الجزء الثالث 🖤
بقلم:Soma Alsideek 🌕✨
احببتك فأحبني غيرك
___________________________
الكل رقدو إلا هيثم يلي قعد إفكر في يلي سمعه إمبدري ووجعاته البنت يلي إسمها غاده هدي حتي كان مقدرش إشوفها لانه كان بره مربع الصور يلي قدام الفيلا متاع جلال مقدرش إشوفها لكن لما سمع عيطها وكيف إتندي علي أهلا وتعيط وجعته وحس قلبه تقطع عليها ومش قادر إدير شي 😔😔و حقد علي الفرخه يلي أسمها ساره 😤😡وعلي الكلام يلي قلاته ليها هو أصلا عارف إن ضرار عند عم متوفي وعند بنت وحده ومربيها عم سلطان وخبره إن بيخطبها لكن توه فلقها عمي وحلفله😂لكن في رأيه أحسن المسكين من قبل ما إصير من الموضوع هكي إملا كان خطبها شن دارت فيها إخته خليني منها توه غاده ربي إفراج عليها وعلينا ☺وجبلها النصيب يلي أحسن من ضرار توه خليني في أم الدعاوي يلي إمبدري من هي وشن إسمها والله هالبنت خشت خاطري من أول ما شفتها😍 عليها حركات ودعاوي إهبلا ولا شكلها طرف يا قلبي 😍 (المسكين ميندريش إن هي نفسها غاده)
تسريع الأحداث جاء ثاني يوم ودارو صباحيه كبيره وجت مرام إتأسف من نجود وطبعا سمحتها 😑وطلعت نجود للخيمه لكن ملك و ميس قعدا مع غاده ونجود يلي يسألها علي بنتها إتقول قعدات يقراء في عندهن إمتحانات بعد بكره 🙂وطبعا إصدقو فيها لكن بنات العيله عرفتهن زعلانات من كلام ساره
وغاده قعدت يومين من بعد يلي صار متدويش لي حد حتي ملك وميس يالله بيش تدوي معاهن لكن بعدين بدت ترد عادي ومزال زعلانه علي موضوع عمار لكن بدت تنساء شويه شويه اه صاح نسيت بعد سبوع من يلي صار جتها ساره تأسفت منها لكن غاده قلتلها مسمحتك لكن مبتش إتسلم عليها لما مدتلها يدها وعدت وسيبتها مع خالتها نجود وأمها في صلتهم إمقمعزين تستاهل أصلا النوعيه يلي هكي تبي الواحد إعرفها حجمها😒 أما بنسبه لعمار قاعد عايش مع كوثر أحلا أيام حياته وتوه ليهم شهر ونص مجوزين وعيشين أحلا عيشه متفاهم هو وياها ويجو كل خميس وجمعه إباتو عند أهلا لكن الجمعه إتعدي لأهلها في العشيه و ضرار عطا ساره طريحه تهبل ومعاش دور موضوع الخطبه واجد أصلا مكانش مهم واجد ليه كيف ما قلنا مجرد إعجاب وماتمش
وجلال حلف لساره إنها كان مامشينش لغاده وتأسف معاش فيه قرايه وتقمعزي في الحوش لا طلعت لا جيات كيف كيف الاثاث وهي أصلا كانت موافقه من بعد طريحه ضرار🤕🤪😖😂 بدون حتي ما يحلف بوها😌😏وهيثم مزلت البنت أم الدعاوي شغله باله ويبي يعرف من هي 😍بعيد عنكم هدي الحب من أول نضره نسمعو ونسلمو😌😂 وعقاب العيله كيف ماهي متغير عليهم شي إلا إن أحلام بنت عمتهم فاديه إنخطبت لواصف ولد خال غاده لانه مرت خلها شفتها في عرس عمار وعجبتها دوت عليها لواصف وهو ما عرضش وخطبتها له.
وهدي يلي صار في هشهر ونص ☺
..................Soma Alsideek🖤
اليوم عدت غاده و ميس وملك لجامعه شلهن سلطان وكان عندهن امتحان 😑كملا الامتحان والمحاضرات ونزلا للكفيتريه وقمعزا مع صحباتهن إراجا في سلطان إرواح بيهن
ملك: خزي بتروحي من توه😒
غزل: والله يا عمري كان خاطري إنهدرز معكم إخره لكن بابي جاء الجيات أكثر أن شالله😊 وسلمت عليهن وعدت قعدت ملك و ميس وغاده وصحبتهن منار والجامعة نفضت معاش فيها حد والكفيتريه طلعن منها وسكرت
منار: عادي أنا متعوده علي المرجاء خويه إطول عليه لكن إنتا صراح مستغربه🤨اول مره إطولا
ميس: صاح بابا اول مره إطول علينا
ملك: حسني خفت 😢
غاده مسكت التلفون تتصل بعمها رن رن وفصل عودت عليه وأخيرا رد غاده فرحت إن رد:ألو عموسلطان وينك طولت إنشغلنا عليك
سلطان: والله يا غيوده ماني فاضي توه صايره مشكله كبير في العمل
غاده:باهي من بيروح بينا
سلطان: توه إندز ضرار ولا عمار
غاده: والله إنروح علي كرعيه ولا إنروح معاهم
ميس وملك إبحتا ومستغربات🤔🤨🤨🤔
سلطان: مفيش إلا هم الله غالب والله ماني فاضي وانتا بروحكا في الجامعه
غاده: لا مش بروحنه وسكتت شويه جتها فكره غبيه وبارده لكن أهم حاجه متروحش مع ضرار ولا عمار وقالت: شويه عمو خليك معايه وعدت لمنار صحبتهم:منوره حبيبتي نبي نطلبك طلب
منار: قولي غيود عيوني ليك 😊
غاده: تسلم عيونك والله يا قلبي عمي مش مروح بينه اليوم صايره مشكله في العمل وميقدرش إجي عادي توصلينه معاك اليوم وكان خوك مش فاضي وميبيش عادي☺
منار: غالي وطلب رخيص يا قلبي وبعدين منطقتكم علي طريقنا
غاده فرحت مزال توه كيف تقنع عمها بالمرواحه:تسلمي يا قلبي لحظه بس ونجي ردت علي عمها:عمو سلطان يا قلبي مش ضروري إدز حد لقينا مع منو إنروحو
سلطان:شنو!
غاده: صحبتنا منار بتروح بينه
سلطان: ومن هدي إنشاءالله🤨😒
وكيف منأمن عليكن معها تحسبيها هردميسه الحكايه
غاده: البنت إروح بيها خوها وبوصلنا معه عادي والبنت كويس وعيلتها معروفه
سلطان: شن إسمها😒
غاده بفرح:منار
سلطان: أحلفي 😑😒شن إسمها كامل يا غبيه
غاده: 😅منار احمد ال ****
سلطان: بنت أحمد*** عرفتها بوها صاحبي 😊
غاده: يعني إنروحو معها ولاكيف😩
سلطان: موافق لكن أول مره وأخر مره
غاده: تسلم يااحلا سلطان في العالم حرقتني الشمس من المرجاء اليوم هي خلاص مع السلامه
سلطان: بسلامه وأول ما توصلا درنلي رنه وسكر
غاده: كوكي ميسو اليوم مروحين مع منوره ره😀
ملك: علاش شن صاير
منار قطعتهم: تو إتفهمن بعدين خويه جاء هي قدامي😊
غاده : تسلمي يا قلبي لكن أساليه قبل
منار: كلمت من إمبدري وقال عادي أن لم تسعهم السياره تسععم عيونن😂
غاده: عارفه عمي طلع صاحب باتك
منار:عارفه خويه قالي إمبدري لما قلتلا بنات من إنتا ونزيدك خويه صاحب ولد عمك هدي شن إسمه🤔تي توه قالي إسمه..اي وه ضرار
ميس : هو لحقن حتي هني استغفر الله
منار : هي قعد إراجي
طلعا منار ماشيه لسياره تندره كحليه تهبل وأول ما فتحت الباب وركبنه كلنا وستقرينه نرفع راسي في خوه وهني جتني صدمه مش مفهومه😳😲😱 شهقت بصوت واطي لكن سمعني و رفع عيونه للمرايه وحتي هو بنن عليه ملامح الدهشه😳😳😳😳 وبتسم
ميس من علي يمني: كنك🤨
غاده: بصوت واطي : توه إنقولك بعدين
ملك علي يساري طبعا غاده في النص: شن توشوشاً😊
غاده:بعدين😑
منار برمت عليهن: غاده الشيت متاع الانتومي جيبتيه نسيت نخد منك إمبدري
هيثم لما سمع غاده عرفها نفسها متاع ليلت فرح عمار قعد إشوف من إترد يلي علي اليسار أكيد،طبعا ملك متشبهش لميس واجد بينما غاده فيها شبه من ميس وفرحان في نفس الوقت ان شاف أم إدعاوي مره أخرى وكان يحسبها بنت عم ضرار سلطان لانها تشبه واجد لواحد من يلي معها طبعا قصدي ميس
غاده: اه معايه😊 تفضلي ومدت
هيثم:😱😱😱😱إنفجع أم الدعاوي هي نفسها غاده نهر أحرف من الصدمه نين مسك فرينو ومنار مسكت في الكرسي و ميس وملك خبطافي الكراسي يلي قدمهن وغاده الحماره بعد الفرينو هوت قدام لكن قبل ما تخبط مسكت يد في كرسي منار بما إن هي في النص ويد في كتف هيثم 😫😩
هيثم شاف ليدها يلي مسك فيه بالقوه وبتسم ☺وغاده مزلت مغمض عيونها
منار: كنك هيثم قريب ريحتنا😤
غاده حولت يدها وتنفس بصوت عالي وقالت لا إرادا: عن شكلك قلبي قريب وقف😖😩
هيثم:سمحوني بالله غير واحد قص قدامي😅
ملك وميس:لا عادي ديمه تصير
منار: والله مصريني تخلبطو😩
هيثم:سلامة قلبك😍 ومصارينك
منار ضحكت😄
هيثم إلقح في الكلام لغاده: غريبه مدعيتيش يا منار علي يلي قص قدمنه😅
منار: الله يهديه 😊
غاده فهمت طرمت شوربها قلبت وجها طلعت التلفون دروحها تلعب بيه لكن ودنها معاهم😉👂
هيثم:تي لا لا في دعوه تانيه
منار:شني🤨
هيثم: متاع صوريخ حاجه زي هكي
منار:ااااه😅سحيقه ونار طليقه وصواريخ معيتيقه
هيثم: اي وه😁😉
غاده مسكه ضحكتها بسيف😊
هيثم: وفي حتي عطك الساحق والملحق والرصاص المتلاحق 😄
غاده ضحكت معاش قدرت تمسك روحها😂😂😂
ملك: كنك🤔
ميس:هي خيرك العيل إشوف فيك🤨تحشمي
منار:شن فيه😅
غاده: لا شي قريت نكته😋
منار: إحكيها 😁
غاده:لا توه إندزهلك علي الوتس بعدين😊
هيثم: نفس النكته حتي أنا إخطرت عليا😎😉صدفه زعمه😉😉😊
ميس وملك🤨🙁😕
منار: شن هي باهي
غاده قطعتها:قالك مره في وحد سخيف وقليل أدب وحمار خطم من تلا بنت سمحه تدعي علي واحد ظالما ضحك عليها مشت البنت دعت عليه حتي هو لانه هاز عليها راح بكوش(قصدها سكر فمك وأخطاني)بيش إتعلم كيف يضحك مره تانيه عليها أو حتي يدوي معها😒😼
منار:ما فهمتش وين النكته في الموضوع🤨
هيثم:النكته هي إن الحمار يلي ضحك ضحك مش لانه هازي عليها لانه عجباته البنت السمحه 😊😏هي ودعويها 😅
ميس:بشويش هدي فيش إخرف🤨
منار:حتي هدي مش نكته😑
هيثم : مش ضروري كل نكته تعجب الناس كلهم ويضحكو عليها المهم تعجب الفأه المقصوده من ناس بس🤓😜
منار: ومن هما🤔
هيثم إبتسم : مش ضروري تعرفي توه 😉كل شي في وقت حلو
غاده تسمع وخلاص وعيونها علي هيثم وهو مره مره يرف في عيونه في غاده
وملك و ميس 👈😶😶🤐🤐
نين وصلو ونزلا البنات وهيثم معدش نين غاده خشت إي صاح نسيت إنقول شن لبسين(غاده عبايه سوده أكمامها وسعات وفيهم لولو ووشاح دمي إمطلعها بيضه وكندره عاليه سوده وشنطه دميه وميس بلوزه بيضه لعند الركبه ووشاح بودري وفبه خرابيش كحليات وسروال جنز باهت وشنطه كحليه وكويش او سبيدرو يلي تبوه😂أبيض وملك نفس عبايه غاده غير لونها جيشي ولبسه معاه وشاح بيج وكندره بيج وشنطه جيشيه فيه علاقه بيج وعمك هيثم لابس جاكه جلد سوده مخليها مفتوحه وتشرت نص كم أبيض ساده و سروال أسود جينز وحاط النضرات فوق راسه وطالع إتلاف)
المهم لما روحت غاده وبدلا دبشهن وتوه إمقمعزات في دارهن وهدرزا.....
ميس: يا ناري غزال خو منار يا بنات😍
ملك: والله إلا طرف مطرف صادقه لكن كلامه مش عارف كيف تحسيه متوحد😅
ميس: خطرها شن النكته يلي محد فهمها إمبدري🤨
غاده :تضحك علي كلمها إمبدري😂😂🤣🤣
ملك: كنها هدي سملهي تقول ملبوسه😑
ميس:🤷♀️
غاده: عرفت الولد يلي قلتلكا عليه يوم زفت القهر 😒هدي يلي قعد يضحك عليا
ملك: باهي شن خطرا عليك🤨
غاده: ما هو شفت اليوم
ميس حطت إيديها علي فمها🙊:متقوليش خو منار
ملك:😲 أحلفي
غاده: والله 😌هو نفسه هيثم خو منار
ميس: الله الله الله مطيحي إلا في الغزاله يا بنت لا وبين حتي هو معجب
غاده: أح راتي هالغزال😒وحد سخيف
ملك: والله ما سخيقه إلا أنتي 😑الولد مقامش عيونه من عليك في المرايه وهو إلقح فالكلام وأنتي فش في النفاخ غبيه
ميس: مسمعتيش بعد ما قال وتغلض في صوتها دروحها هيثم😂 النكته هي إن الحمار عجباته البنت السمحه هي ودعاويها وتضحك😂😂😂🤣🤣
ملك: اولد معجب شكله غيوده😉😉😂😂😂😂
غاده: مش ناقصني تره سكرا الموضوع 😒يالله بديت ننسه عمار
............................................
عند هيثم وصل إخته للحوش وهو فرحان فرحه لاتوصف لانه شاف أم الدعاوي😅وزعلان في نفس الوقت لانها طلت غاده يلي سمعها تبكي من ظلم أقرب الناس ليها وقعد يسترجع في كلامها يلي سمعه وهو ماشي لاصحابه🚗 وصل للكفي يلي مجمعين فيه أصحابه ستقبله أصيل من الفم قبل ما إخش ليهم جوه وبين عليه كيف الحامق
طبعا أصيل صاحبه وقرب وحد ليه أقرب حتي من ضرار:وينك يا رجل طولت قبل تروح بختك وتجي طول 🤔
هيثم ضحك: 😅 لا غير قلبي مطوعنيش نجري بيهم علي قدما نقدر طولت الطريق اااااه من قلبي ااه😪😍
أصيل: ضحك لا شكلك وخد حاجه مش ليك اليوم 😆
هيثم:حط يده علي قلبه اااه يا أصيل كان تعرف من شفت اليوم طبعا قيل من قبل علي غاده وعلي أم الدعاوي يلي عجباته من أول ما شافها
أصيل: وشن شفت يا صقر😏
هيثم: شفت البنت أم دعاوي 😍ووصلتها أخره
أصيل : الله الله وبعدها دوتلها عرفت إسمها 😀
هيثم : ماهو هنا القنبله😅
ضرار و يوسف جو في هاللحظه قطعوهم يوسف: وين رحت أنت وياه دزينه يخطب مشاء إجوز 😑😾دزينك تجيبه رحت أنت وياه
ضرار: شتوت أنت وياه هنا متبيش حد يسمعكم
هيثم: نحنا خزي عليك كنت ندويله علي الاكباس يلي منديرهن لسياره
يوسف : هكي تعطي التندره هيبه والله
ضرار: صاح تعطيها لكن من بركبهلك
أصيل: أكيد هو بركبهن🙄💪😌 لكن كان تسمع كلامي شلها للورشه خير 😕
هيثم: حتي أنا منشيلهن للورشه لكن بكره أنت توصلني معاك
ضرار: أنا نوصلك
هيثم: لا شكر ضروره أنت بعيد عليه واصيل يخطم عليا في طريقه😊
ضرار: علي راحتك 🙂
يوسف: يلا خشو نخدو طويست مكاطه ☕ بعدها نمشو معاك تحط السياره في الورشة ونحطوك في الحوش
أصيل يبي يعرف من البنات يلي دواء عليها هيثم قال:لا أنتو خشو توه نمشي معه توه للورشه إنحطو السياره ونردو عليكم🙂🤓
يوسف: مش كان إنعدو مع بعض خير🙄
هيثم: توه إنردو عليكم مش بتعشو هني خلاص رجونه نين إنجو وبين ما إجي مالك ومحمد انكونو هني
ضرار:خلاص إمل متطولوش 😑
عدا أصيل بسيارته fj السوده وراء هيثم بيش لما هو إحط سيارته إروح بيه
.......................soma alsideek
عند البنات العيله إجمعاً كلهن عند عمتهن فاديه عازمه صبايا خوتها وبناتهم علي تهدريزت عشيه وعشاء إمقمعزات كلهن في الجنان ويشرب في القهوه لكن غاده إمقمعزه بروحها هي و أحلام وميس وعقاب الصبايا والبنات إهدرزا ومعاهن ساره لكن غاده مش عطيتها وجه بكل لا هي ولا كوثر مرة عمار 😒😼
كوثر تدوي لساره: كنها بنت عمكم هدي حتي لما ندويلها رفعه خشمها معايه والمشكله مدرتلها شي😕
ساره: خليها متوحده أصلا بابا قبل بيخدها لضرار لكن مصارش أحسن كان هده رهو سودتلا معيشته هالمتوحده
كوثر: مش عارفه إنحس فيها عديه مع عقاب العيله تضحك وتبصرلكن معايه أنا ويك غير🙄 خليني منه موضوع ضرار دوالي عليه عمار
ساره😈😼: دولك إن بابا كان يبيها ليه هو قبل ما يدوي ضرار عليها
كوثر : دوالي وقالي إن رفض وقال نبي كوثر وبس والباقي كله خس😂😏🙈
حنين خشت هليهم علي قولتهم خش علي القصعه بلا كشيك😂 : من الباقي يلي خس
كوثر عدلت تقمعيزتها وعلت صوتها وقالت:كوثر وبس والباقي كلا خس يا قلبي😏
غاده لما سمعتها كنت تربش في التلفون وعازقه ودنها مع ساره وكوثر جتها فكره بيش تستفز كوثر 😈ضحكت بصوت عالي خلت الكل إبحت فيها 😂😂😂
حنين : كنك سملهي🤨
ميس : سلام قول من ربين رحيم كنك تتسهوكي بروحك🤨
غاده بدلع:لاشفت نكته ضحكتني
ملك: زي هديكي النكته😅😉
غاده: لا أسمح 😄
حنين: ضحكينه معاك تره😁
غاده : قال مره في وحده يسألوا فيها هل تحت المكياج جمال ساطع ولا جمال الضفادع😂😂😎😎😏😏
أحلام:قديمه😒 متضحكش
غاده:حبيبتي مش كل نكته ضروري إضحك كل الناس هي إضحك الفأه المقصود بس😏
كوثر عرفتها تلقح حمقت😡
ملك و ميس نضن يضحكا علي كلام غده😂😂😂😂
غاده إدكرت هيثم اليوم في الصبح لما قالها وقعت تضحك 😂😂😂😂😂
الكل🤨🤨🤔🤔🙁🙁😡😡
عمتهن فاديه:كنكن سملهي
ملك:لاشي شي خطرت علينا حاجه
ميس : هي مش حاجه هي حاجه قنينه بكل يا كبدي
غاده:😏😏
حنين:بنات شن رايكا إنجيب الدربوكه ونهيجوا
كوثر: فكره تهبل حنونه
أحلام: أنا إنعدي إنطلعها
مرام: وأنتا ما عندكا إلا الهياجه
كلا في ضمه ولا حوسه إدورا في سبل😏
ميس:بشويش والله كان بنتك خامره هكي نحن مش هكي 😒
وعدت أحلام للمخزن جبت الدربوكه ومسكتها ودربك وتقول:بنت أجواد وعالي شاني سلم الصقر إلي رباني حي حي والكل👏👏👏👏
كوثر:هدنيا ويش محليها غير وجد عمور فيها 😌
غاده: إلي توجع في العمر صحيح إلي تحطه في العين إطيح😼
نجود خشت في التشتاي😂 :إن شالله العم الجي بجد تحوسا والدبله في اليد😂😂😂
البنات:😂😂😂
ساره: يا سلم خوتي إتقول كواسر ما خشوش السوق الخاسر😏👏👏👏
غاده عرفت ساره تلقحلها: إن شالله الشهر الجي بياني الدبله وراجل براني😏👏👏👏👏
البنات🤔🤔😲😲😳😳😡😡
حنين: من البراني هدي ياغاده شن صاير من ورانه🤨😅😉😉
نجود إتفنص فيها متع شن دويتي😡🧐🧐
غاده تدلع: لا غير أنتو عرفين عمو سلطان حبيب قلبي قال شباب العيله لا وحلف وطبعا حيجيني براني أنا ووخياتي😏😌😜
مرام : وأنتي فرحانه بيها بدال ما تقولي ولد عمي خير من البراني😒😾
ميس: لا هكي خير خلينه أهل وحبيب خير مانقعدو نسايب😒
نجود حست إن فيه طبيخه بتصير: ملك ميس غاده هي نوضن ألبسن منروحوا
مرام:😒
ساره وكوثر:😏
أحلام وحنين وفاديه:😩😩😩
فاديه: عليش يا نجود خلاص أخزن الشيطان ساد عرايك وأنتي يا مرام كنك خلاص البنت متبيش ولدك ربي يجبلا يلي خير منها
نجود: منيش زعلانه يا فدو لكن المغرب أدن ومنروح قبل ما إضلم الدنيا عرفتيني منروحوا كعابي😌طبعا كلا كدب قبل بتقعد نين إيجي سلطان إروحوا معاه🤫🤥
فاديه: علي راحتك لكن المره الجايه مفيش مرواح نين إتعشو🙂😔
نجود:نشاء الله هي بسلام توه وسلمت علي الجميع هي بس لكن غاده سلمت علي عمتها وأحلام وحنين وفاتت مرت عمها مرام وكنتها وساره😒 وحتي ملك وميس دارنا نفس غاده😌😂
روحا علي كرعيهن لانه حوشهم مش بعيد واجد وخشن البنات لدارهن لبسن توت هني الثلاثه نفس الشي 😁توات لونهن وردي وفي علين رسمت دبدوب كيوت منضرهن وطلعا الشيتات وكل وحده قمعزت تقره خش عليهن فارس إدربك علي الباب😂🙌🙌🙌
فارس: ميسا ميسا علي الناس الكويسه😎شجو يامي سسترس😋منورات يا تنبلات وين العشاء يا خمره أنتي ويها جعاااااان😩😩😩منموت
ملك:وين الجديد انت ديمه جعان معمركش شبعت😆
غاده: شوف خويله دارت خفيف
فارس: لا أمي قالت شوف البنات صبن درن عشاء جعااااااان للمليون
ميس:توه مش علي أساس ماشي مع مجد تتعشوا بره
فارس : مصارش منه العشاء كلمنا وحد صحبنه عدينا نحن ويه لصحبنا لاخر مدير حادث 😑
ملك: مفهمتش صحبي ماصابي عدينا ما عدينا وحدث😵
غاده: سهلا عاد هو ومجد وصاحبه لصحبهم لاخر مدير حادث😊
فارس: المهم هي العشاء ياخماير
ميس: نوضي وحد منكن إدير انا أمس درت العشاء
غاده: اليوم علي من العشاء🤨
ملك:عليك يا حنه أنا أول امس درت
غاده:اي صاح نسيت😅هي فروس شويه ونوتيه شن تبي
فارس: تسلملي غاده وخيتي يلي مفيش زيها إدلع فيه مش كيف هالخمرات كل بعد سبع سنين إتقول كلمه سمحه😑
ميس وملك:اننننننننن😒😒
غاده😂😂
فارس:نبي بطاطاإمبطنه🥔 و كسكسي بتقليه🥘🤤
غاده: لا تبي عصبان مره وحده😒هو دحي مقلي و تن و بطاطا مقليا وصلي اللهم وبكر علي سيد محمد😑
فارس :عليش تسألي باهي 😌
غاده:هكي جو😃
وعدت درتلا العشاء سندوتشات🥪 خفيف ودرت لي خلتها و ميس وملك تعشا 🤤وقران 🤯🤓ورقدت 😴
......................Soma Alsideek
عند هيثم وأصيل إمبدري لما حطو سيارته في الورشه و روح مع أصيل وقال في المرواحه ...........😊
.....................................
الجزء الثالث✔️
توه تعرف شن قال هيثم لأصيل وأصيل شن قاله وشن حيصير في غاده وشن بدير منار مع غاده في الجزء الجي مفآجئه 🔥وشن بدير ساره المهم كلام واجد ☺ومتنسوش ديرو الحوله كان فيه أخطأ إملائية أكيد كرهتوها هالجمله😂😂😂قراءه ممتعه حبايبي😍
📝Soma Alsideek🖤
