الدكتور: نقدر انقول في حالت غاده والورم علي الدماغ في حل واحد وهو عمليه لكن هنا في البلاد مفيش كيف إديرها 😔
سلطان:لاحول ولا قوة إلا بالله😢 انا نطلعها برا لكن شن نسبت نجاحها ووين نمشوا به😟
ملك😭😭😭😭😭وغاده مزالت مصدومه😳
الدكتور: والله نحن حنبدو شهر كيماوي
وبعده نقدر إنقولك شن نسبه نجاح العمليه الاول ضروري منه الكيماوي لكن في حالت غاده إنشالله إنقولوا هكي نسبه عاليه الانه في المراحل الاوله
سلطان إبحت في غاده يلي مادرتش أي رد فعل سلطان عد ليها وضبطها والدموع في عيونه وهي مازلت ساكته
سلطان: متخفيش بنيتي😢
غاده بشويش: منموت
ملك : لا لا متدويش علي الموت انتي مش حيصيرلك شي بتصحي 😭
غاده داخت جي الدكتور وطلب من الممرضه إتجي ونقلوها لحجره ودرولها اللزم (مش عارفه شن داروا لكن داروا وخلاص😁)قال الدكتور لسلطان إنه من الصدمه داخت وتقدر من بكره تبده الكيماوي 😔
روحوا للحوش وغاده منهاره علي الأخير حتي الدوه معاش دوت والكل كان يبكي
ونجود لما سمعت دارت يلي ما يندار😭😱🙆♀️ عياط وشياط و توه غاده في دارها وسكرت علي روحها حتي لملك و ميس ما فتحتش تبكي وخلاص وهيثم إرن عليها من وهي في المستشفي تبحت في التلفون وتبكي وخلاص بعد ما هدت شويه ردت علي هيثم وهيثم كان في الحوش
هيثم بعصبية: خيرك مترديش علي جد اصلي اه😡
غاده قوة روحها : شي
هيثم: حلوى هدي 😾 شن صار معاك
غاده تبي تبكي لكن ماسكه روحها: شي شويه إرهاق وهبوط عادي
هيثم: متاكده 🤨
غاده: ايه
هيثم: باهي طمنتيني شن إمديره توه قصدي معطوك شي علاج فيتمين ولا حاجه 🤔
غاده: ايه أعطوني
هيثم: خلاص حبي ردي بالك علي روحك وخودي دوك وكولي إكويس معاش تهملي روحك❤
غاده:هيثم!
هيثم:نعم يا قلبي
غاده: نبي نقولك حاجه ويا ريت تفهمني
هيثم: قولي اصلا كان ما فهمتكش انا من بيفهمك حبي 😊
غاده خلاص بتبكي وتقول في خطرها علاش يا ربي هكي بعد ما نحب ونتعلق بيه ومعاش نقدر إنتخله عليه إصير معايه هكي: انا معاش نقدر نكمل معاك خلاص😢
هيثم ضحك: حتي انا معاش نقدر نكمل معاك 😄فكينا من البصاره البايخه🙂
غاده بدت تبكي: انا مانبصرش عليك انا مانحبكش بيش تفهم انت اه 😭ولا حن حبك كنت إنمشي فيك ونقول حرام هيثم سعدني واجد ما تكسريش قلبه لكن لعند هنا وخلاص انا ما نحبكش ولا عمري حبيتك انت😭 وسكتت لحظه وقالت انا نحب عمار وبس مهما دار فيا نحب هو بس😭 برا شوف حياتك مع وحده تانيه خير مني لأنك ماتستهلش وحد كيفي😢
هيثم بعصبيه: صار كنتي تمشي فيه ومعمركش حبيتيني وتحبي عمار باهي يا غاده باهي خليه ينفعك عمار انتي اصلا ماتستهليش واحد يحبك انتي انانيه وكذابه وخاينه انتي وحده كذابه
ما ينفعش فيك الخير والحب يلي حبيتهولك😡 حبيتك أكثر من روحي وأنتي تمشي فيه صار 😠علاش درتي هكي عليش تكذبي وتقولي نحبك دبنك ماتحبينيش علاااااش😠
غاده:😭😭سامحني يا هيثم وربي يسعدك مع غيري اني مش حنسعدك 😭
هيثم بعصبية اكثر: مني غيرك اه مني اني كرهت البنات كلهم من وراك معاش شفت حد إلا أنتي اصلا كلكن كدبات وإمشي يا غاده الله لا تسامحك وخلي عمار ينفعك واني طالع من حياتك مش حتشوفي وجهي بكل ومش حنسامحك يا غاده كرهتك سمعتي كرهتتتتتك ويعيط😡😠😠وسكر التلفون هيثم وحدفه في الساس تكسر طروف طروف وخده مفتاح السياره وطلع وهو حامق للمليون
عند غاده يلي لما سكر هيثم قعدت تعيط بصوت عالي وتخبط علي الوطاء و ملك و ميس وسلطان ونجود إخبطوا عليها وهي تبكي وتعيط بصوت عالي
غاده: سامحني يا هيثم منقدرش نعلقك معايه وانا منموت حتي لو علي حساب حبي ليك سامحني اني حاسه روحي منمووووت سامحني حبيبي 😭😭😭😭
هيثم ولع السياره وقعد يجري نين وصل للبحر درس السياره علي حافت الحشف
ونزل قمعز علي الوطاء خلاص معاش قدر يتحمل حط راسه بين إديه وقعد يبكي ويقول ليش يا غاده ليش درتي هكي يوم تقول نحبك ويوم تطلع تكذب ليش يا ربي ليش قعد علي هالحاله لعند الليل وخده النوم وهو مقهور من غاده بعد ليلت الدنيا صب وهو متخد قرار إن ينسا غاده ومعاش حيفكر فيها بكل و روح لحوشهم وكانت حالت هيثم تحت الصفر 😢
...............Soma Alsideek
عند غاده بعد مده فتحت الباب لملك و ميس وهي تبكي وأول ما خشن حضننها
وقعداً يبكاً
غاده: منموت 😭😭
ميس: لا مش حتموتي بابا قال نسبت الشفاء عالي خلي عندك إرادة ماتتخليش علي روحك 😭😭
ملك: وين غاده القويه يلي ماتنكسرش😭معاش نسمع تدوي علي الموت انتي مش حتموتي فهم😢😭
غاده: لكن هدي ورم يا ملك ورم عارفه روحي منموت اني عارفه😭
ملك: لا مش عارفه شي انتي انتي مش حتموتي😭
غاده: 😭😭😭
ميس😭: خلاص يا قلبي هكي تتعبي زياده
غاده: هيثم 😭😭😭
ميس: خلاص يا قلبي هيثم مش حيسيبك بروحك
غاده: وهي تبكي : انا قلت لي لي هيثم ماعش نبيك 😭😭😭
ملك: شنوو😳😢
غاده: انا عارف روحي حنموت مانبيشي يتعذب معايه ق قلت 😭قلتلا مانحبكش واني نحب عمار😭😭😭😭😭
وملك:😭
ميس: ليش هكي ليش😭
غاده: اوعدني محد يدويله شي علي الورم لهيثم😢
ملك: لكن هكي ضلمتيه وضلمتي روحك حرام عليك 😭
غاده: كان تحبني واوعدني محد يقول لي هيثم شي حتي بعد نموت😭
ميس وملك: وعد لكن معاش تدوي علي الموت
غاده😭😭😭😭😭
............Soma Alsideek
طبعا بعد اسبوعين من مرض غاده والعيله كلهم عرفوا في يلي متشمت وفي منهم يلي زعلان وفي يلي مش معدل وغاده قعدت اسبوعين تاخد في الكيماوي وبادي شعرها إطيح ومعاش مشت لجامعه وقفت قيدها وحتي ملك و ميس وقفن معها وبنسبه لهيثم فسخ الخطوبه رسمي😢 والدبله معاش باي يخدها منها خلاهي عندها لانه ميبي شي منها وسلطان حلف لغاده إن ما يخبراش علي مرضها وهيثم راح متغير ديمه في الحوش في داره وحابس روحه لا يطلع لايكلم في حد وكان طلع يمشي للبحر إقمعز بروحه ولا مع أصيل صاحبه و ضرار معاش يحكي معه لانه اذكر فيه بغاده وعمار خوه وهو إحاول ان ينساها
اليوم عند غاده موعد كيماوي وهي راحت تعبانه ومعاش قادره تحمل الوجع وبعد عشر ايام إمسافره بيش إدير العمليه لكن اليوم لما سأت حلتها واجد طلب منها الدكتور تبات تحت الملاحظه قعدت معها ميس لانها عارفه امها تعبانه حتي هي اليوم وبعد إقناع نجود إنها تروح و ميس هي يلي تبات وافقت وسلطان يمشي إروح بي نجود توه وملك في الحوش مع فارس ما جتش هي معهم وغاده راقده من الوجع مش حاسه بي شي و ميس جنبها وتبكي وتدعيلها😭
..........Soma Alsideek
عند هيثم اليوم حلفله اصيل إن يطلع معه لمطعم إتعشوا هم وصحبهم وفي الاخير وافق وصلوا للمطعم ولقوا يوسف ومالك خشوا قمعزوا معاهم
اصيل: وين محمد
مالك: جي في الطريق إتصال بيه قالي زحمه مطول شويه يعني
يوسف بحت في هيثم: عاش من شافك يا سيدي رايح زي هلال العيد معاش تبان😌
هيثم😒بلك مش عاجبك
يوسف: بصراحه مش عاجبني بكل خيرك رايح هكي يا راجل😑
اصيل بيسكت يوسف: خلاص بلا مشاكل توه جيين من فرهدوا علي روحنا ولا منتناقشوا خلاص صكر علي الموضوع يا يوسف
ملك: صح يا أصيل لكن يلي إمديره في روحه غلاط ريح اشبح كيف مش هيثم متاع قبل 😕
هيثم: مش عجبكم نمشي راه عادي 😒
يوسف: يا كليمتي رديلي خلاص والله مانك مصبي يا راجل بلا جو تره
هيثم إسند علي الكرسي شاف ضرار خش وصل في طولتهم وسلم علي الكل إلا هيثم
هيثم: خيرني إملا وليت شفاف😒
ضرار مزال مصبي بحت في هيثم: لا طحت من عيني بس ولي يطيح من عيني معاش نشوف وين ربي حاطه😒
هيثم حمق: لا والله كان انا طيح من عينك انت أنتم عيلتكم كلها طاحت من عيني😡
ضرار: وكان نعلم إن جي رهو ما جيتش من الاول انا منقمعزش مع ناس مريضه ومتفكرش إلا في روحها وجي يبي يطلع وصل في سيارته لكن جاه هيثم ومسكه من قميصه : فيش تحس انت من انت بيش تعلمني شن إندير ولا منديرش عدي علم خوك قبل ماتحكي معايه😠
ضرار مسك هيثم من بلوزته : خويه ما سيبش حد لانه طلع مريض يا اناني يا مريض مكنتش نحسابك هكي حتصرف من اول موق كانت محتاجتك فيه يا كلب حرام عليك تسيبها وهي هكي 😡 خسار فيك اصلا 😡
هيثم: شن تخرف انت اه 😡
ضرار:دروحك مش عارف صار😡 ألعبها علي حد غيري لعبتك هدي
أصيل: إفك فيهم هو ويوسف ومالك
هيثم: شن تخرف انت اه تبي تحكي كويس😡ياعن🤬🤬🤬
ضرار: إمشي يا مريض يا🤬🤬
يوسف: خيركم يا ولاد رحتوا هكي نسايب وصاحب رأكم
ضرار: ما خلي فيها لا صحبه لا نسايب ما نشرفش بيها صحبته😡
أصيل ماسك يدين هيثم: خلاص هيثم إطلقه😾
هيثم: والله ماني مسيبه نين يتكلم😡شن يلقح من إمبدري هالخارب
ضرار: باهي اصلا انت تبي تفضح روحك عادي مفيش مشكله بكل من يلي سيب خطيبته لما عرف إنها مريضه بالورم تره قول انا ولا انت يلي منكش راجل يا🤬
هيثم مزال مش مستوعب يلي سمعه سكت مش فاهم شي
ضرار: شفت كيف سكتت يا مريض يلي منكش راجل في راجل إسيب خطيبته والبنت يلي حبها لانها مريضه بس تعرف احسن جها المرض بيش تعرفك علي حقيقتك ومتكملش حياتها مع واحد زيك نحن نحسبوك راجل ومنعطوك أمانت عمي تمشي ترخي بيها من اولها كنت نقول عليك صاحبي وحتحافض علي غاده وتصونهاطلعت واحد 🤬
هيثم بشويش: غاده مريضه😟
ضرار فك إديه : تفو عليك يا عيل
وعدا لسيارته (طبعا العيله فهمين إن هيثم هو يلي سيب غاده لما جاء لعمها وفسخ الخطوبه بعد قصة مريضه علي طول لانهم مش عرفين إن غاده هي يلي سيباته وسلطان مبش إفسر لحد شي )
اصيل: كلام ضرار صح يا هيثم😲
يوسف ومالك🤨🤨 كيف لاطرش في الزفه😂
هيثم: مش عارف شي انا 😟شن إخرف هدي
مالك: والله ماني فاهم حاجه 🤨😑
أصيل مسك هيثم وبرم علي الشباب وشيرلهم بمعنى خليكم وعد فتح باب السياره متاعه وركب هيثم واصيل وهو مش مستوعب كيف صار كل شي برم شويه وعدا جهات البحر يلي قدام المطعم درس بعيد ولتفت لهيثم يلي مزال مش فاهم شي
اصيل: شن الكلام يلي قاله ضرار توه مش قتلي ان هي سيباتك لانها ماتحبكش منين طلعت مريضه توه حتي ملك مخبرتنيش
هيثم: مش عارف شي يا أصيل انا فاهم حاجه وحده وهي ان مهم كان غاده ماتحبنيش لكن اهم حاجه انا نحبها مهما دارت ومنبيش إصرلها شي 😟😞😢
أصيل: لا حول ولا قوة إلا بالله 😔
أصيل جته فكره كيف يعرف كلم ضرار صح ولا ،مسك التلفون ويتصل بملك: الو
ملك وبين عليها التعب: مرحبا
أصيل: خيرك صوتك تعبان
ملك:.......
.................Soma Alsideek
الجزء التاسع تم✔️
ارجوا مفاجأت العاشر قراء ممتعه للجميع
اوصيكم بالحوله علي اي أخطأ إملائية نكتب ومانراجعش 😋وماتنسوش:نجمه+تعليق بليز🙏😟
يلا سلام 💗
📝Soma Alsideek
