وين قاعده اني وصلت للكليه لكن مش لقيك
غاده : اه شن تبي جاي انا مش فاضيه قاعده في المحاظره😳
هيثم شافها إمقمعزه بعيد شويه أشر لاصيل يعني ايه👈:باهي خلاص إملا انا مروح بعدين إنكلمك😼دبنك مش فاضيه
غاده فرحت: مش ضروري تتصل باي وسكرت
ملك: اااااخ من الغباء
ميس : تي هدي عندها غباء مركز 🤦♀️
غاده: لا والله تبيني إنقوله وتعوج في صوتها😂 باهي نراجي في إتصالك يا روح الروح😾
ملك و ميس مقبلات غاده:😳😳
غاده😾: هي يا مستوها منك ليها فيش تفنصن
هيثم: ضحك علي تعليق غاده 😂
غاده لما سمعت الضحك إجمدت مكنها😳😱🙊😲😳
هيثم: صار في المحاضره متوقعتكش كذابه يا ام دعاوي 😼
غاده : برمت ولما شفاته قعدت هك😮😍
البنات يلي في الكليه مفنصات في هيثم قريب يكلنا😍
طبعا كان لابس ( بلوزه بيضه و سروال أسود ونضرات علي عيونه طالع خياااال)
هيثم: ممكن شويه منكلمك☺
غاده:اه😳
هيثم: منحكي معاك فهمتي 😂
غاده: إدوي مش مسكتك😒
هيثم: حول النضرات وقعد إبحت في ملك وميس
ميس:خلاص غدوش شويه ونجو نحنا😉🙂 وصبت ملك و ميس وغاده إترجا فيهن بعيونها 😟😟😟
طبعا أصيل قمعز بعييييد من عليهم☺
بعد ما عدن البنات قمعز هيثم مكان ملك مقابل غاده حط تلفونه و النضرات قدامه وقعد إبحت في غاده نين هي نزلت رأسها وقعدت تفرك في إديها ووجها راح زي لون وشحها دمي (كنت لابسه بلوزه سوده وفوقها جاكه طويله بيضه وفيها حزام من النص و سروال جينز داكن وكويش دمي)
هيثم: علي فكره من قريب أحلا 😍
غاده:😳 شن قلت علي كلامك اهوه
هيثم: أنا جيت اليوم منبيش إنعاود كلامي متاع امس نبي إنقولك يا بنت الناس انتي عجبتيني وخشيتي خاطري ومن الاخير وبعد تفكير طويل منخطبك علي قولتك انتي مش متاع علاقات وغيره وحتي انا مش هكي وبعد كلامك هدي اصريت علي رأي فيك وعجبتيتي فنبي نعرف شن رايك
غاده مفنصه😲 :عليش
هيثم: بعد هدي كلا عليش 🤨
غاده:تي هي مره ولا مرتين يلي شفتني فيها قصدي قصدي😳
هيثم: لا قصدك لا قصدي يا غاده اول مره نجري في جرت حد هكي ومش مستعد نخسرك انا منخطبك بس وعتبريها فترة تعارف معجبتكش واشك اني منعجبكش😂 نفسخواوكل واحد يمشي في حاله شن قلتي
غاده: اول حاجه معجبه بثقه الزايده يلي عندك 😏وثاني حاجه نبي نعرف أنت عرفني نحب وحد ثاني ليش مزلت مصر عليا
هيثم: وهدي الموضوع الثاني كيف ما إنتي تحبي عمار انا نحبك ومتأكد حتحبيني لأني مش زي عمار نوعد ونخلف ونسيبك في نص الطريق😎
غاده قالت بشويش: ياريت وعدني كان هدي قلنا كان يحبني😔لكن انا علقت روحي بوهم 😞😢
هيثم: كان تحبي تدوي ادوي عادي علي فكره انا مستمع ممتاز😌قصقصه يبي يعرف شن قصدها 😂
غاده: أنا اليوم منحكيلك بيش تعرف روحك فيش خشيت من الاول😞لكن حتي انت بتدويلي علي روحك😏 وبعدها نفكر نوافق ولا لا
هيثم : تمام ابدي انتي الاول😊
غاده: هي بسم الله😁 واولا أنا غاده عبدالله وحيدت أهلي الله يرحمهم لكن بنات عمي زي خواتي
هيثم: الله يرحمهم وانا هيثم أحمد انا الولد الوحيد لبوي وأمي وعندي اختين بيطلعولي الشيب في لساني😅
غاده ضحكت😄: تعيش وترحم😔 وربي يحفظهملك خواتك☺ توه منحكيلك وتوعدني محد يعلم الاني وثقت فيك بصراحه وتوه نشوف انت قد الثق هدي او لا
هيثم: وراسك وراس كل من عندي غالي ماني داوي لواحد حاجه وكان متبيش تحكي عادي ☺
غاده تبي تدوي لكن في حد ضبح عليها ولما سمعت الصوت جتها صدمه مش مفهومه😱😱😱 نهري اسود
....: غاده وجاء مسكها من درعها وصبها وبحت في هيثم وقال: انت حسابك بعدين ياكلب وقعد إكر في غاده وناس إتفرج👀 وهيثم.....😱
.......................somaAlsideek
الجزء الخامس✔️
من إتوقعوا يلي جاء وشن بيصير في غاده وهيثم و ميس وملك شن موقفهن
وهل حتقول غاده لهيثم حاجه من يلي كانت بتقوله او هل موقف يلي بيصير حيغير حاجه🤔
المهم الحوله مش تنسوا😂
قراءة ممتعه للجميع 😊
📝Soma Alsideek
