الجزء التاني🖤
بقلم:Soma Alsideek 🌕✨
احببتك فأحبني غيرك
__________________________
كانت غاده تبكي وتنوح😭😭😭 وفجأة تسمع صوة😲 واحد ميت ضحك
.....:😂😂😂😂وووووه بطني خلاص معاش نقدر 😂😂😂ووووه منين إتجيبي فيهم دعاويك أنتي
غاده : مزالت تحت تأثير الصدمه😲😲😲😳😳😳😳😳أن أنت منو
هيثم من بعيد:لا غلط السؤال انتي منو يا أم دعاوي قنابل 😂😂
غاده:سخيف 😒
هيثم: خلاص سمحينه سمحينه مش نقص دعاوي بالعقم والساحق و الماحق وصواريخ معيتيقه😂😂😂
غاده:تمت تضحك علي روحها😂😂
هيثم: حي طلعتي تضحكي نحسابك متاع مأتم بس😂😂
غاده: 😒ثقيل أنت منو وشن جيبك هنا
هيثم: يا حنه انا هيثم صاحب الفرخ ضرار يلي تدوي عليه خطرها شن إمديرلك الفرخ ضرار انتي تقدري بدعو وحده إتودريه😂😂😂
غاده بترد لكن سمعت صوة البيبات متاع الزفه قعدت تبكي وخشت للفيلا متع عمها سلطان تجري 😭😭🏃♀️🏃♀️🏃♀️
هيثم إمصبي إبحت فيها نين خشت ويقول في خاطره :شن قصتها أم الدعاوي هدي خساره حتي إسمها ما عرفته لكن بصراحه طرف 😍 غريبه متحشمتش لا خشت طول إمصبيه وتناقش فيه شويه في حد حط يده علي كتفه😱👋
هيثم: خلعتني الله يخلع جد أصلك
ضرار: فيش إدير بروحك هني🤨علي أساس ماشي للحمام شويه وجي رحت معاش جيت
هيثم:اه..لا غير جاني إتصال
ضرار:صار هكي باهي هي نمشو إنزفو عمار لحوشه
هيثم:هي وعدو🚶♂️🚶♂️
......................Soma Alsideek🖤
خليني إنعرفكم علي "هيثم"
طبعا هيثم صاحب ضرار ولد عمي عرفينه 😌 وفي نفس الوقت ولد صبيت خالته 😋شرموله صاح 😂المهم عمك هيثم عمره 21سنه يقراء هو و ضرار في الهندسه وشخصيته حلوه وعند هيبه لكن بصيري وجو حلو عند أختين وهو الولد الوحيد لبوه وأمي بوه إسمه" أحمد" وأمه "هدى" إخته يلي أصغر منه"منار"18سنه قاعده سنقل 😋وتقره حتي هي أسنان
وأخته الصغيره"ندى"تقراء أول ثانوي
وهدي هيثوم 😂وعيلته
.....................Soma Alsideek🖤
المهم عمتك غاده عدت لدرها وفاتحت المناحه 😭😭😭😭وحطت سمعات في ودنيها بيش متسمعش لا بيبات الزفه ولا الديجي🔊🎤 متاع العرس وحطت أغنيت عراقيه🎶🎧 المفروض أعوفك من زمان🤚كون من داك الوكيت من علي تغيرات😔 ليش منك ما تبت بس يلا من فات الاون تعبي هان كل شي بان إلي وعدي بوعده خان.............. وهي معليتها علي الاخير🔊 وتبكي😭😭😭 نين رقدت💤 وهي لبسه دبش العرس والمكياج راح خرائط علي الوجه كيف عزوز القايله 😱😂
عند البنات لوطه بعد الزفه وبعد ما روحو المعزيم كلهم والمغربيات إنضفن في الخيمه بيش بكره إتجي عمتك كوثر ويدرولها الصبحيه فيها وتلبس الرداء الابيض وعند الرجاله بره شباب العيله إضمو في خيمت الرجاله والرجاله الكبار مشو لحوش عبدالله يلي قلنه إمديرينه كيف الملحق لشباب المهم بيرقدو فيه لانه الصبايا جوه عرفين شن قصدي😂 المهم البنات قعدات في الصاله الجوانيه لحوش جلال معهن مرام وفاديه ونجود وخلات وصبايه خوال عمار وبنات خلاته وخواله بيتين وتوه إهدرزو كلهم صبن ميس وملك بيعدن لغاده معاش شفنها من لما طلعا لكن نجود عدت لقتها راقده في دارها هي والبنات مبتش إتنوضها
أحلام: مزال بدري وين مشيات خليكاً
ملك: لا والله تعبنات 😅ومنشوف غاده
ساره:كنها هدي معاش نزلت من إمبدري وحتي كان حنين غلطانه لكن شن قصدها منزلتش من إمبدري ولا علي قولتها متبيش خويه أحسن ملا فكه منها خوي ألف بنت تتمناه 😏😡
ميس حمقت من كلام ساره : هي هي هي 😡😠كان خوك ألف بنات تتمناه خلي يمشي يا خد من هالالف متاعه نحن وخيتي ربي يحفضها خطابها طوابير يا هانم لكن يلي قال فيها الشينه طز ويا كلها في عينه😒
ساره صبتلها: شن قصدك ياميس أنا إتقوليلي طز 😡
ملك : والله كيف ما إنتي دويتي علي غاده مفيش حد خير من حد وكلنا بلسنات مش خرس😡😤
أحلام: خلاص يا بنات إخزن الشيطان
حنين: بسم الله شيطان وخش بيناتهن
نجود:ملك ميس روحن للحوش وتوه تعرفن إحسابتكن😠
مرام: ساره سكري فمك محد طلب منك تدوي علي غاده وعليش عدت
ساره:لا هكي واجد كلا علي شان غاده هانم😡
مرام:ساره سكري فمك
مروه بنت خال عمار: خلاص يا ساره شن درتلك البنت في حالها
ساره:لا حبيبتي إنتي متعرفيهاش إدير في روحها طيب وبريأه ويا ناري اليتيمه المسكينه وهي خبيثه غايره من كلنا لانه عندنا أهل مش زيها عيش عالا علي عيت عمي سلطان
نجود معاش تحملت الدوه علي غاده هكي: ساره😠إحترمي روحك غاده يلي مش عجبتك متجيش في ضفرها
ميس جت لي ساره وعطتها كف👋 نين لفت360درجه😂
الكل:😲😲👀👀😱
مرام: ميس 😡
نجود تبي تدوي لكن شافت شخص مش مفروض يسمع يلي صار أبدا وهو......
.......................soma Alsideek🖤
عند غاده ناضت حولت السمعات ملقتش في صوت اغني ولاشي يعني كملت الزيطه والزنبليطه متاع هرس المتهرس عمار😤😂صبت غيرت بيش تنزل لوطه إتشوف ملك وميس وين ولبست توته متاع صاعيقه عباره عن سروال واسع وفيه كبسات من لوطه و فلينيه كم فيها كبسات في نهاية الكم وفيها برنوص وجيب من قدام لبست وحطت وشاح أسود تحسبا كان فيه حد من الشباب لوطه وخدت صباط أو شبشب يلي تبوه😂ونزلت عدت لفيله عمها جلال وهي تخش علي كلام ساره يلي كانت تدوي فيه
نجود: غاده 😱
ميس وملك والكل😱😱😱😱😱
غاده قدمة لساره وهي تبكي: أنا إتشوفي فيه هكي يا ساره شن درتلك أنا اه وأنا يلي كنت نعتبر فيك كيف أختي أتقولي عليا هكي😭😭😭😭😭
ساره: لا أنا مش أختك يا ماما ولا وحد فيهن أختك أنتي يا روحي يتيمه وتحمدي ربك يلي منخدوك لخويه شفقانين عليك لا أكثر ولا أقل ولا أصلا منبحتوش فيك لكن قال بابا حرام بنت خويه اليتيمه تقعد محد يخدها وخوي المسكين قال هي نكسب فيها أجر
غاده:😲😲😱😱😱😱😭😭😭😭😭
ميس : لا شكلك تبي طريحه مش كف وعدتلها لكن أحلام مسكتها هي ومرت خال ساره مها
غاده معاش تحملت طلعت تجري مش عارفه وين قعدت تمشي بلا عقل تفكر في كلام ساره جرحها وحست إنها بلا سند من غير أهل طحت في مكنها في والوط الصور يلي قدام الفيلا علي ركبيها وقعدت إتخبط على الوطاء وتعيط بصوت عالي : لا لا لا ياربي ليش هكي حرام عليكم شن درت أنا حرم عليكككككم بابا وينك شوف شن قالو عليا يا ماما تعلي دافعي عليا تعلو شفو غاده والله تعبت تعبييييت جو الرجاله علي عياط غاده شباب العيله فارس ومجد و ضرار و أيمن خال عمار وحتي هيثم لكن مقربش عليهم لا هو ولا خال عمار من بعيد يعني ميشوفوش فيها غاده لكن يسمعو جاء سلطان لما شاف غاده علي الوطاء عدلها فيسع قمعز جنبها وضبطها وهي إتخبط وتبكي وتعيط
الشباب:🤨🤔😲😳🤷♂️
غاده:تعبت تعبيييييت حرم عليكم شن درتلكم 😭😭😭نبي أهلي معش نبيكم كلكم خلاص نبي نموت تعبيييت نبي بوي وأمي 😭
سلطان: كنك يا بنيتي شن صارلك وبرم علي الصبايا في فم باب الفيلا: نجود كنها غاده
ميس بغل علي ساره: كلا من ساره
جلال: ساره🤨
ملك : صاح كلا منها هي قلتلها أنتي عالا علينا وإنتي يتيمه ومحد يبيك وإن عمي جلال شفق عليها هو ضرار بيش خطبها وقلتلها قطعها سلطان :خلاص خلاص وبرم علي خوه جلال وبحت فيه تبحيتت خيبت الأمل وشيع غاده وقبل ما إعدي للفيلامتاعهم برم عليهم : الكل يسمعني بناتي الثلاثه سمعتو بناتي الثلاثه غاده و ميس وملك علي الطلاق مهو وخدهم واحد من العيله وهدي أخر كلامي😡وعدا هو وغاده يلي كان مسكها وهي في عيط وحده ومنهاره
ضرار لما سمع كلام عمه برم لحوشهم:ساره اليوم نهيتك علي يدي يا كلبه 😠
جلال مسك ضرار من دراعه: ضرار 😡وبرم جلال شاف ساره تبكي خايفه من بوها وخوها بحت فيها: إحسابك معايه بعديه وبرم بحت في ضرار وقال:هني روحك الرجاله بره يسمعو فيكم أطلع قدامي مش وقتها توه نسيت اليوم زفت خوك شن تبيهم إقولو الناس علينا توه تطلع قدامي هي
ضرار بحت في ساره: والله لمن وريك أصبر عليا بس وطلع وهو شايط طلعو كلهم وعدو للفيلا يلي فيها الرجاله ولما سألوا قلولهم إن البنات عيطا لما شفن عقرب جوه 😌وحتي خال عمار وهيثم كملو معهم الكذبه وجوه نجود و ملك و ميس روحاً لفيلتهم مع سلطان وغاده ومرام درت ليله سوده لبنتها كانت تبي تضربها لكن حزن عليها البنات وعدا البنات وصبايا خوال عمار الاثنين وخلاته الاربعه رقدا بعد الاكشن يلي صار😂 و ساره خشت لدرها وسكرت عليها😑
وضرار كان معجب بغاده صاح لكن مش لدرجت إحبها ويعشقها لكن حمق من ساره لانها سبب المشكله ووجعته غاده والحاله يلي كانت فيها ومع كل هتفكير
وتعب اليوم رقد💤😴
غاده رقدت وهي بين إدين عمها وتبكي
وخالتها جنبها وملك و ميس حتي هنا
كانن معها في الدار بعد ما رقدت غاده طلع سلطان ووجود من الدار وقعدا ميس وملك لكن كل وحده عدت لسريرها ورقدن
وسلطان إتصل بيه فارس ولده إن الرجال يسألوا عليه طلع وهو حامق من بنت خوه إستقبله جلال قبل ما يخش وتأسفله وسلطان قاله: لا يا جلال إنت مليكش دخل في يلي صار لكن يريت تصرف معها ساره وأخر مره إتعرض لغاده وغاده مش يتيمه غاده بنتي أنا وياريت معاش حد يدخل فيها غير
جلال : عند حق يا خوي و ساره نعرف كيف نصرف معها ووعد مني معاش تعرض لغاده وحنخليها تأسفلها إخره وموضوع ضرار قاطعه سلطان
سلطان: مفيش موضوع أنا حلف مفيش وحده من بناتي تخد من العيله لا غاده ولاملك ولاميس خلينه هكي خير شفت شن صار من لمه دوينه دوه علي الموضوع خلينه هكي خير😤
جلال: كيف ما تبي المهم سمحتني😔
سلطان حط إيده علي كتف خوه وقال وهو مبتسم:أنا نزعل من الكل ولا منك يا خويه ومعاش إتأسف علي حاجه
مدرتهاش(وهدا عمي سلطان صاحب أطيب قلب في العالم)
المهم تصافو مع بعضهم وعدو لرجاله هدرزو شويه وكل واحد مسك فراشه ورقد
إلا واحد وهو........😊توه تعرفوه في الجزء الثالث صاح نسيت كوثر وعمار
بعد الزفه عد بيهم لحوش عمار يلي بناه مش بعيد واجد من عليهم وصلوهم وروحو وعمك عمار وكوثر هيمين في العسل وميدروش علي الاكشن يلي صار
خليهم توه بكره جيين
المهم الجزء الثاني✔️
راجو مفاجأت الجزء الثالث
صاح ديرو الحوله كان فيه أخطأ إملائية 😊نكتب فيسع ومنراجعش قراءة ممتعه للجميع حبايبي😍
📝 : 🖤Soma Alsideek🖤
