فى صباح يوم جديد تستيقظ ورد على رنين المنبه لتجد أنها الساعه السابعه صباحا فتنهض من سريرها متجهه الى الحمام ثم تخرج لتؤدى فرضها وتستيقظ والدتها وعلى ملامحها معالم التعجب لتأتى لها وتمسك ذراعها وتهزها: هو انت ورد بنتى ولا انا سخنه ولا بحلم ولا ايه
لتضحك ورد: لا انا ورد يا صرصور عرفتيني ايه اول مرة تشوفينى ده واضح أن الحج بينسيكى حتى شكل ولادك ايوا بقا الله يسهلو
لترد امها بخجل: اختشى على دمك يا بت واة يختى لازم استغرب انك صاحية لوحدك دى تتكتب فالتاريخ
ورد بتمثيل: هو انا سمعتى وحشة اوى للدرجادى
سارة: اة وحياتك المهم خشى حضرى الفطار على ما اصحى اختك
ورد: سيبيها نايمة دى شكلها مرهق اوى
سارة: دى بنتى وانا عارفاها بتعمل كده عشان ماتذكرش مش كفايه مش هتروح الدروس
لينتبهوا لصوت ملك: هو انت على طول قفشانى كده يا صرصور
سارة: ايوه وقوموا يلا شوفوا مصالحكم وذهبت لتوقظ زوجها بينما ذهبت ملك للحمام وورد للمطبخ وأثناء تحضير الفطار اهتز هاتفها لتردف: إيه ده حياة بترن عليا استر يا اللى بتستر
ورد: الو يا حياة خير على الصبح
حياة: صباح النور يا ست ورد
ورد: هووف يخربيتك فكرت في مصيبة عشان تكلمينى بدرى كده
حياة: هو انا وش ذلك بردو
ورد: لا لسمح الله ابدا لا بجد فى حاجة ولا ايه
حياة: لا ده انا متصلة بيكي عشان اقولك خليكي واثقه من نفسك النهاردة وانت رايحة الشغل الجديد
ورد: اية ده انت عرفتى منين
حياة: اصلى كلمت مامتك امبارح اسألها على ملك واديتهانى وقرت بكل حاجه
ورد: انا هوريكي يا ملك ليأتى صوتها من خلفها: عيب عيب لما تفترى على واحدة نسوان زيي
ورد: امشى يبت من هنا
ملك: على فكرة أنا مطردتش انا همشى بمزاجى بس
حياة: ايه يا ورد يعني كنتى هتخبى عليا يعني
ورد: لا يا حبيبتي هو انا اقدر بردو بابا لسه قايل كده بالليل ونمت ملحقتش اقولك وبعدين هو انا لسه اتقبلت
حياة: إن شاء الله هتتقبلى المهم لما يحصل بإذن الله متنسيش اخوك لحسن الحالة ضنك خالص
ورد: حاضر يلا سلام بقا عشان البطاطس هتتحرق منى
حياة: سلاموووووز
لتدخل سارة للمطبخ: يا بنتى سيبى اللى فايدك ده الزيت هيتقلب عليكي الله يحرق الموبايلات على اللى عملها
ورد: شكرا يا ست الكل على اسطوانه كل يوم اللى عايشين عليها
سارة: حطى الاكل على السفرة ابوكى زمانه قعد هناك بس والله لو اعرف ان الشغل هيصحيكى من غير ما اسمع الجيران صوتى كنت وافقت من زمان
ورد: طب يلا يلا
ليذهبوا لتناول الطعام ثم تدخل ورد لغرفتها لتبدل ملابسها وترتدى فستان بلون اللافندر وجمعت شعرها على شكل كحكة تنزل منها بعض الخصل وكوتشى ابيض ولم تضع اى مكياج القت التحية على الجميع وذهبت مع والدها
...........................................................................
فى قصر الاسيوطي
فى الاسفل تجلس كل من ميران وبيرى تتطلع إلى الدرج فلم ينزل مراد من جناحه إلى الآن لتزفر بغضب: انطى هو مراد مش هينزل ولا ايه مش رايح الشركة النهاردة
ميران ببرود: معلش يا قلبي أصله جه متأخر اوى امبارح
بيرى برقة مصطنعة: طب انطى ممكن اطلع اصحيه
ميران بلامبلاة: اطلعى
بيرى بسعادة غامرة: ميرسي لتصعد لجناح مراد تراه مستلقى على سريره يهمس بخفوت باسم ورد لتقترب منه بيرى تمرر يدها على وجهه وعنقه لتهتدف داخل نفسها: بكرا تبقى بتاعى انا وبس وكل فلوسك هتبقى ملكى انا وبس لتضغط على كتفه بخفة ودلع: مورى حبيبي اصحى يا قلبي الساعه ٧:٣٠
مراد بخفوت سمعته بيرى: سيبينى يا ورد شويه بقا
بيرى بصدمه: ورد مين مراد مراااد قوم اصحى
ليستيقظ مراد متفاجئ من وجود بيرى فى غرفته ليقول بغضب: انت بتعملى ايه هنا يا بيرى انت اتجننتى
بيرى: بصحيك يا قلبى عشان الشغل وفيها ايه يعنى مش خطيبى
مراد بغيظ: خطيبك مش جوزك ووجودك معايا هنا مينفعش وميصحش كمان مجيتك كل يوم من النجمة دى
بيرى: انت بتطردنى يا مراد
مراد ببرود: اة وكلمة كمان اعتبرى كل حاجه ملغيه
بيرى بغضب: اكيد كل ده عشان ست ورد اللى كنت بتحلم بيها مين ورد دى
مراد ببرود: ملكيش دعوه واول واخر مرة تدخلى الجناح هنا فاهمة
بيرى: فاهمه
مراد: أخرى برا عشان اغير هدومى
بيرى: يا بي....
مراد: برااااااا
بيرى بخوف: ح..اضرر ونزلت مسرعة بسبب هيئة مراد المخيفة ليزفر مراد بضيق منها ولكن سرعان ما يعود لابتسامته فور تذكره أن اليوم ستكون ورد معه في العمل ليهدأ ويذهب ليستحم ويتوضئ ويصلى فرضه ويرتدي بدلته السوداء وقميص أبيض وكرافت سوداء وصفف شعره ووضع عطره المفضل فكان يبدوا كنجوم Hollywood حقا نزل إلى الأسفل وجد الجميع على طاولة الافطار ليقول ببرود: صباح الخير ليرد عليه الجميع ليردف عاصم: مراد عايزك فى مكتبى تعالى ورايا ليومئ له بالموافقة ويذهب ورائه
...........................................................................
أنت تقرأ
أنا المختلف ❤️
Fantasyفتاة تعانى من تغير جلدى منذ ولادتها فكيف ستواجه المجتمع الذى لا يهتم سوى بالمظاهر وهل ستجد الحب أم لا!؟؟
