Unicode
ဟော့ပေါ့စားပြီးနောက် ရှောင်ယွီကရိပေါ်ကိုအိမ်လိုက်ပို့တယ်။ ညနဲနဲမှောင်နေတာကြောင့် လမ်းမှာကားတွေရောလူတွေရောရှုတ်ရှပ်ခတ်နေပြီး ညအလှကိုတမျိုးလေးဖော်ကျူးနေတယ်။
ရိပေါ်အပြင်ကိုငေးနေရင်းပဲလိုက်လာတယ်။ ရှောင်ယွီ ကတော့ရိပေါ်အိပ်ငိုက်နေလို့ထင်ချင်ထင်လိမ့်မယ်။ ဒါပေမဲ့ရိပေါ်အိပ်ငိုက်နေတာမဟုတ်ဘူး။
အရင်ဘဝကအကြောင်းတွေသူပြန်တွေးနေတာ။ အရင်ဘဝမှာဒီကိစ္စတွေတစ်ခုမှမဖြစ်ခဲ့သလို ကျန်းရှောင်ယွီဆိုတဲ့လူကြီးနဲ့လည်း တစ်ခါမှမတွေ့ခဲ့ဖူးဘူး။
ရိပေါ်ပါးကျောင်းတက်ခိုင်းတာကိုကလန်ကဆန်လုပ်တယ် ကျောင်းမတတ်ပဲ ကျန့်ကောနောက်ပဲလျှောက်လိုက်ပြီး အိမ်ထဲပဲနေတာကြောင့်လည်းဖြစ်နိုင်တယ်။ ဒါပေမဲ့ ရိပေါ်ရဲမှတ်ဉာဏ်တွေထဲ ရှောင်ယွီမပါတာတော့အမှန်ပင်။
" ကလေး ရောက်ပြီ "
ရှောင်ယွီအသံပြုမှအိမ်ရောက်မှန်းသိပြီး ကားပေါ်ကဆင်းလိုက်တယ်။
" အဟမ်း..လိုက်ပို့ပေးလို့ ကျေးဇူး "
ရိပေါ်ပြောပြီးအပေါ်တက်မယ်အလုပ်မှာ ရိပေါ်ရဲ့လက်ကိုလှမ်းဆွဲတဲ့သူ။
" ကလေး "
ရိပေါ်လှည့်ကြည့်ပြီးဘာလဲသဘောနဲ့ မျက်ခုံးပင့်ပြလိုက်တယ်။
" အင်း...ကောင်းသောညပါ ကောင်းကောင်းအိပ်နော် "
" ခင်ဗျားရောပဲ "
ရိပေါ်လက်ကိုမလွှတ်ပေးသေးပဲ ရုတ်တရပ်ကြီး လက်ဖမိုးကိုနမ်းလိုက်တဲ့ရှောင်ယွီကြောင့် ရိပေါ်မျက်လုံးတွေအပြူးသား။
" ခင်...ခင်ဗျား.ဘာ...ဘာလို့နမ်းတာလဲ..ကျွန်တော်ကမိန်းကလးလည်းမဟုတ်ပဲ "
" ကလေးက ကိုယ့်ရဲ့သတို့သားလောင်းလေ...နမ်းလို့မရဘူးလား "
" ဘယ်သူကခင်ဗျားနဲ့ယူမယ်ပြောလို့ ဟွန့် အိပ်မက်မက်နေလိုက် "
ရိပေါ်ပြောပြီး ခြေဆောင့်ကာအိမ်ပေါ်တက်သွားသည်။ ဟွန်း သူနဲ့ယူမယ်ပြောမိတာကျလို့။ မားမားစိတ်ချမ်းသာအောင်သာ ဘာမှမပြောပဲပါးစပ်ပိတ်နေပေးတာ။
YOU ARE READING
爱你是一场失败的游戏 (𝙻𝚘𝚟𝚒𝚗𝚐 𝚈𝚘𝚞 𝙸𝚜 𝙰 𝙻𝚘𝚜𝚒𝚗𝚐 𝙶𝚊𝚖𝚎)
FanfictionSE -.- (Zhanyi ; Top Xiao Zhan and Bottom Wang Yibo) Start Date - 4 June 2021 End Date - 2 August 2021
