غاده: لعند امتي هكي يا ملك😾
ملك: شنو🤨
غاده: هالحاله متعك انتي وأصيل لعند امتي هكي تقعدي اه كم مره مغطيا عليك كان يندري عمي ولا خويله تعرفي شن إديرو معاك اه 😡حني مش متربيات علي هدا هكي تخوني في ثقت بوك كم مره نقولك هالكلام اني😡افهمي
ملك: باهي شن مندير انا 😭والله نحب يا غاده
غاده بحزم: معاش تكلميه وكان إحبك صاح إيجي يخطبك كلا اللعب الزايد هده فكيك منا 😾
ملك: هو قال بكلم بابا لكن مقلش امتي
غاده: خلاص معاش تكلميه وبعد يجيك ويسألك ليش قولي لما تقعد راجل وتكلم بويه إنكلمك😾
ملك: متاكده اندير هكي خير😢
غاده: طبعا 🙂اصلا هم ما يمشوش إلا هكي😌
ملك: شكلا تعب معاك هيثم😏
غاده ضحكت وبعد جت بتصبي لكن مقدرتش رأسها داخ😵
ملك: بسم االله😱 وعدتلها مسكتها: غاده وضعك مش عجبني ليك شهر علي هالحاله😟ديمه تدروخي
غاده: مفي شي يا ودي خيرك مكبرالشورخ😑 عرفتيه عندي صداع نصفي عادي عادي😕
ملك : يا غاده مش هكي رحتي ديمه إدوخي عدي للمستشفي😟
غاده: منحبش سريب المستشفيات😓 وبعدين انا من الصبح نجري اكيد مندوخ خلاص نمشي نرقد ونقعد كويسه 🙂
ملك: منيش مطمنا لراسك هدي انا🤨
غاده: تفولي عليا توه🤨 وصبت منمشي منرقد وأنتي هي قدامي بلا سهر زايد😏عندنا منديرو بكره صبت ملك: هي قدامي 😋
وعدا رقدا😴😴
.................soma Alsideek
ثاني يوم ناضوا الكل وكل وحده عدت للمزينه توتي في روحها والعرس كان كل شي واتي جيبين خيمه مكيفه ديكورها موف💜مع رصاصي وجيبين مضيفات وغسلت إمعين والعشاء من بره يعني حتي في عرس أحلام هني مقربن شي 😂البيرات😌سلم بو أحلام هو يلي دافع😂😂😂
في حوش سلطان تحديدا في الدار يلي إوتن في روحهن فيها غاده مازالت ما وتتش روحها تراجي في دورها علي المزينه يلي جيبتها خلتها😊 ملك كملت ولبست هي وامها و ميس مازالت مالبست لكن قاعده تمكيج فيها المزينه ملك قفطان طويل احمر بلا كمام و ميس قفطان باربي لونه وردي ورصاصي من لوطه حتي هي بلا أكمام وغاده لابسه بلوزه و سروال مزال ما درت شي 😂لكن قفطانها لونه ذهبي قصير ضابط علي الجسم ومن وراء ضهر عريان ومن قدام مسكر وكم طويل
غاده حط كراع علي كراع ترجا 😑وتصفح علي النت 😋نين جاها إتصال من منار
منار: مرحبا غيوده
غاده: مرحبتين شن جوك اليوم
منار: تمام وانتي
غاده: ميه ميه😋 قتلك بتجي بعدين لحوش خوالي ولي بتجي تمشي معانه
منار: انزلي افتحي انا لوطه جيت اصلا 😌 لكن ماما وندي بيمشاً مع بابا غادي طول المهم هي تعالي افتحي الباب توه نخبرك😁
غاده: يلا جايه☺ ونزلت لوطه
ملك: وين ماشيه 🤨
غاده علي الدروج: منمشي نفتح باب الصور لمنار جت😊
ملك:ااه باهي عدي
غاده فتحت الباب لمنار
منار سلمت عليها : خساره مش موتي روحك😔
غاده: علاش إخسار مزال بدري
منار: قبل نبيه إشوفك واتيه
غاده: من 🤨
هيثم طلع راسه من وراء الباب : انا 😊
غاده: 😲 وقعدت إتلفت
مناربرمت علي هيثم: يلا انا ماشيه جوه خود رحتكم😉 ومتخفيش توه نغطي عليك ☺انا ولبنات
غاده: لا والله 😾وبرمت علي هيثم وهي تبحت فيه معنها باهي به تو تعرف😡
منار عدت🚶♀️
هيثم: هي اليوم جيت منسمعها منك فيس تو فيس 😉
غاده : برا ملح😠 انا منخش اصلا والحركه هدي تو تعرف عليها كان شافك حد شن حيكون موقفي انا😡 وجت بتعدي لكن
هيثم مسكها: غاده رجي شويه نبيك والله اسف اخر مره 😟ما تمشيش اسف
غاده: باهي شن تبي😏
هيثم: شي نبي نشوفك بس😅
غاده: 😂😂😂
هيثم: ربي سلمها هي وضحكتها غزلتي 😍
غاده: هيثم هني روحك خير☺
هيثم ضحك😄: علي فكره الوشاح كان مغطي خيوط ذهب😍
غاده نست روحها مش لابسه وشاح🤦♀️ برمت وبتعدي للفيلا تجري لكن وصلت في فم الباب الداخلي و طاحت
هيثم : عدا يجري 😱🏃♂️رفع راسها شويه : غاده يا غاده ردي عليا غاده😟😱ردي ياروحي ويخبط فيها بشويش علي خدها
هيثم معاش عرف شن إدير خطرت عليه اخته كلم منار بتلفون: منار فيسع إنزليلي وجيبي معك وحده من بنت عم غاده فيسع و متخليش حد يفطن لشي منار نزلت ومعها ملك ومخبرا حد يحساباغاده وهيثم متعاركين😌 بعد ما طلعن لقن غاده ديخه😱
ملك: عدت تجري وخدت غاده من هيثم وهي تبكي والمكياج خرب😂😭😭😭نوضي يا غاده 😭
منار : كنها غاده
هيثم: فيسع جيبي ميه
عدت جابت ميه مسحولها بيها وجها ومزالت ملك حط رأسها علي كرعيها وهيثم مقمعز علي ركبيه ومسك يد غاده و منار جنب ملك وبعد شويه فاقت غاده
ملك لم شفتها وعت شويه فيها: غاده يا قلبي تسمعي فيه😢
غاده: مزال ما نطرشتش نسمع 😌 وقعدت إتقاعد شويه وسعدوها ملك وهيثم
منار: شن تحسي يا غاده توه
غاده: شي مفي شي شويه دوخه عادي
هيثم بعصبيه: شويه ودنك😡تو تعدي معايه للمستشفي
غاده: لا والله تبي اليوم تعلق مشنقتي ملا
ملك: لي شهر انقوللها عدي للمستشفي متبيش وهي ديمه جيتها الدوخه هدي
منار: شهر😮
هيثم ابحت في غاده : كنك ما خبرتيني😾😡
غاده: ووووك من المبالغه مافي شي مجرد دوخه
غاده حولت تصبي مقدرتش رأسها برم ردت مره تانيه قمعزت وحطت إديها علي رأسها
هيثم بعصبية: ايه ايه مفيك شي مجرد دوخه 😡
منار: غاده ضروري مستشفي
ملك: قلتلها لكن إمعندا
هيثم: غاده هو واحد من الاثنين يا تمشي بروحك وبأردتك يا توه تمشي معايه😡
غاده: واك علي جدي باهي يا همي توه نمشي😩😵
ملك: تمشي فيك راه مش حتمشي😟
هيثم: تره احلفي انك تمشي😉
غاده: والله وراسك نمشي غير برا علي حالك قبل ما يشوفك حد 😩
هيثم صبه : خلاص حلفتي اليوم تمشي
غاده: غبي انت كيف حنمشي اليوم وعندنا عرس🤨
منار: صح كلامها😑
هيثم: لا مش صح العرس مش اهم من صحتها😑توه تنفعك بنت عمتك ولا ولد خالك تمشي يعني تمشي😡
ملك تسمع في امها إضبح: ماما شكلها جايه😱
غاده: ادف في هيثم: تي صبي صبي تو تشوفك🙀
هيثم صبه: عارفه يا غاده ماتمشيش للمستشفي نهارك مني والله إنجي نشيلك انا عرفتيني😡
غاده: وووك عليا إقلب وجهك تو نمشي امشي خالتي جايه يا بارد
هيثم عدا وهو مشغول علي غاده ونجود جتهن
نجود: كنكن قمعزتن هناو انتي وتشير علي ملك خيرك لابسه العبايه من توه 🤨 شن فيه
ملك: لا شي عادي وكان لبستها😌
نجود بحتت في غاده: كنا وجك اصفر
منار: ماهو داخت
نجود😱😱شنوووو
غاده: كملت توه😩 وانتي من قالك ادولها😾
نجود جت لغاده : بسم الله عليك بنيتي
منار: احسن بيش تعدي للمستشفي😏
غاده صبت: هه ما في شي
ملك: مهو انا يلي كنت إمدده هني مش انتي😤
غاده عدت فوق بدون ما تدوي بكل وتوتوت بروحها😤🤬 وهيثم كل ساعه إرن عليها يطمن😌 وكملوا اللبس وكل شي وعدو لحوش خولهم وحضروا العرس وعدا اليوم علي خير وسلام وروح يلي هدي لي حوشه بعد يومين عدت غاده مع خالتها لدكتور وطلب منهم تحاليل وصوره اشعه وغيره .....😓😫طبعا معدتش نين طلع الشيب في لسان هيثم وهو كل هاليومين عدي ياغاده عادي عادي......😩🤯😂
وبعد طلعن التحليل بعد يومين اخري😑
عدت غاده و ملك بس للمراجعه لان خالتها مش فاضيه جينها ضيوف و ميس تعون فيها سيبوهن إوتن لضيوف😋 شالهن سلطان لدكتور خشوا عليه
الدكتور بين عليه ان مش مطمن: والله شن منقوللكم يا جماعه
سلطان: إحكي يا دكتور خوفتني
غاده مسك في يد ملك وخايفه
الدكتور: انتو مامنين بأرادت ربي وان كل شي من ربي لسبب صح
سلطان: طبعا الحمد لله لكن شن فيه
الدكتور: عندها ورم 😔
سلطان: شنو🙀
ملك 😭😭😭وتضبط في غاده
غاده 😲
الدكتور:.....................😟
غاده:😭😭
...............Soma Alsideek🖤
الجزء الثامن تم ✔️
عطوني رأيكم في الجزء ☺وديروا الحوله كان فيه أخطأ إملائية 😉مش تنسوا واهم حاجه تعليق+نجمه ارجوكم بليز🙏🙍♀️شويه دعم ولله مانكم خسرين حاجه 😢
هي خلاص حسني كثرت دوه يالا تشوو😊قراءه ممتعه😊 Good due 👋
📝Soma Alsideek
