اسفه علي التأخير كان عندي امتحانات ومعاش فيضيت بكل دعواتكم ليا بنجاح باللهي😢❤ونتمنى انها يعجبوكم البارتين هدين وهكي مزال تلحقو مني اخر جزء❤ يلي حيكون مختلف تماما وانتو عاد وتفعلكم علي هادم 🙂لاني حرام نكتب ونتعب ومافيش الا وحدين ينعدو علي اصبع اليد يتفاعلوا😑 رجاءا تفاعلوا وديرو تقات لصحابكم يقروها😢وشكرا لاي حد دعمني فيها وشكرا لناس المتفاعله وتصوت عليها ☺❤
قراءه ممتعه للجميع ❤وماتنسوا التصويت ⭐😢💔
...........Soma Alsideek
منار:قصدي غاده متأكد إنها حتنجح سكتت شويه ... انت عارف كم نسبت نجحها عمليتها😔
هيثم: إن شاءالله تنجح سألنا الدكتور اليوم انا وعمي سلطان علي حالة غاده قال إن إكتشفوه في بدايته نسبه الشفاء عالي لكن ضروري من عمليه😞
منار حطت إيدها علي كتف هيثم: إنشاء الله انشاءالله يا هيثم غاده قويه وحتتعافه بأذن الله❤
هيثم تنهد لما إذكر شكل غاده في المستشفى اليوم ووقف : هي منمشي نرقد ورايه شغل واجد غظوه
منار: نوم العوافي مش تنسه بكره ماشيه معاك راه🙂
هيثم:ان شاء الله معاش إطولي بره خلاص خشي صقع
منار: تمام
...........Soma Alsideek
ثاني يوم في الصبح ناض هيثم بدري قبل الكل مشي دق علي منار الباب متاع دارها فتحت ندى وهي مشفشفه كيف اللي ضربها ضي😂
ندي:هيثم! ..شن فيه علي الصبح😑
هيثم:ما في شي نادي منار نبيها
ندى خشت طاحت علي سريرها وتغطت وقالت لهيثم:أُونهي قدامك نوضها أستغفر آلله وخلاص جايني الساعه سبع نوضي منار اااااه وخلاص وغطت وجها ورقدت
هيثم بحت في ندي وقال: خميره😒وعدا لمنار إنوض فيها هيثم:منار منار منااااار
منار ناضت مخلوعه نين جت مصبيه قدام السرير😨: شن فيه شن صار برقت في هيثم :غاده صرتلها حاجه
هيثم إبرق فيها ويضحك علي منضرها وحتي ندي ناضت تضحك طبعا منار كان شكلها فضيع الشعر مصبي فوق كيف الشمس المشرقه والعيون مفنصات من الفجعه لما نوضها هيثم وهو إضبحلها ويعيط وسروال التوته متعها كراع مشمره فوق وكراع نازله يعني منضر لقوه إلا بالله يخلع😂😂🤣🤣😂
منار حمقت: ياعن فيتك انت ويها شن فيه😡
هيثم:ووووه علي المنضر يخلع ياناري علي اللي بياخدك مسكين🤣😂
ندى: يصبح علي علي غوله كل يوم 😂
منار:يا كلاب😤 خلعيني ومنوضيني علي شان هالكلمتين تفوه💦يلي متحشموا😡وأنتي حبيبتي علي اساس منظرك أسمح غير امشي شوفي وجهك قبل يبشر بسبع ايامات قبلي وأنتي ليش جي ولا جي تتسهوكي معها بس علي صبح ربي😡😤
هيثم:ايه صاح شويه ونسيت علاش جاي من منضرك 😂عدي عدلي منضرك بيش تمشي معايه
ندى:وين مشين في هالوقت قبل الشحاته وبنتها🙄
منار لهيثم: من جدك ولا تبصر😑
هيثم: لا من عمي 😑بتمشي معايه ولا نفوتك
منار: الساعه كم توه
ندي: سبعه ونص
منار: ماشي توه ليش مزال بدري
هيثم: امتي ما نبي نمشي نمشي اني وانتي منكش ماشيه يعني صح خلاص تشاو كان هدا نمشي علي حالي🙋🏻♂️
منار: تي غير اصبر منمشي ياهمي😑
ندى: وين ماشين لي ساعه نسأل فيكم ياطرش😡
منار: بيرفعني معاه لغاده منشوفها
ندى لهيثم: حتي اني منعدي معاكم إماله
هيثم: مش علي أساس نعسان بتمرقدي
ندي: لا خلاص بعد شني بعد طيرتلي نومي حتي اني منمشي معاكم
منار: خلاص عادي بدل توه نوتي روحي ونعدوا أمري لله وخلاص
هيثم:تمام
ندى: هيثم وأني😟
هيثم:انتي مره تانيه ننقلك توه تمرقدي احسن😒وطلع
ندى: خزي يا بارد
منار وتت روحها ودارت فطور ليها ولي هيثم علي الساريع فطروا وسقدو للمستشفي مع الساعه ثمانيه ونص تقريبا وندي ردت رقدت😴وأمهم تسمع فيهم وهم يتحاوسوا ما بتش تطلعلهم دروحها زعلانه ماتبش تشوف هيثم🙄
....................soma Alsideek
عند غاده واعيه بدري ومقمعزه علي سريرها وميس علي السرير يلي جنبها كان فاضي رقدت عليه وسلطان ما باتش روح للحوش صبت غاده بشويش
عدت للحمام (اكرمكم الله) توضت وردت لسريرها إتصلي شوي هكي ناضت ميس
ميس تحك في عيونها:صباح الخير
غاده:صباح النور
ميس:كنك نايضه بدري فيه حاجه مريضه🙁
غاده:لا الحمد الله معاش جاني نوم بس
ميس: ااااه عرفت ليش 😊
غاده: علاش!
ميس صبت جت جنب غاده : هيثم جاي اليوم كيف بيجيك النوم😉
غاده ضحكت : صبي صبي للحمام توضي وصلي بلا كلام زايد سلم وخيتي 😒
ميس ضحكت وصبت: نايضه نايضه😂 ومشت للحمام بعدشويه دق الباب متاع الغرفه
غاده: تفضل
منار وهيثم خشوا منار عدت تجري لغاده تحضن فيها وتبكي😭 لانها كيف ما قلنه غاده ريحه ناقصه ووجها اصفر
هيثم حمق لان وصها ماتبكيش ولا تضايق غاده:احم احم 🤦♂️
منار بعدت من علي غاده: كيف حالك توه
غاده:الحمدالله علي كل حال
هيثم يبتسم: صباح الورد😍
غاده:صباح النور ☺
ميس جيت من الحمام: منوره جيتي😢 وعدت تسلم عليها بالاحضان بعدها برمت علي هيثم:صباح الخير هيثم كيف حالك اليوم☺
هيثم برم غمز لغاده وقال: اليوم صباحي غير الحمد لله
ميس ومنار ضحكن وغاده متحشمه
ميس: دوم إن شاءالله 😅
هيثم:مزال ما فطرتوا صاح
ميس: ايه مزال بابا شويه ويجي يجيب فطور معه
هيثم: خلاص توه نمشي نجيب فطور انا بدال ما ترجوا عمي سلطان نين يجبه ☺
غاده: لا ماتعبش روحك توه عمي يجيب
هيثم: مسألتكش أنسه غاده😊
غاده😑
منار ضحكت: هيثم ما يسألش كان قال حاجه إيديرها علي طول😄
غاده : اي عارفه أسألوني عليه اني😒
هيثم إبتسم لغاده : هي توه شويه ونجي وطلع عدا للكفي يلي جنب المستشفي جاب فطور للبنات بريوش قهوه وكيكات وحليب وعصير وماعقب ماجب ورد للمستشفي لقاء سلطان وملك ونجود وحتي فارس جيين خش
هيثم : السلام عليكم
الكل: وعليكم السلام
هيثم بحت في غاده ومبتسم وفي أيده الاكياس وكبابي القهوه
سلطان: ليش متعب روحك يا هيثم حتي نحن جيبين معانه
هيثم: لا مافيهاش تعب ☺
طبعا كانت منار وملك و ميس مقمعزات علي السرير يلي كانت رقده عليه ميس وغاده مقمعزه جنبها خالتها نجود وسلطان وفارس علي الكراسي جنب الباب من جوه
فارس وقف بسلم علي هيثم لكن هيثم كان معبي😁 جت منار خدت منا الاكياس والقهوه حطتهم علي الطوله
وسلم هيثم علي فارس وسلطان
فارس: كيف حالك ليك وحش ياراجل
هيثم ضحك :تمام الحمدالله وانت شنجك 😄
فارس : لوز اللوز😁
نجود: كيف حالك هيثم وكيف حال العيله
هيثم:الحمد الله كويسين واني انشاءالله بخير خالتي☺
نجود: دوم حمدك اني الحمد لله بخير
ملك توشوش لميس: شوفي غاده كيف تبحت فيه كأنها بتبكي😟
ميس: ايه ماهو لما غاده سألت علي حال خالتي هدى منار قلتلها كويسه وبعدها سألتها علي ردت فعلها لما خبرها هيثم منار تمت إتهرب مابتش تحكي علي خشتكم انتو سكتت
ملك زعلت: اكيد قاعده تقول انها مش راضيه هدي بيش زعلانه اكيد
ميس: أيه
بعد شويه خش عليهم الدكتور
الدكتور: السلام عليكم😊
الكل: وعليكم السلام
الدكتور ضحك: ماشاء الله اليوم ملتمين
كلكم علي غاده 💕لكن توه لو سمحتوا أطلع شويه عندنا كشف
طلعوا كلهم وقعد الدكتور والممرضه و نجود مع غاده بعد كمل الدكتور طلع
سلطان: هاء يا دكتور شن صار
الدكتور: اليوم تقدر تطلع لكن بكره ترجع بيش عندنا جرعه اخره وبنسبه لتقرير الطبي لغاده يلي بتطلعوا بيه بعد يومين يكون واتي وهكي تطلعوا بيها إدير عمليه معاش نقدروا نأجلوها أكثر حجم الورم احتمال كبير يكبر كان طولت اكتر من هكي 💔
سلطان : لاحوله ولا قوه الا بالله 😔تمام انشاءالله دكتور شكرا
الدكتور: ولو واجبنا بالشفي ان شاءالله وعدا
هيثم: عمي ممكن شويه نبيك
سلطان : حظر شويه وبرم علي فارس
وقاله: اسمع روح بي ميس وملك انا أمك وغاده توه نروح بيهم
فارس: تمام وسلم علي هيثم وعد
سلطان: نعم
هيثم : كيف ما قلتلك يا عمي بعد ثلاث ايام انا نبي نقراء الفاتحه وبنسبه لايه حاجه تبوها انا حاضر
سلطان: يا وليدي انا مقلتش اني مش موافق لكن خليها نين نروحوا ليش مستعجل
هيثم: لا انا منمشي مع غاده رجاءا قدر موقفي
سلطان: لا حول ولا قوة إلا بالله امري الله موافق
بعد شويه روح سلطان بغاده و نجود وهيثم روح بأخته
تسريع للاحداث بعد ثلاث ايام قروا الفاتحة دروها عائلي في بعضهم طبعا غاده وكيلها عمها سلطان وهيثم بوه احمد و نص العيله مستغربه لكن فرحنين لغاده ماعدا بعض الاشخاص 😒وفي نفس الوقت بعد روحوا الرجاله من الجامع علي حوش سلطان طبعا 😊وغاده تاعبه اليوم شويه لكن فرحانه لبست فستان عسلي قصة باربي قصير شويه مادرتش لا ميكاب لا شعرها لانه ممنوع وخطر علي حلتها❎ وتوه مقمعزه في دارها هي وملك ومنار بس وعقاب البنات لوطه مع النساوين
منار: حسيتهم طولوا صح😕
ملك: اي سبقتيني جايه منقولها
غاده: زعما صر شي 😟
علي خشت حنين : لللللللوولي مبروك الفاتحة إنقرت والرجال جو من الجامع جت سلمت علي غاده : مبروك حبيبتي
غاده بتبكي:الله يبارك فيك حنونه
منار جت إضبطت غاده: ألف ألف مبروك يا قلبي😭
غاده:الله يبارك فيك حبيبتي😭
ملك حتي هي سلمت عليها وبركتلها وكلهمن يتباكن😭 شويه جتهن هدى ام هيثم :السلام عليك
البنات : وعليكم السلام
هدى : شويه يا بنات نبي غاده
طلعن البنات وغاده صبت جتها هدى ضبطتها وقالت: مبروك عليك بنيتي
غاده فرحت وقالت: الله يبارك فيك عميمه حبت علي يدها وراسها
هدى : تعالي قمعزي منحكي معك شويه
غاده قمعزت هي وهدى جنب بعظهم
هدي اطبطب علي يد غاده وتحكي : يا غاده اني منطلب منك طلب مش ليا لكن لهيثم
غاده: تفظلي اعميمه☺
هدى: اسمعي يا غاده انا نبيك تحطي هيثم في عويناتك كيف ماهو حطك في عويناته هيثم ولدي مفيش زيه طيب وحنون منبيشي يزعل او ينقهر في حياته ديري بالك يزعل سلم بنيتي وقوي روحك بيش تتعافيلنا بسرعه😢
غاده تبكي: هيثم في قلبي قبل ما يقعد في عيوني يا عميمه ما كنتش نبيه يعرف والله ما كنت نبيه يخدني هيثم يستهل يلي خير مني مش انا مريضه وحالتي هكي تقول في كلمها وتبكي😭
هدى حضنت غاده وقعدت تبكي: خلاص حبيبتي معاش تقولي هكي اكيد حتتعافي انشاءالله😢
خشت نجود لما شافت غاده تبكي قعدت حتي هي تبكي وعدت حضنتها:مبروك يا قلبي مبروك ياريت شفاتك نور في هاليوم😭 (طبعا نور ام غاده ) غاده قعدت تبكي وحاضنه خالتها😭
هدى تبي تغير الجو :خلاص يا نجود معاش تبكي كنتي
غاده بعدت من خالتها تمسح في دموعها
نجود إبتسمت لهدى وقالت ببصاره : هادي بنتي قبل تكون كنتك هديوه ولفتت في غاده هي يا قلبي انزلي عمك قال هيثم يراجي في المربوعه
هدى: هي انا ننزل لوطه جنب النساوين اماله☺
نجود:تمام لحقتك حتي اني وطلعت هدى
ميس جت : هي هيثم يراج من مبكري
نجود : هي غاده ننزلوا
نزلت غاده باركت ليها صبايا العيله وطلعت هي وملك للمربوعه وصلن في الفم المربوعه
ملك: هي انا نخش جوه ولما تطلعي رني عليا نجيك نركبك فوق تمام☺
غاده هزت برأسها وقعدت وقفه
ملك بضحك: من مبكري يراجي ره 🙂
غاده : مبردك 😑 ودقت الباب وبعدها خشت
غاده: السلام عليكم
هيثم:..........😨
.....................Soma Alsideek
الجزء الثاني عشر تم✔️ البارت يلي بعده ما قبل الاخير 💓ورجاءا تفاعلوا ماتقعدوش كيف الاصنام 🗿🙂💔
📝Soma Alsideek 🖤
