أحببتك فأحبني غيرك

الجزء الاول🖤

الجزء الاول🖤
بقلم:Soma Alsideek 🌕✨
احببتك فأحبني غيرك
___________________________

غاده تبكي في دارها هي و ملك وميس : 😭😭😭العشيه بيشللها السياق يا ميس😭😭😭
ميس:الله غالب حبيبتي لكن حتي انتي ملقيتي من تحبي إلا عمار 😑
ملك :تستاهليها قتلك من قبل قوليله انك تحبيه قبل ما تخده وحده ثانيه😒
غاده: هو قالي ان معجب فيه من قبل الكذاب😭😭😭😭😭
ملك:عندك الحق حتي من ونحن صغار هكي إبان إن إحبك😔بصراحه كنت نحسابه إحبك
ميس : أصلا من يوم ما خش للجامعه وهو متغير عليك ليه اربع سنين هكي انتي الغبيه يلي مزلتي متعلق فيه😒
غاده:إنحبه يا ناس إنحبه 😭😭😭
ملك:أصلا قالتلي ساره إنه هدي يلي أسمها كوثر (طبعا هدي خطيبه عمار ولد عمي خطب من شهر واليوم إسياق وبعد يومين الفرح😭) كان إمدير معها علاقه وحبو بعضهم من أيام أوله كليه تقره معه
غاده:عطه الموت خطافت الرجاجيل😂😭إنشالله ما خدها هالكذاب الخاين😭😭
ميس :خلاص يا غاده ماما تبينه ننزلو إنعونوهم لوطه توه إدجي تلقاك تبكي🤫
غاده:هدي يلي ناقص إنعول في عرسه الخاين وانا يلي نرج فيه وحط فيه الأمل إيجي يخطبني لما كان يبني طلع يبنيلها😭😭😭😭😭😭
ملك :ماما إضبح يا بنات وشكلها راكبه😱😱😱
ميس مسكت غاده وشلتها للحمام :توه إتخشي تغسلي وجهك يلي ريح خرائط وبعدها نرجو فيك مننزلو منعونوهم طز فيه وفي الشكل يلي خدها حبيبتي إلي بعك بالفول بعيه بقشوره وفي الف وحد يتمنك خطي هل عمار فيسع😤😡
غاده:انتفخت وشجعت شويه 😾خلاص مننساه ومش منعول في عرس بس منقعد احلا من الخامره يلي وخدها منخليه يندم ألي خدها وخشت تغسل في وجها
خشت عليهم نجود😡:وينكن يا حنات ساره وأحلام وحنين من إمبدري يخدما
وأنت إتهدرزا هنا 😡
ملك:كنا منعدو نلبسو ومننزلو 🙂
نجود:وين اللبس فيش كنت إديرا حتي التبديل ما بدلتا😡
ميس بسرعه:لا ما هو غاده كينه حيره شن تلبس كنا انساعدو فيها😉😅
نجود:ربع ساعه ونلقاكن إنتا الثلاثه لوطه 😡وطلعت وقربعت الباب وراها
ملك:يا فرخه غاده تريحتي جت من وراك التهزيبه😡
طلعت غاده من الحمام وهي تمسح في وجها بالمنشف:خلاص مقللكن حد إقعدا معايه عرف روحي بروحي😔
ملك :تبي كف إنتي عارفه
غاده:لا والله
ميس:نحن كم عندنا غاده يا فرخه حتي الهزيبه من وراك علي قلبنا زي العسل ☺ملك:عسل بالقشطة يا قشطه😂
غاده إضبطتهن :ربي يحفظكن لي وخياتي😢
ملك :فكينا من الدميعات وبدلي لانه ما بتجي إتنزلنا توه مع شعرنه😏
غاده عدت لي دلابها :شن نلبس🤔
ميس: قربت منها وطلعتلها(بلوزه بيضه قصير لنص الفخد و سروال جينز أزرق وجاكه أمريكيا واسعه نفس متاع الراب عليها لؤلؤ ووشاح دمي)ألبسي هادو
ملك :الله صح يطلعن عليك تحفه
غاده:خلاص نلبسهم ونلبس معاهم السبيدرو الابيض 😕
ميس :حتي أنا منلبس هادم(طلعت سروال ابيض واسع وبلوزه جينز عليها لؤلؤ بودري من قدام وقصيره بما إنا السروال واسع ووشاح ابيض فيه بودري )
ملك :خودي الكندره متاعي البيضه معها
ميس :من غير ما تعرضي كنت منخدها😌 وأنتي شن طلعتي وريني (طبعا غاده عدت إتبدل مش معاهن)
ملك :قلت هنا الاثنين اليوم لبسهن بريعايت القماش الأمريكي هي إندير زيهن😊 وهدين منلبسهم(اللبسه عباره عن بلوزه بيضه عليها نجوم فضيات إلمعا وطولها لنص الفخد و سروال جينز أزرق باهت ووشاح كحلي )ومناخد معه السبيدرو الكحلي
غاده طلعت من دار الملابس متاعهن :ها شن رايكا
ميس و ملك: تهبلي😍
غاده:كان إنهبل راهو أنا العروس اليوم😔😢
ميس : انا فديت منها اليوم كلا نكد🤦‍♀️ إصرفي معها ملك منخش إمبدل وعدت لدار الملابس🚶‍♀️
ملك: خلاص غيود بلا نكد وخليك كيف ما قلتي أقهريهم وخليك تطلعي أسمح وحده اليوم
غاده : كلامك صاح وعدت قدام المرايه وقعدت إتمكيج
المهم بعد هدي كلا بدلا ومكيجا ونزلا إساعدا في البنات في تطيب غداء الرمي لاوهو البزين في الفراج متاع العائله الانه كبير ودنيه زايطه غادي😑😂💥
......................................
عند الصبايه في الصور مقمعوات إديرا في الشاهي والموالح حتي هني مضغوطات لشميشمه😂
مرام فرحنه الأنه عرس ولدها البكر:والله يا نجوده كنت نبيه ياخد من بنات العيله لكن شي سكر راسه سبي كوثر لكن البنت إقنينه صراحه
نحود: ربي إهنيه وتمم عليه😊والله حتي نحن جونه خطاب لغاده ولد خويه واصف لكن هي رفضت قالت بتكمل القرايه
مرام: والله بيني وبينك عمها جلال وانا كنا نبوها لعمار لكن دبنا خلاص بيجوز قال جلال لضرار نخطبهلك وافق لكن بيناش ندولكم عليها نين ضرار وليدي إكمل القرايه هكي يقعد بخدمته وحوشه
نجود:والله شن منقولك ربي يكتب يلي فيه الخير مش حنلقو خير من ضرار لغاده ☺لكن القرار لاهو عندي لا عند عمها عند غاده بنفسها
مرام :ربي يجعلها من نصيبه 🙂
.................................
طبعا حنين كينه تسمع👂 في كلام صبايا خولها عدت شياط للبنات في القوراج بتخبرهن🏃‍♀️
عند البنات كانت ساره اخت عمار إتملس في البازين هي و أحلام وميس ومنال خالت عمار و ملك وغاده إوتن في السفر ومدن فيهن لمجد وضرار وفارس
ملك مدت السفره لفارس وقعد مجد إيراجو وغاده إتمد لضرارفي السفر علي خشت حنين تجري ومش فاطنه لوجود ضرار ومجد 😂وقعدت تدوي بصوت عالي🗣:عاجل عاجل عاجل يا بنات سمعت مرت خالي مرام إتقول لمرت خالي نجود إنها بتخطب غاده لضرار قنبله صاح وبرمت بتشوف غاده تلقاء ضرار إمصبي هو وغاده ومجد جتها صدمه ثلاثيه الابعاد😲😱😳
ميس دوت بسرعه:غاده لضرار😱
غاده حطت السفر في الوطاء يلي كانت إتمد فيها لضرار قعدت تبكي وعدت تجري جوه😭😭😭😭🏃‍♀️🏃‍♀️
ضرار إستك في مكانه😳😳😳ومجد مزال فاتح فمه😲😲😲
ملك بحتت في ميس:بسرعه أمشي وراها ميس
ساره باستغراب:كنها هدي إتقول كبسها جن بعد ما سمعت حنين😕
ملك ترقع:لا غير من إمبدري رأسها يوجع فيها
أحلام:صح اليوم تحسيها كيف المضايقه مسكينه وجع الرأس وعر☺
ضرار : لباس عليها كنها مقلتش من إمبدري كان هدي شلنها للمستشفي😊
مجد:حم حم 😏ويوشوش لضرار توه تعرف يا خاين كنك مخبرتنيش 😉
ملك في خطرها هدي يلي ناقص تبي البنت تنتحر بعدها مسد موضوع خوك الاجرب😌وقالت: لاعادي اصلا أمس سهرت بس هد علاش رأسها يوجع
ساره إتبحت بنص عين في ضرار:لابس شن مزلت إترتجي هي خود السفر وأطلع منك ليه😒 علي خشت في هالحظه.....
عند غاده وهي طالعه تجري تخبط في حد خاش لصور بياخد السفر مع العيال غاده إخبطت فيه نين طاحت 🤦‍♀️رفعت رأسها تلقه عمك عمار وهي مسكتها عيط وحده😭😭😭😭😭😭
عمار:يا ستر يا ستر ديري عيون 😊كنك تبكي😧🙁
غاده صبت وهي تبكي دفت عمار بكل قوتها من قدامها وعدت لفيله عمها سلطان تجري😭😭🏃‍♀️🏃‍♀️
عمار: كنها هدي شاف ميس جايه تجري ضبحلها لكن معدلاش فاتت من حداه تجري🏃‍♀️
عمار😡:وليت شفاف معاش حد إعدل عليه كمل طريقه للقراج لقاء البنات وضرار ومجد إمصبين مع ملك و ساره
عمار:السلام عليكم
الكل:وعليك السلام
عمار:قلت نمشي إنشوف معاش جابو شي لاجو وبعدين كنها غاده تبكي و ميس تجري وراها ضبحتلها معدلتش
مجد بيدوي :فتاتك اللقطه قطعاته ملك هي خود السفر وعدي😒 عد مجد
عمار:لقطة شنو🤨
ضرار: توه بعدين إنخبرك مش وقته😑وخداء سفره وطلع
حنين: متحشم ميقدرش يحكي قدامنه كان إتشوف منظره إمبدري 😂😂
ملك:حنين سكري فمك وهني روحك😡
عمار:نبي نعرف توه أنا أحكي حنين مدوريهاش🤨
حنين: هدي يا عريسنا في حد أخر في العيله بيخطب
عمار:باهي كويس ليش غاده تبكي يعني
حنين:ماهو القنبلة هنا
ملك:حنين سكري فمك😡
عمار :أحكي حنين
حنين :أمك يا سيدي بتخطب لضرار غاده وغاده لم سمعت قعدت تبكي لكن متبكيش علي الموضوع المسكينه رأسها يوجع فيها
عمار إنصدم😱😳😳😳(طبعا عمار كان معجب بغاده صاح وكان إحبها لكن لما شاف كوثر حبها وحباته ونساء غاده لكن مهم إكون إنصدم لانه خوه بيخطبها)
ساره:كنك إنصدمت أكتر حتي من ضرار😂
حنين:منضرك إضحك كان تشوفك كوثر إتبطل😂😂😂
ملك مستغربه🤨:كنك مصدوم
عمار:اه لاشي شي غير مش سامع الموضوع قبل استغربت بس
حنين:لا خويله مرام قلت كنت تبيها ليك غير أنت رفضت وشبطت في كوثر هانم😌
ملك:بصوت وطي حقير رفض 😟
عمار:مش شورك ألهي في روحك 😒وطلع وسيبهم
تسريع الأحداث غاده كملت بكها ونزلت هي وميس ولما سمعت قصة إن رفض لما قالوله عليها كرهاته😡وعمك عمار مدوش مع خوه في الموضوع بكل ومجد نشر الموضوع طبعا 😌😂وقررجلال يدوي لخوه علي غاده لكن لما يكمل عرس عمار ومشن اليومين وجاء يوم الزفه وغاده رغم بكها ووجع قلبها إلا إنها قررت تطلع أسمح من العروس واغطي عليها وتشجعت ولبست هدكي القفطان الدمي من فوق كمامه طوال دانتيل شفاف ومن لوطه قصت باربي لعند الركبه ودارت شعرها كعكه فوق عليها إكسسوارات وكعب أسود طويل طبعا خالتها جبت مزينه لي روحها ووليهن قصدي ميس وملك وغاده درتلهن هني الاربعه بس وعقاب صبايه العيله كل وحده ومعرفتها للمزينات 😂 المهم ميس لبست قفطان جيشي لصق لعند الركبه نص كم وضهره عريان فيه إحزام أسود قوتشي وكعب حتي هي أسود ودرت شعرها تسريحه كيوت طلعت إتجنن وملك لبست قفطان كحلي شمواء قصة باربي لعند الركبه وضهره عريان علي شكل سبعه٧ ومن قدام توب وخلت شعرها مطلوق كملا الثلاثه توتي روحهن هني ونجود ونزلا لوطه طبعا جيبين خيمه مكيفه ومنضرها روعه ومديرين الديكور علي اللون الذهبي والكحلي وجيبين سفرجيات وطباخه وغسلت إمعين يعني مفيش وحد قامت قشه من الوطاء😌
ساره مسكه الدربوكه ودربك وتشتي:ويا مولي أقسامي سخر إنحني ونسوك ونبخر حي حي حي👏
البنات كلهن إرداً ورهامعدا غاده يلي كاينه في عالم ثاني وهي تبحت في كوثر وهي علي الكوشه 👰بحقد😡
حنين: يا مبروك عليك مراتك صلي الجامع فوقاته👏
وساره ادربك:حي حي هي الكل إديكم إديكم والباقي مهوش عليكم
أحلام: افرح يا حوش ولا تهز الليل عرس ولد العز👏
ملك و ميس و عرم بنات يرقصن ومهيجات💃💃💃
حنين :وهدي مخصوص لغاده وتقوي في الدربوكه وهكي إدير كبير الهم ولد العم إناسب عمه
ساره إتكمل :وهدي مني ويانجي عمك يا حنه بيديرك تحت إحناحه كنه
وحده من الصبايا تسأل في مرام : إملا خديتو غاده لضرار😊
مرام:إنقول كان كتب ربي☺
غاده سمعتهم وناضت من قدامهن حامق وقبل ما تمشي قالت:انا مش كنت حد ومش وخده ولد ولا خو حد😡😡😡
وعدت تجري طلعت من الخيمه كلها لحقنها ميس وملك برمت عليهن :باللهي عليكن خلني بروحي 😤 سيبنها وردا
مرام : كنها هدي مش عجبها😕
نجود :متزعليش منها حتي البنات غلطنات مفروض مدونش قدام الناس
مرام:عندك الحق
فاديه:أصلا كله من المنجوها أم لسان طويل بنتي وتبحت في حنين😡
حنين: والله مش قصدي 😢
نجود: خلاص الناس إتلافت فينه سكرا الموضوع
عند غاده طلعت إتسب وتلعن🤬
برمت لصور الوراني وقمعزت في الجلسه بروحها ونضت تدوي بروحها : قل شنو يا سلم عمك يا حني إمشي جعن ضهرك منحني 😡 وفي هالوقت كان فيه حد في حمام الصور طلع صبه علي الباب ويسمع في غاده وماسك ضحكته
غاده:رفعت إديها 🤲يارب جعن ما تهنا نشالله تطلع عندها التوحد عطهم سحيقه وخنقه وضيقه ونار لحيقه وصوريخ معيتيقه جعنك يا عمار متهنا
انشالله تطلع عقيم هي باهي😭😭لا والحمير يبو إدبسوني في الفرخ ضرار ليش يا ربي كل من الحقير عمار ولي خدها مفروض انا يلي مكانها توه عليش يا ربي والله انا أحلامنها أمشي هالحول إمشي عطك الساحق والملحق والرصاص المتلاحق 😭😭😭😭😭😭وتبكي وتخبط
وفجأة يطلع صوة ضحك جنب الحمام
متاع الصور تلتفت وهدي الصدمه😲😲😲😲
_____________________________ الجزء الاول تم✔️
من إتوقعوه يلي كان يضحك وشن بيصير في ضرار وعمار وكوثر الكنه البرنيه وشن يلي وحيتغير في غاده
تبعو وتو تعرفو منوصيكمش ديرو الحوله
كان في أخطأ إملائية 😊😂قراءة ممتعه🖤 Soma Alsideek{أحببتك فأحبني غيرك}🖤