أحببتك فأحبني غيرك

الجزء الرابع🖤

الجزء الرابع🖤
بقلم:Soma Alsideek 🌕✨
احببتك فأحبني غيرك
____________________

لما كان أصيل وهيثم مروحين بيتعشوا
مع أصحابهم في المطعم أصيل إسوق
هيثم: المهم يا سيدي اليوم كلمتني أختي وانا ماشي منروح بيها وقلتلي في بنات صحباتي بروحا معايه عادي او لا قلتلها لعيت من هدين ووين يسكنوا قالت العيت**** وسكنا في ال**** لعند توه فهمت😋
أصيل: بهي كمل😑
هيثم: عرفت إنهن من نفس عيلت ضرار سألتها بنات جلال قالت لابنات سلطان وبنت عبدالله عرفتها نفس البنت يلي دولي عليها ضرار عرفها هدي يلي حكيتلك شن دارت
أصيل: تمام فيسع كمل وأختصر الموضوع😒😩
هيثم : قلت باهي ولما جن البنات وركبا سمعت وحد إشهقت رفعت عيوني للمرايه وشفتلك هدكي الشوفه😲
أصيل: شن شفت😤فيسع
هيثم: شفت البنت أم دعاوي😍 ولما أختي ضبحت علي هديكي غاده ردت عليها أم دعاوي😀
أصيل : يعني علاش تكبر في الشطحه مقلت من الاول ام دعاوي هي نفسها غاده😑 وبعدين ستوعب شنووووووو😮
هيثم: هدي وين وصلت المعلومه مساء الخير 😒
أصيل: 😅بهي شن درت أنت
هيثم: أنا لما عرفت نمسكلك هديك الفرينو من الصدمه المهم بعدها قعدت إنلقح في الكلام وهي فهمت لكن معدلتش عليا 😔
أصيل: وتو بعد ما عرفتها بنت من شن بدير🤨
هيثم:شي
أصيل: كيف شي
هيثم: من كلامهاهدكي اليوم ودعها علي عمار خو ضرار عرف إنها كنت تحبه شكلها 😔
أصيل: أنك قلتها كانت تحبه وهو إجوز وانت قلتلي ان عمها هدكي اليوم حلف علي العيله وحتي ضرار زعل منه يعني توه فرصتك🙂
هيثم: عرف إن انا حضي اسود يعني لما نجي تعجبني بنت ونحبها تطلع تحب شخص تاني وصاحبي قبل بيخطبهاوأنضر إحبها هو وإلا لا 😑
أصيل: عندي فكره انت اليوم خود ضرار علي جنب ودير روحك إتهدرز معه ودبر كيف إتقصقصه علي غاده وبنسبه ليها إنت ادر كيف إتخليها تحبك 😏
هيثم: تم يا طيري نشالله مانفقدك😀😀😀😍😍😍
أصيل:😂😂😂😂😂وصلو المطعم تعشو وولي طلب شاهي وفي يلي طلب قهوه ولي طلب أرقيله وقعدو إهدرزو ضرار : بيطلع بره لسياره بيجيب تليفونه حطه في شاحن السياره إمبكري☺
طلع وره هيثم حصل فرصه بيش يسأله
طلع ضرار التلفون وسكر السياره برم لقاء هيثم وقف جنبه
هيثم: 😊
ضرار: شدير طالع
هيثم: اه لاشي منتنفس هواء ربي👃 قطعتني يوسف والارقيله متاعه جوه🌫 وأنتي ؟
ضرار: شير بتلفونه منجيب تلفون من الشحن
هيثم: باه.... خطرها اليوم روحت ببنات عمك مع أختي من كليه الأسنان
ضرار: كيف😲
هيثم: كنك مصدوم 😂
ضرار: كنا عمي ما كلمني انا 😤ولا خلاص بعد القصه يلي صارت معاش ننفع مهم كان مفروض انا كلمني ولا وحد من الولد وكيف ركبا معاك 🤨هنا
هيثم: والله ما نعلم أختي قالت صحبتي بروحا معايه من عيت **** ووصلتهن لفيلاتكم عرفتهن من عيلتك لما قالتلي أختي بنات سلطان وبنت عبدالله
ضرار:😡حمق متع كيف إروحا مع صحبي
هيثم : خطرها شن صار في خطبتك لبنت عمك عمك مش حلف شن درتوله
ضرار:مصارش عمي حلف ميعطيش للعيله
هيثم:إذا كنت تحبها وتبيها خلاص خلي بوك يقنعه🤨😊لكن في خاطره😤😬
ضرار: لا عادي مش مهم ربي يكتبلها نصيبها مش ناقصنا مشكل😔
هيثم:نفهم من هكي انت متبيهاش😃
ضرار:ايه عليش تسأل🤨
هيثم بتشقق من الفرحه:لا شي مجرد سوأل خطر علي بلي ☺حرم يعني كان سألت😏
ضرار: وحده من يلي روحت بيهن إمبدري هي بنت عمي يلي دويت عليها☺
هيثم إمثل الغباء:والله صاح 😅مشفتهنش حتي الشوف عرفني انت منبحتش ولا بتأكد إني نعرفهن عرفهن حركاتك هدينا😒
ضرار: صار عارف 😅 وقعد إهدرز نين بطلو ونعسوا وروحوا كل واحد لحوشه وأصيل روح بي هيثم وطبعا هيثم خبرا
.......................Soma Alsideek
تسريع للاحداث يلي صار كتالي مشن اسبوعين هيثم مشافش غاده ولا غاده شافاته و كوثر مرات عمار حامل طلعت وغاده لما سمعت درت روحها مش معدله لكن مهم إكون توجع 😔و ميس وملك قعدات كيف ما هنا و ضرار مصارله شي قعد عايش😂 وعمار فرحان بحمل كوثر قريب بيطير والدنيا ماشيه مع عقاب المافيه قصدي العيله😂ندي أخت هيثم و منار نجحت وطلعت الاوله علي المدرسه امها درتلها حفله بمناسبة نجاحها وعزمت صاحبتها ندي و منار عزمت غاده وملك و ميس صحباتها للحفله وغاده و ميس وملك بعد جهد جهيد وإقناع في نجود وسلطان بيش خلوهن يمشا لكن بي شرط إنهن مفيش تطويل عدا بعد العصر ويروحا العشاء
طبعا الحفله اليوم خليكم توه معها 😊
وصلا البنات لحوش منار وصلهن سلطان
سلطان: بعدين اول بعد قريب نوصل نرن عليكا☺
ميس وملك وغاده: تمام ونزلا خشا إستقبلتهن منار وبعدها سلمن علي امها هدي وبركن لندي علي النجاح وكانت كل وحد جيبتلها هديه عد عيب اول مره إخشن لحوشهم وإدهن فاضيه 😋
( كنت غاده لبسه سروال واسع طيني وبلوزه قصيره بيضه ووشاح أبيض مخربش بطيني وشنطه بيضه صغيره وكويش أبيض عالي
ميس لابسه بلوزه عنبريه طويله من وراء وقصيره لنص الفخد من قدام وفيها لؤلؤ علي الجيوب يلي علي الصدر من قدام و سروال جينز وسع شوي مش واجد ووشاح أسود وشنطه سوده وكندره سوده
ملك لابسه بلوزه بيضه عليها رسم بالاسود وجاكه صفره واسعه كيف متاع الراب وفيها خيط من الوسط و سروال أسود والشنطه سوده علي شكل قلب وكويش ابيض ووشاح ابيض)
هدرزا وضيفوهن طبعا ندي لهيه مع صحباتها وهنا إهدرزا مع منار بس
منار: بنات تعالا معايه جوه لداري كان هدي نقعدو علي رحتنا😊 طبعا هل منار عندهم مربوعه كبيره بره في الصور بحمامها لضيوف والحوش بروحه
غاده:علي راحتك حبيبتي☺
عداً ميس وملك و منار جوه للحوش وخشن لدار منار
ميس: مشاء الله دارك حلوه😍
منار:عيونك الحلوات☺
ملك: كل وحده منكن ودارها!
منار: ايه ☺
غاده:نحنا لا انا وملك و ميس في دار وحده معا ان الفيلا كبيره وفيها خمس ديار لكن نحن نحبو نقعدوا مع بعضنا في نفس الدار
ميس: مش نحبو متصدقهاش هي تخاف تقعد بروحها قلنا هي نقعدوا معها😂😂😂😂😂
غاده: خزي يا بارده بهي به
منار😂😂😂😂😂
ميس: نبصر نبصر نحنا من ونحنا صغار هكي نحبوا نرقدو ونقعد مع بعضنا ديما غدوش تؤمنا الثالث😘
غاده😍
منار : ربي يحفظكا لبعضكن
البنات: امين ويحفظك
ملك: بهي شن منديروا🤔
منار: خطرتلها فكره غدوش انتي صوتك حلو هي غنيلنا😊
ملك: صاح حتي في الحوش انا نعزف عندي قيتار🎸تعلمت عليه وهي تغني ديمه هكي كل ما نكسدوا إنديروا
ميس: أنا عطوني دربوكه وعقاب الالت المسيقي منفهمش فيهم😂
منار صبت: لحظه بس ونجي وعدت تجري🏃‍♀️جت بعد لحظات وفيدها فيتارا قهويه وتضحك☺
ملك: هدي منين 😋
منار: درت سحر وطلعتها من تحت الوطاء😂نبصر متاع هيثم خويه
غاده : خوك يعزف🤨
منار إتحرك في يدها👋: يعزف علي القيتار والعود والبيانوا ويغني حتي التغني خويه متعددالمواهب😌😂
ميس :صار عندكم ستار في العيله😂
ملك:إحم إحم وتبحت في غاده😏😉 صار هكي منوره هتي هي
منارعطتها لملك : هي غاده غني ☺
غاده: شن تبن تسمعاً
ميس: علي راحتك عبري علي مشاعرك😁
غاده : هي ملك منعني يا متفتحيش في جرح ☺وبدت ملك تعزف 🎶🎼
غاده : ماتفتحيش في جرح عشتوا زمان أُوللزمان إرجع يا زمان🎶🎶 يحلم رهنت بعمري عليه وطلعت من الرهن خسران ياسمر يلي عنكي كدابين والله لو بعشاء حجر حيلين اسقي شوق تسقيني دمع العين قصه ومتعاده بألها سنين نفس النهايه الفرق في العناوين 🎶🎶🎶🎶صبرت صبر لوشالوا الجمل حينين ملقتشي منك حتي رد جميل انا كنت لك زاهد وكنت سبحتي شوقي كونتيلي سم بيجري في عروقي
🎶🎶متشكرين علي فرحت البدايات وححول انساء اسوت النهيات🎶 متشكرين على فرحت البدايات ونهايه سابت في القلوب علاماااات
منار: صوتك روعه 😍
ميس: إملا شني هدي غاده يا قلبي كل حاجه فيها روعه طلعتلي طبعا😂
غاده: احلفي😏
منار: أغنيه اخره هي 🤗وفي هاللحظه تسمع غاده إنقال إرن
غاده: مره أخرى حبي عمو سلطان جاء وصبت وتقبلها المرايه متلع الدولاب وتحق😲😲😲😲😱😱😱😱
...........................
عند هيثم كان مروح للحوش يبي إغير ويطلع خش للحوش من باب الوراني لانه عارف فيه صبايا 😌مأدب شريني😂
خش للحوش ويسمع هدك القيتار حمق عارف منار ديمه تاخد فيه من وراه وهوخش جوه وبيفتح بابا الدار متاع إخته يسمع حد إغني وكأنه صوت مألوف عليه ومش صوت منار منار لما تغني تطلع زي الحمار يلي إنهق😂😂
فتح الباب بشويش وقعد إروقب شاف غاده وعطيته بضهرها وبيان وجها في المرايه متاع الدولاب وتغني ومغمض عيونها ومنسجمه قعد إمصبي وتفرج عليها 😍😍😍نين كملت وحتي لما كملت قعد إتفرج كل يوم تعجبه
اكتر رن تلفونها صبت وشفاته
وهو إمصبي زي المستوه ويتبسم
☺
لما فطن لي روحه ولي أخته طالعه عد يجري لداره🏃‍♂️
منار عدت لباب الدار هي وملك و ميس وغاده مزالت واقفه🙊😱
منار بحتت فيها : غاده كنك أمصبيه
غاده: اه لاشي شي طبست علي الشنطه وطلعت وهي تقول في خطرها شن كان إمصبي إدير هالحمار ونهر أحرف اكيد سمعني وانا نغني خزي يلي ما تحشم
طلعت سلمت علي ندي وهدي أم منار ووصلتهن منار لعند الباب وسلمت عليهن وقالتلهن إنها مش جايه بكره لجامعه لانها بتساعد امها بكره ملتمين عندها خلاتها وصبايا خولها علي نجاح ندى وقلتلهن بيش إدزلي المحاظرات😊
وروحا البنات وبعد ما روحت غاده حكت للبنات شن شافت وكانت ردت فعل ملك وميس👈😱😱😲😲
غاده:هلي ما إتحشم😡
ملك:بيش لما إنقولك معجب تصدقي😆
ميس: وانا نقول كنها إتلفت غاده لما طلعنا
غاده: والله لله وهو يطلعلي في كل مكان😒مش بعيد يفتح الباب متاع الدار
ويخش توه😑
ميس وملك😂😂
غاده مسكت تلفونها وفتحت النت طلب صداقه و لقت حد دزلها علي المسنجر💬 فتحت لقاته هيثم عيطت:وووه الحمار 😲
ملك: منو شن صار 😨
غاده: هيثم بعتلي طلب ورساله علي المسنجر
ميس وملك😲شنوووووو
غاده: مش قلتلكن توه كان نفتح الباب نلقاه وراه😒
(طبعا هيثم كان في الصاله إمقمعز وتلفون منار جنبه خده وطلع بيه بره بدرقه🤫🤭وفي خط في باله
فتح السجال وخداء رقم غاده لقها مسجلتها غاده عبدالله وخش علي المسنجر وخداء إميلها وخش رد التلفون وهو يسمع في منار تسأل في ندى عليه وخش لداره وسكر عليه درلها طلب ودزلها علي الخاص )
ميس: دكت وجها هي وملك مع غاده😂
شن كاتب وريني
هيثم📩: مرحبا بأم الدعاوي😊
شن امورك علي فكره صوتك حلوياحلو 😉😁
غاده:رتي يلي ما يتحشم
ملك: الله الله يا حلو
ميس: ردي عليه ردي
غاده: 📤مرحبتين بسخيف 😒محد طلب رايك في صوتي
ملك:خيرك كتبتي هكي يا غبيه
ميس : غبيه
هيثم📩:احلا وحده قالتلي يا سخيف في حياتي 😁
ملك:وه يا قلبي 😍
ميس: شفتي الدوق هكي يحكوا
غاده📤:عارف إنك واحد قليل الادب ومتحشمش تروقب عليا إمبدري ويومتها في الصور وتوه تقول في كلام قليل الادب وسخيف زي وجهم شن تبي 😡
ملك:اه عليك كلام والله إنك وحده غبيه
ميس: عارفه إنك وحده متفهميش
غاده طفت النت وسكرت التلفون وسكتت😡
ملك: كنك زعلتي والا كلام الحق وجاع
ميس: عارفه يا غاده إنك غبيه
غاده تبي تبكي😢انا شن درت
ملك: عرفتك مزلتي تحبي عمار واكبر دليل إنك لما سمعتي ان كوثر حامل قعدتي تبكي
غاده : مبكيتش
ميس : بلا كذب يا غاده سمعنك خشيتي للحمام وقعدتي تبكي قلنلك انسيه انسيه
ملك: يا غاده عمار مجوز ومرات حامل وهو نساك عليش مزلتي تحبيه
غاده: أنا منحبش وكرهت لكن لما نشوفهم فرحنين علي حساب سعادتي انا نكره روحي معاهم عرفه كيف لاحساس هدي انتا تلوما فيه ومش حسات بيه انا معاش عندي ثق حتي في روحي
ملك :يا غاده عطي هيثم فرصه بلك ربي إعوضك فيه شفت انا لما ركبنا معاه كيف إبحت فيك وسمعت كلام إخته كم مره وضحكت وقالت حتي أخر حاجه كتشفتها إن يعزف هكي نطمن ان في
حد تاني يعزفلك غيري😄
غاده : خطني تره معنديش وقت وبال لتفهات زايده😒
ملك صبت: فكري فيها انتي توه تلقي
كلامي صاح وطلعت من الدار
ميس:كلام ملك صاح يا غاده عطي
فرص لغيرك ولنفسك☺وصبت عدت لسريرها ومسكت حتي هي التلفون
غاده ولعت النت لقاته راد عليها
هيثم📩 :سم اللهي كنك ولعتي سامحيني علي التروقيب إمبدري لكن
سمعت صوتك عجبني 😁
📤غاده: وباهي شن مزال تبي
هيثم📩: شي منهدرز عليك بس
غاده 📤:منحبش حد إهدرز معايه وخصوص وحد سخيف 😏
هيثم📩:الله محلا السخيف من أم دعاوي😍
غاده 📤: مش انا ام دعاوي خلي ندعي عليك بحضر إهبل توه سلام يا سخيف 😄😒😌ودرتله حضر علي المسنجر
هيثم لما درتله حضر مزعلش واجد كان متوقعها لكن عداء.......................
....................Soma Alsideek
الجزء الرابع✔️
شن إتوقعو بيدير هيثم مع غاده وغاده شن بتكون ردت فعلها تبعو الجزاء الخامس تو تعرفو منوصيكمش علي الحوله😉😂😂😂
قراءة ممتعه حبيب😍
📝SomaAlsideek